Хӓӓтапоя
Косиминэн.
Катушшисса
макааминэн.
Тӱттӓрикко поёо каа мэнэвӓд макаамаа
катушшиисõõ. Макаавад ӱхзии, и макаавад артэлиаза.
Сиз
поё чӱзӱб тӱттӓриколта: «Тулõтко миллõõ мэхэлээ, сиз миӓ лӓхӓтӓн вахиникад?» Тӱттӓрикко
юттõõб эшто: «Тулõн». Сиз поё юттõõб: «Ваат элӓ пэттээ минуат!» - «Эн пэттээ.
Таход, нии тулõ чӓӱ̆мӓ, минус пэроат эб лиэнэ». Сиз поё юттõõб: «Миӓ лӓхӓтӓн чӓӱ̆jӓд тӓнӓннӓ дали уомӓнна».
Нӓвӓд
лӓхтэвӓд уомниизӓ сиз катушшисса вӓлляӓ. Тӱттӓрикко мээб котоозõ, поё тожо õмаас
котоосõõс.
Пойка
илмойттаа ванхэмиллээн тахтованса «нõйса наймасõ»
Тӱттӓрикко котонна б юттõõ митӓйдӓ,
эшто луваттии тулла тӓтӓ чӓӱ̆мӓӓ нуорикõсси. А поё котоо мэнэб, юттõõб õмалõõ
эмӓлээ дали изӓлээ: "Ӓтӓ да эннэ, миӓ тахон нõйса наймаасõõ». Сиз поё
куултааб митӓ исӓ да эмӓ юттõõвад. Ку тахтовад, эттӓ нõйсõйсси пойка наймаасõõ,
сиз чӱсӱвӓд тӓлтӓ: «Четӓ сиӓ, пойка, таход вõттаа энэллээс нуорикõсси?» Поё сиз
юттõõб четӓ тахоб вõттаа. «Вот, эннэ, миӓ ситӓ тахон вõттаа, Мадрõата Максимаа тӱтӓртӓ
Иллолта». Сиз эмӓ юттõõб: «Но, пойкани, вõта ку таход; синуу элӓӓ пиӓб тӓмӓӓ
каа, а эб мэддеэ. Ку силлõõ он ӱвӓ, нии олкоо мэйлээчи ӱвӓ. Кõõз сиӓ таход нõйса
пулмõйта питӓмӓӓсээ?» Пойка юттõõб: «Троицан тахон питӓӓ». Эмӓ юттõõб сиз
пойгалõõсõõ: «Но, чӱзӱ изӓӓз, куй тӓмӓ юттõõб».
Мэнэб изӓӓ тӱвээсээ. Сиз юттõõб: «Ӓтӓ,
миӓ тахон нõйса наймаасõ». Исӓ юттõõб: «Ку таход, сиз нõйзõ! Кõрраа пиӓб тулла
рахваа калттайсõсси». Cиз
исӓ юттõõб: «Мэнэ, чӱзӱ дӓӓдӓӓс дали риссинцӓӓтӓс, кумпа нӓйссӓ тахоб мэннӓ чӓӱ̆мӓӓ.
Ла мэнкоос Юмалаа каа!»
Пойка пӱӱтӓӓ сэтӓӓнсӓ тай ристисӓӓнсӓ «чӓӱ̆мӓӓ»
хӓнэллэ «нуориккõата»
Поё мэни дӓӓдӓллээзэ ӓпэйзӓӓ. Чӱзӱб
дӓӓдилт: «Куза он дӓӓдӓ?» Дӓӓди юттõõб эшто: «Бõлõ котонна, мэни подводаасõõ». Поё
чӱзӱб: «Кõõс тулõб сиз котоосõõ дӓӓдӓӓ?» Дӓӓди юттõõб эшто: «Васса уомõнна õхтагõна
лиэнэб котонна».
Дӓӓди и чӱзӱб поёлта: «Михэ силлõõ дӓӓдӓӓзэ
он ваяга?» Поё ӓпэйзӓӓ юттõõб: «Да он вӓхӓйнэ ваяга». Дӓӓди чӱзӱб: «Юттõõ миллõõчи,
микӓ тэйл мокома аззьа он дӓӓдӓс каасõ? Силлӓ ку б лиэ таход мэннӓ чӓӱ̆мӓӓ энэллээз
нуориккõата? Силлӓ сиӓ чӱзӱчи». Поё юттõõб: «Яа, тахон нõйса найма». Сиз дӓӓди
чӱзӱб: «Четӓ сиӓ таход вõттаа?» Поё юттõõб: «Пэрӓӓ сиӓл саат тӓӓтӓӓ, ку туллас
чӓӱ̆мӓссӓ».
И ёхси поё риссинцӓллээс. Чӱзӱб
риссинцӓн найзõлта ӓпэйзӓӓ: «Куза он риссинцӓӓ?» - «Тõйзõза рихэзӓ. Миӓ мэнэн,
куцун, ку он ваяга». Поё юттõõб: «Миӓ изэ мэнэн синнэ». Поё и мэни. Риссинцӓ макаўсõлла
лэжиб. Поё мэни тӱвээ, илльаккоозии юттõõб тӓллэ: «Риссинцӓ, миӓ тулин вӓхӓккõйзõõ
силлõõ аззьаата». – «Митӓ мокомаа аззьаата тулид сиӓ, криэсникка?» - «Миӓ тахон
синуа чӱсӱӓ, риссинцӓ, этко мэнэ чӓӱ̆мӓӓ миллõõ тӓнӓн õхтагонна нуориккõата?»
Сиз риссинцõ чӱзӱб: «Четӓ сиӓ сиз таход вõттаа мокомаа?» Поё вассааб: «Аа
Иллолт тахон вõттаа, Максимаа тӱтӓртӓ». Риссинцӓ юттõõб: «Ӱхс кõйк, мэнэн».
Риссинцӓ чӱзӱб: «Кõõс сиӓ таход нõйса пулмõйта питӓмӓӓ сиз?» Поё юттõõб: «Вэд
Иллолл питӓӓс Троицаа пӱхӓпӓйвӓӓ, õлутта чихуттаас, силлӓ миӓ тахон и jõввуттаа пулматчи Троицасси; ӱхэд
хуккауõд: пӱхӓпӓйвӓ и пулмад».
Поё мэни котоозõ. А риссинцӓ мэни
нуориккõата чӓӱ̆мӓӓ.
| 
