Эливӓд хукко да хакка. Нӓйлл õли
вохо. Хукко лӓхэтти хаккаа сӧӧттӓмӓӓ воххоа каръяа. Хакка мэни, коко пӓйвӓӓ сӧӧтти
воххоа. Õхтогонн аjõ коттоо воххоо. Хукко чӱзӱб вохолт: «Вохо, сиӓ
минуу ӱвӓ вохо! Õõдко сиӓ сӧӧннӱ, õõдко сиӓ ёонну?»
А вохо тӓллээ вассааб: «Эн миӓ ёонну,
эн миӓ сӧӧннӱ. А ко ёхзин ӱли õjяа, катказин ӱххээ лэххоо и ейн ӱххээ тилкаа вэттӓ».
Суутту хукко хаккаа пӓӓлэ. Тõйзõлл пӓйвӓӓ
мэни изэ каръяа. Коко пӓйвӓӓ сӧӧтти воххоа, ёотти воххоа. Õхтогонн аjõ коттоо и
чӱзӱб вохолт: «Õõдко сиӓ ёонну, õõдко сиӓ сӧӧннӱ?»
А вохо вассааб: «Эн миӓ сӧӧннӱ, эн
миӓ ёонну. А ко ёхзин ӱли õjяа, ейн тилкаа вэттӓ и сэйн ӱххээ лэххоо».
Сиз ё хукко нӓэб, што вохо пэттээб.
Вõтти суутту и лõйкказ воххоо.
| 
