Рихээ халтиайн, тӓтӓ эб нӓчӱннӱ. Õли
нӓчӱмӓттӓ. А ӱхс найзикко пэлчӓз айн домовиккаа. А тайчин õли ахъёо пӓӓлэ
сэгатту. А тайчин аппанõб сиӓл. Айн тээб: пэш, пэш. А найзикко куунтõõб: «Вэдь тõси
он чи, домовиккõ. Хӱппэз ёхсõмаа рэхэссӓ. А паглõченнӓд õлтии ялгõз. Паглад õлтии
авõõ. Тӓмӓ ко мэни, таллаз рипилӓӓ пӓӓлэ. Рипил тӓтӓ лэй сэлчӓӓ. Тӓмӓ ко тоўкказ
ухзõõ авõõ, нии изэ ланкõз маалõõ. Ухс мэни чиини. Мэни наапурии, нии юттõõб: «Тõси
он чи, ётти он домовикка. Миӓ куулин, ко пухки. Миӓ хӱппӓзин ёхсõмаа. Тӓмӓ миннуа
лэй сэлчӓӓ, я тоўкказ маалõõ».
| 
