Эли куниказ. Õли куниккаалл кõм пойкаа.
Куниказ тули ванасси. Коръяз õмад пойгад коккоосõõ и юттõл: «Пиӓб тэддеэ нõйса найссии.
Миӓ õõн вана. Миӓ тэйлээ аннан пӱсӱд. Куххõõ пӱсӱсс мээб пуу-пуля, сэнэсс
талосс пиӓб вõттаа найн».
Мэни ванап пойка ампумаа. Тӓммӓӓ
пуу-пуля мэни купцалõõ. Сиӓлт пити вõттаа найн. Мэни чехсӱмэйн пойка, ампу пӱсӱсс.
Мэни пуля хэрраа тӱттӓрэлээ. Пити вõттаа хэрраа тӱтӓр мэхэлээ. Мэни кõлмайз
пойка ампумаа. Тӓммӓӓ пуля мэни вэттээсээ бульбукаа лэхтоосõõ. Мэнтии вõттамаа пойгад
õммиа пульõй. Кõйкии тоотии õмад ноорикõд изӓлээ нӓӱ̆ттӓӓ.
Кõлмайз вэлли тооб рӓттэз коннаа, кумпа
õли бульбукаа лэххоо пӓӓл. Исӓ юттõõб: «Элӓ сууту, пойка. Синуу õнни моком. Миӓ
тӓтӓ тоожõ нõйзõн сувваамаа нику тõйсиа».
Нӱдэ лӓхэтӓб куниказ пойкõй найсиеэкаа
тӧӧлээ. Мэнтии пойгад найсиеэкаа. Ноорõп мэни ӱфснӓӓ. А конналõõ юттõõб исӓ: «Сиӓ
чихута мурчина, ниитӓ пõлто, паа
кухилаа!»
Конна чихутти мурчинаа, ниитти пõллоо,
висказ коннаа нахгаа вӓллӓӓ. Туливад миньдят коттоо. Вааттааз коннаа нахка
аккуналл. Вõтõттии, пõлõтаттии коннаа нахка. Тултии мэхэд коттоосõõ. Кõйкии
туллаз. А куммалл õли коннаа нахка, сэ сэйзоб вӓрӓjӓлл, юттõõб: «Исӓ хуллусс мэни,
што конна он нии илоз».
Туõб таккаа тӓммӓӓ мээз. Тӓмӓ тӓллээ
юттõõб: «Сиӓ куулõд jӱризэб. Касэ туõб мато кõлмõõ пӓӓкаа. Тӓмӓ минуу вõтаб, сэннэпэрӓсс
што коннаа нахка пõлõтаттии. Сиӓ вõта викастõõ пихтаа. Лõйккаа тӓммӓӓ пӓӓд вӓллӓӓ».
Мээз эб эхтиннӱ вõттаа викастõõт чӓттээ.
Мато вэй найзõõ. Мõлõпад вэллэд эливӓд найсиикаа. Кõлмайз мэни õццимаа õммаа õнниа.
Мэни кõлмõõ тээ вӓллии. Эб тӓӓ, кумпаа тэххээсээ мэннӓ. Туõб черӓ вассаа. Чӱзӱб
тӓлт: «Куххõõ сиӓ моком молоцца мээд?»
Тӓмӓ юттõõб: «Мээн õммаа õнниа õццимаа».
«Миӓ синнуа нõввон. Мээ чехсӱмэйсс
тэтӓ мӧӧ. Миӓ силлõ аннан вõттимõõ. Сиӓлл он вӓрӓjӓд. Вӓрӓjӓӓ таканн синуу найн
сэйзоб суурõõ мао тӱвэнн. Вӓрӓjӓӓ авваад, сиӓлл он суур кураз. Сиз сиӓ казõлл курассõлл
вõйд лõйката маолт пӓӓ. Лõйккад пӓӓ, сиз саад õммаа найзõõ». Мээз мэни вӓрӓjӓлээ. Аваз вӓрӓjӓӓ. Вõтти
курассõõ. Тӓмӓ лõйкказ чехсӱмэйзээ пӓӓ, кумпа пити тӓммӓӓ найсса. Лõйкказ сай õммаа
найзõõ. Нõйстии эллоа элӓмӓӓ каххõõ. Найнõ õли нõддьõтту кõлмõс вуввõсси. Нахка
пõлõтаттии и мато вэй. Куй бõллõйз пõлõтатту, мато бõллõйз вээннӱ.
| 
