Мээз сулатаб тинаа тээ ӓӓрэз.
Пахолайн тули, чӱзӱб: «Митӓ сиӓ, мээз, тээд?»
А юттõб: «Валан култа-силмии, челл
он тарвиз».
Но тӓмӓ юттõб: «Вала миллõ хос ӱхс силмӓ».
Но мээз валлõ. Ваа юттõб: «Сиӓ
тэрпи, куниз тӓмӓ сааб пайкалõõ. Ку хӱлкӓӓб вайваттамасс, сииз лээб пайкалл».
И валõ. И хӱлкӓз вайвõттамасс. Но
пахолайн лӓхс этээз. Мээз сулатаб пиккиӓ каттилалл тээ ӓӓрэз. Пахолайн чӱзӱб: «Митӓ
сиӓ, мээз, тээд?»
«А партой куллитан», – юттõб.
«Õõ сиӓ нии ӱвӓ, куллита сиӓ милта
парта».
Но тӓмӓ юттõб: «Писӓ парта каттилаа.
И пиӓ нии каўгаа, куниз миӓ туõн вõтан вӓллӓӓ».
Пахолайн чӱзӱб мэхэлт: «Куй синнуа
куцутаа?»
А мээз юттõб тӓллээ: «Нӓй Мокома»
Тӓмӓ иссу ё кõлмõд пӓйвӓӓ. Пахолайн
иссу. А мээз айн эб туõ. Тӓмӓ лӓхси эццимӓӓ. Туõб мээз вассаа. Пахолайн чӱзӱб: «Нӓйд
сиӓ Нӓй Мокомаа?»
Каттил риппуб парраз.
«Эн нӓхнӱ», – юттõб.
Пахолайн тааз мээб этээз. Тааз туõб мээз.
Чӱзӱб: «Нӓйд сиӓ Нӓй Мокомаа?»
Сэ тааз вассааб: «Эн нӓхнӱ».
Тӓмӓ ё мõнт пӓйвӓӓ мэни ситӓ виисии.
Каттил токку вӓллӓӓ. И рэпӓзи и парраа вӓллӓӓ. Jӓй палляз луу. Вэри туõб. Тӓмӓ мээб
я идгõб. Мэни jӓрвээ. Сиӓлт тõйзõд пахолайзõд аjõлтии вӓллӓӓ. Тӓмӓ тули сиӓлтӓ jӓрвэсса.
Иссуз jӓрвээ партаалõõ. Я идгõб, чӱӱнэлэд тилккувад. Нэйссӓ чӱӱнэлиисс тултии кõйкк
чӓрппэйзэд я паармад.
| 
