Эли старикка старухаакаа. Õли нӓйлл
тӱтӓр. Куцõттии тӓтӓ Маша. Мэни тӱтӓр мэццӓӓ обахкаа. Коръяз пӓрвакаа тӓӱ̆нн обахкоо.
И ӧхсӱ мэццӓӓcээ. Тули ӧӧ. Нõйси Маша иткõмаа. Туõб кару. – «Митӓ сиӓ идгõд?»
«Миӓ тахон коттоо».
«Иссуу сэлчӓӓ. Миӓ синуу вээн».
Иссуз Маша карулõõ сэлчӓӓ. Кару вэй тӓммӓӓ
õммаа бэрлогаа. Каўгаа эли Маша мэццӓз. А кару айн тӓтӓ коттоо эб вээ. Маша тэчи пииргаа,
пани кашшõлии, кõõз кару вааттõ. Маша юттõõб: «Элӓ вõта пииргаа! Вээ изӓлээ-эмӓлээ!»
Кару мэни сõппõõмаа. Маша вõтти
пииргаа кашшõлисс вӓллӓӓ. Иззэ иссуз кашшõлии. Кару тули. Вõтти кашшõлии сэлчӓӓ,
нии мэни тээтӓ мӧӧ. Кару мэни, мэни. Иссуз канноо пӓӓлээ.
«Давайкка! Миӓ вõтан пииргаа».
Маша кашшõлисс рӓӓгаб: «Нӓэн, нӓэн,
митӓ таход тэхӓ».
Кару дуумааб: «Ваатт, милтизэд силмӓд
суурõд. Куй каўгаз нӓэб».
Мэни пииргаагаа этэз. Сэ Машшаа вээб!
Вэй коттоосõõ. Висказ сэннээ кашшõлии изӓлээ и эмӓлээ. Иззэ мэццӓӓ ёхси. Тули
коттоо. Машшаа бõõ. Иссуз кару канноо пӓӓлээ. Нõйс иткõмаа: «Нии нõõн ӱфснӓӓ элӓмӓӓ».
| 
