ВЕДЭХИЙНЕ 

Эндэ оли укк да акк. Укол да акал оли ӱкс тютяр. Неце укк кявель пюўмаха Ӓнижелэ, калад самха. Коўмекиме вотт кяви. Неце укк заводи Ӓнижес дёда. Дэй, дэй, хяндаст барбас табазь. Укк саны: «Пяста». – «Эн пяста, – сануб, – мий ом армхемб, ка анда милэй». – «Тютрен андан, пяста тютрес». Хяндаст бардан и пясть.

Укк тули кодихе пахиш мелиш. Акалэ эй сануну нимида, тютрелэ нимида. Сёдхе, дёдхе дай магатта вердхе. Куўлишть, ка дё колотиже. Неце акк тахтэль мянда, ка укк иче и мяни. «Иче мянь, ала мя сина». Хян кюзы: «Кен ом?» – «Сулну анда!» – «Эйля вёл ротьтуд, хомеэхтан тулгат». Неце укк и сануб тютрелэ да акалэ: «Коўмекиме вотт кявелин Ӓнижелэ, сугашть да зерклошть Ӓнижрандайжелэ». Неце тютяр ляксь сугашть да зерклошть отмаха. Мяни ка, мяни ка, мяни ка – пертийне тули.

– Пертийне, пертийне, пяйвхапей лицом, минухупей пордхейжин.

Пертийне азотихе. Мяни пертийжехе, ка сига jӓги-бабб иштуб пячил.

– Фу, фу, фу, эн няхну никонз рускияд хенгед. Руский хенг тули. Сён, сён, сён.

– Хилляшти, бабушко, эд эхтну сётта сина миндэй, ни дётта, а эхтид стращайда.

Иче пячил иштуб, ледэн ненал хяркичод. Хян сигапей ласкихе, нецен нейчукайжен сётт-дётт.

– Эд мянэ сугашть да зерклошть отмаха мяд ведэхийжелэ тютрекс. Мянэ, минун сизарь вёл опендаб. Мянэ эдэлэзэ дорогад мёто.

Неце нейчукайне мёст мяни ка мяни, мёст тулоб пертийне, мёст пунозэ ка.

– Пертийне, пертийне, пяйвхапей лицом, минухупей портхил.

Пертийне азотихе. Сига иштуб мёст пячил кайкиш атаманша ванхемб. Мёст:

– Фу, фу, фу, эн няхну никонз рускияд хенгед, руский хенг тули, сён, сён, сён.

– Хилляшти, бабушко, эд эхтну сётта-дётта сина миндэй, а эхтид стращайда.

Сётть-дётть хяндаст, нейчукайжелэ кяськ сятазэ, иче лади регудэн, регудэхе пани олгтукийжен. Нейчукайжен пани олгтукийжен кескхе, ну дэй нейчукайженке ляхттихе. Хян нейчукайжен ведаб. Мёдха дёкстазэ ведэхийжед бабалэ да нейчукайжелэ. Ӱксь тегихе папижекс, тойне церквайжекс. Ведэхийжед хейд кюкстихе.

– Папийне да церквайне, эт-ик няхтуд кеда наку пройттэс?

– Мё дё наку сада вотт элям, ка никеда эм няхтуд.

Ненэ ведэхийжед пердихе тагазэ кодихе. Сига тулдхе ведэхийжед кодихе ка санутазэ:

– Эт сёдуд, хё олдхе.

Ненэ ведэхийжед мёст тагазэ мяндхе. Ненэ бабей да нейчукайне тегихе ӱксь дярвхудэкс, тойне дёршудэкс. Ненэ ведэхийжед тулдьхе мёст сихе.

– Эт-ик няхтуд кеда пройттэс наку?

– Эм няхтуд.

Неце ведэхийне и дёшканз, кайкен дярвхудэн и дэй. Дёршине и дяй хипмаха куйвалэ малэ.

– Дёрш, дёрш, тулэ пяйн.

– Эн тулэ пяйн, ота перскин.

Неце ведэхийне перскин хяндаст и отть. Ведэхийне и кишкень кайк и сдохни сихе. Неце бабей да нейчукайне кодихе и ляхттихе, в целости и той мамалэ и баталэ. Мамм и батть ихастутхе. Мина олин сига сатмас, русттал липовиял лузикал сэйн. Элэтазэ тяамбей.