АКАЛ ОЛИ МАКС 

Эндэ элэтихе укк аканке. Лапсид хийд ий олну. Укк кявескель кайкушти мецха радолэ хаўгод чапмаха, а акк оли кодиш, эмагийчихе кодирадол. А мужикад ичезэ ий наведну. Оли макс. Кут, нягетт-ик, мужикад сэ ий наведну, ка кайкушти хянэн эдэс озутэлийхе ляжус.

Кердан ляксь мужиказэ мецха хаўгод чапмаха. Тули макс беседалэ, вийнад дёскатихе, каргуд панишкатхе. Мужик нецида ий тену вуўсё, мисэ ий тодэкс аказэ ляжуб, микш мисэ акк махтый притворяйдазэ кайкушти. И вот максанке гуляйтазэ ий ӱхт кердад. И кердан нецин гулбан айган тулоб пакичий лийбад пакимаха. Акк каргайдаб, конз уксен авайж пертхе пакичий, макс вяндаб гармолийхе. Нягоб пакичий, мисэ нинкийне аззь ом и жалийхе уколэ. Старинийч кайкен, мий пертиш хянэл тегихе.

Ӱхтэл айгал тули мелхе пакичиялэ, сануб уколэ: «Личте сина хавадохо, и мина селган тага вен синдай ичийж жо кодихе и хавадонке панен лоўчан аллэ, а иче пакичемий акалайж ӧкс». Хё муга и техтхе. Мужик мяни хавадохо, лендь пакичий хавадон ичезэ селган тага и ляксь астмаха укон аказэнно. Тули пертэсэхе, авайдаб уксен пертхе и сануб: «Сула сина, эмаг, уско миндай, олэ хювя, астун питькаспай дорогаспей вешшидеке, олэн вязну луяс». – «Ой, эмбий пястта ӧкс, мужикад ийля кодиш». – «Ка пяста, пяста, ала дё пахакс ота, ий лаи синун мужик, мина хяндаст тедан». Аказэ ускалзихе и пясть пакичиян пертхе ӧкс. Сийд жо и сануб пакичий: «Куўлэ вай, эмагайне, мина панен хавадонке вешшид лоўчан аллэ, а иче любун пячиле венумаха». Акк сануб: «Ка пане лоўчан аллэ и любу пячиле, сига ом лям магата». Пакичий муга и теги. Любый пячиле, верь.

Куўлоб, тулоб макс гармолинке. Акк ойгендаб столан и вийнан паноб. А сийд ий ӓяд айгад пройдну, иштийхе максанке столан тага и завоттихе вийн дёда. Тегихе хумалашшикс, макс вяндашканзь гармолийхе, акк каргейдашканзь. Пячилпей пакичий и сануб хавадолэ: «Кацелтэ хилляшти, хавад, кацелтэ хилляшти лоўчан алл». Сийд ласкихе пакичий пячилпай, мест отть хавадон вешшидеке селган тага и ляксь верайле. Пясть хавадоспай роўкан мужикан. Сануб мужик: «Спасибо сили, пакичий, мина тедиштин нугуни акан ляжун».

Тойжел пяйвал акк ляжус. Кяскь мужикалэ кюлбетин лямбитада. Мужик лямбить, а куни кюлбеть лямбизь, сини кявий мецха койвийжихе. Тули мецаспай кодихе, кюзуб: «Эмаг, кюлбеть дё ом ваўмиж?» – «Ваўмиж дё ом», – сануб акк. «Ваўмиж ом ка, ойгенда ольг дорогашть мёто кюлбетихе мяндэс».

Ляксь акк уконке кюлбетихе. Рийчихе. Укк и сануб: «Мянэ любу марыйле. Ну, ваўмиж олэд? Мина люўмед панен». Акк сануб: «Ваўмиж». Мяни укк пертэсэхе, отть бароган койвийжен, да муга пекста заводи акан. Ий олну сийд хянэлэ айгад конз думайда. Ляксь пагемаха кюлбетишпай. А укк кидоштаб таганпай: «Олгед мёто дёксэ». Ий олну сийд олгхесай. Кайк ляжу хянэл сэс пяйваспай ляксь. И сига тяхасай элэтазэ.