Кулдайне прихя 

Эндэ оли укк да акк. Коўме тютярт оли. Ненэ тютред хардямаха кяўтазэ эхткийччел коўмен кескен килбетихе. Неце Иван-царевич кундлоб пертэсэс, мида хё пагиштазэ. Кайкиш ванхамб сизар сануб:

– Миндэй отайж Иван-царевич мехелэ, ка мина тегижин ӱхтэс куйдужес коўмеуччед собад.

Кескмяйне сизар сануб:

– А миндай отайж Иван-царевич мехелэ, мина ӱхтэс тайгнас коўмеуччед лейбад паштайжин.

Коўманзь сануб:

– А миндэй отайж Иван-царевич мехелэ, ка ӱхтэс кохнус коўме бохатирид рожидин: тукайне кулдайне, тойне хобедайне олиж.

Неце Иван-царевич най, нецен норембан тютрен отть. Неце мурзяйн кохтышты. Роди коўме пойгад: тукайне кулдайне, тойне хобедайне. Родихе ка кяськ Иван-царевичалэ:

– Иван-царевич, мя бабейд эцмаха, ала ота дяги-бабад бабакс.

Неце Иван-царевич ляксь дорогад мёто, астуб, ка дяги-бабб вастха тулоб, сануб:

– Здрасвуй, Иван-царевич! Эдахакс-ик мяд, Иван-царевич? – бабей сэ кюзуб.

– Мян бабейд эцмаха.

– Ота миндэй.

– Дяги-бабейд эй ласкну отта, – хян сануб.

Хян мёст сануб: «Мянэ хоть мий, ка миял кайк дяги-бабад».

Неце дяги-бабб оргейчи, а Иван-царевич дорогейчи, мёст вастха тулоб Иван-царевичалэ. И отть бабакс нецен дяги-бабан. Тулдхе. Килбеть лябитэтхе лапсиле. Неце бабей тону коўме койркужуд. Неце дяги-бабб отть килбетихе коўме ласт. Хян сига пезеть ненид лапсид, да и пясть лагедаха пёўдхо, вихяндаха нормхе ненид богатирид. Неце бабей тули килбетишпей, сануб Иван-царевичалэ:

– Эйля силэй акайж родьну бохатирид, а ом коўме койркужуд родьну.

Неце Иван-царевич сануб:

– Эзмяйне вига оўкха простьтуд.

Неце всёравно мёст мурзяйн кохтышты, всёравно мёст роди коўме бохатирид: тукайне кулдайне, тойне хобедайне. Родихе ка кяськ Иван-царевичалэ:

– Иван-царевич, мя бабейд эцмаха, ала ота дяги-бабад бабакс.

Мёст ляксь Иван-царевич бабейд эцмаха, ка тулоб дяги-бабб вастха. Сануб:

– Здрасвуй, Иван-царевич! Эдахакс-ик сина мяд, Иван-царевич?

– Мян бабейд эцмаха?

– Ота миндэй.

– Дяги-бабад эй ласкну отта, – хян сануб.

Хян мёст сануб:

– Мянэ хоть мий, ка миял ома кайк дяги-бабад.

Неце дяги-бабб оргейчи, а Иван-царевич дорогейчи, мёст вастха тулоб Иван-царевичалэ. Ук сэ нецен бабан мёст отть бабакс. Хян мёст вёну лапсид кюлбетихе. Сига бабей мёст пясть лапсид ненид. Мурзяйн неце каксь ласт андэй кюлбетихе, а ӱхтэн дятть ойктан нижан аллэ. Дяги-бабб неце тули килбетишпей, Иван-царевич сануб:

– Кацу, – сануб, – коўме бохатирид ом родьну, а кацу, койркужуд ома.

Неце Иван-царевич тегетейть бучун, роўдайжед вандхед, нецен мурзяймен пани синна бучху и пясть Ӓнижехе хейд. Неце Иван-царевич най, отть дяги-бабан тютрен мехелэ. Эляшкатхе хё…

Неце бучч сига качайхе, качайхе. Сига дё неце прихя казвей суўрекс.

– Ой, мамушко, дёўгайжед ойгендан!

– Ала, нади, ойгенда, сювяс сияс олэм…

Рандха тулишкатьхе дё. Куўлишть, кирскахть дё ма, качай дё хийд рандха. Неце прихяйне дёўгад ойгенз, неце бучч и хоўгень. Нед сигапей и ляхттихе мамм да пойг. Прихя суўрь, хивя, тукайне кулдайне, тойне хобедайне. Мамм сануб:

– Пойг, кут мё наку эляшкандэм?

Пойг сануб:

– Мама, вере магатта, ала холду.

Магатихе ӧ. Хомесэл любутихе, ка и перть дё технузэ сихе луяс хивя.

– Нюгут, – сануб, – мейле эляда сэ ом луяс хивя, батэйж нюгут вайсэ мейл олиж…

Нюгут неце прихя мяни, кивудэхе паны и ненэ кайк молодцад сихе тулдхе, веллед хянэн дай батть. Хё кайк здоровкайхе. Эляшкатхе сийд. Кайк.