Мэрэссӓ нõйси мато. И чӱсӱ чӱлиссӓ jõка
талосса инеэхмиизээ. Вот и вээтии айна синнэ инеэхмиссӓ. Вот сиз лõппу ё нӓвӓд кõйкки
талопойгаа инеэхмизэд. Тули рӓӓто куникка тӱттӓрэллээ. И тӓмӓ нии кõвасси иччи коконӧӧ.
Омниис пиӓб ё тӓтӓ виjjӓ. Сиз тули Jӱрчи опõзõлл сэллӓз.
«Лӓӓммӓ, – юттõõб, – ала идгõ. Тэрвэ
лээд».
Но Jӱръиикаа тӱттӓрикко мэни мэррээ
рантаа. Jӱрчи õли опõзõлл сэллӓз. И вот тули мэрэссӓ мато. Сиз тӓмӓ тахтõ
куникка тӱттӓрээ вõттаа. Jӱрчи сиз тӓммӓӓ ампу. Пӱсӱсс ампу. Вот сиз куниккаа тӱттӓрэллээ
чӓхси панна вӧӧлэ чиин. И сиз тоотии мато Ленинграадаа. Сиз вот, обраазаа пӓӓлээ
риссаваали мато и Jӱрчи. И нӱд он обраазалл. Синн он панту, куй мато тапõттии.
| 
