Õливад кõм тӱттӓриккуа, плэтиттивӓд
кассой. И юттõливад: «Мэнэммӓ капуссой исуттамаа мэцӓӓ и пõллуо раялõõ. И
нõõмма чӓӱ̆мӓӓ вахтимаа, тӱттӓриккуо унта яткамаа».
Исуттивад нӓмӓ капуссаа кõм пиэнтӓрӓӓ.
Нӓмӓ нõйсивад вахтимаа. И тапазивад јӓнэссээ. Нõйсиват туликкай сӱчӓлпӓйкаа
аямаа. Аjõвад јӓрвээссаа акаа. Тахтõ јӓнэз хӱпӓтӓ вэтээ. А конна иэзӓ јӓнэссӓ,
хӱппии. Јӓнэз нõйси нии кõвии награмаа, этти уулõõ лõхкази. И парайка он јӓнэссэл
уули лõхчи. | 
