Рэпо я крапу
Ёхс рэпо мэццӓӓ мӧӧ я вассаа пуутту крапу.
Ваатаб рэпо краввуу пӓӓлэ, юттõõб: «Куй сиӓ илляа, иллякоо чӓӱ̆д. Синусса
милиссӓ толккуа бõõ. Юттõõ-к миллõõ, крапу-рапу тõтта ли он мокома аззя, этти
синнуа лӓхӓтӓттии вииjемпӓӓнн ииваа õссамаа. Сиз ӱли вууввõõ лаўкопӓӓнн тулид
таггааз я иивад тõкутид маалõõ? Воос мэни, ииваа бõллу».
Крапу юттõõб: «Миӓ ваатан, сиӓ нõйзõд
руттавап».
«Эб õõ руттавап нõйзну, а миӓ вõйн
синнуа jӓттӓӓ».
«Митӓ? Митӓ? Митӓ? – юттõõб рэпо. –
Сиӓ минуу jӓтӓд?»
А крапу юттõõб: «Миӓ лаззõн синуу кõлт
харпатусс эттээ и сиищи синуу jӓтӓн».
Нõйстии нӓвӓд. Рэпо нõйс кõм харпатусс
эттээ. А крапу вõтти рэввоо ӓннӓс чиин. Рэпо пани мэнэмӓӓ. Ёхзõб ва пӧллӱ ӱллээз
нõõб. Ёхс чиввээссаа. И чӱзӱб крапу: «Куза сиӓ õõд? Эб миттӓӓ куулу».
Рэпо таас чӱзӱб: «Куза сиӓ õõд,
крапу?» – а иззэ чӓӓнтӱ синнэппоолõõ, кусса ёхсивад. Крапу лахчи рэввоо ӓннӓӓ и
юттõõб: «Миӓ õлõн сиин. Алкаа синнуа ооттõõн. Вээл вӓхӓккõйзõõ эттээз ёхзин».
И кõйк. Минуу эмӓ вээл паятти.
| 
