Õли иэлмуйнаа ӱхэллӓ мэхэллӓ тӱтӓр. Тӓмӓ найсуйзи тõйзõлõ найзõлõõ. А тõйн найнõ юттõли тӓллээ: «Синуу тӱттӓрээкаа элӓмӓӓ эн нõйзõ. Виэ тӓмӓ сохõõ. И вокки виэ кааса. И лаа саммалиш шолккаа чедрӓӓб. – сӱввӓ митӓйд кааса эб панту. – Суви суоя, саад маръёйкаа сӱӧннӱнн õлла».

Саамõй ваёмаа сохõõ виэтии. И jӓтэттии синнэ. И тӓм дуумааб ко нõõб шолккаа чедрӓӓмӓӓ саммаласс. Лэнтии тӓллээ линту пӓӓ пӓӓлээ. Инеэхмиизээ ӓӓлэлл паятаб: «Вот, кухõõ миӓ лэнтээн, сиӓ тулõ такаа. Лэнтээн миӓ островаа, сиӓ тулõ такаа. Миӓ силлõ туон сӱввӓ суури пӓхчиниид и õўнõй».

Тӱттӓрикко мэни линнуу такаа. Кухõõ линту лэнтии, мэни синнэ. Сиӓл тӓллээ тулõб вассаа старуха островаза. И тӓллээ паятаб: «Куй сиӓ тõхтизид тӓннэ тулла? Таннэ вайт куникаа тӱттӓрэд чӓӱ̆вӓд. Тӓӓлл он каруд каллиид, õпõа-ялгад, култа-щетинад, вахчизõд опõзõд и õпõа-аръяд. Тӓӓлл он линнуд шолккõзõд сиивэд, õпõйзõд ялгад, култõзõд ӓннӓд. И мõнõллайзõд маръяд тӓӓлл, и пӓхчинӓд. Куккулпӓӓд куникаа пойгад, клазизõд дворцад суурõд. Калад паяттавад инеэхмиизээ ӓӓлэллӓ. А бруудаз элӓвӓд. Сиӓ калаа ӓлӓ кэртӓ виэссӓ. И линтуйкаа ӓлӓ паята. А мэнэ тагõпаа ниитӓ. Сиӓл кахс старухаа каккуй тэчевӓд. Нӓмӓ синуа сӱӧттӓвӓд».

Эб эхтиннӱ тӓм каккуй сӱввӓ, тули тӓмӓӓ тӱвээ култасарви пõдра. И юттõль тӓллээ и тӓмӓӓ нимээ, этти миӓ õлõн муунõтту нõддялт. Тэхтӱ пõдрасси. «А миӓ õлõн холостой поё. Ко саан казõõ нахгаа вӓллӓӓ вõттаа, миӓ синуукаа вэнццаўн. Сиӓ казõõ вõйд тэхӓ. Вõта сарвииз чиин тõмпаа сарвõд пӓӓсс вӓллӓӓ. А нахка изэ лӓхэб».

Тӓм и тõмпаз. И нахка тõкку вӓллӓӓ. И тӓм jӓй инеэхмиисэнн сõйсомаа. И юттõõб тӓллээ: «Лӓхэммӓ тӓӓлт чиирээп вӓллӓӓ».