СЕМЕНЗИБА НАГРИШТЬ ПЕРТИН ПЯЛЭ

Элиба эндэ ук да ак. Ук сануб: «Семекам мё пертин пялэ нагришть». Нагришть пертин пялэ семензиба. Нагриж неце, нягед, пертин пялэ казвы. Акэйне сануб: «Мянда мини нюхтмяхя». Мянь синня нюхтмяхя, сигапей лангезь, лангезь и сатуйхез. А неце мужик оти да ёўгас табазь да тойжес да кескоў ребити акэйжен ну дэй айтэйжхе таци. «Мянда, – сануб, – войккид эцтя». Мяни войккид эцмяхя.

Астуй, астуй, хяндиказ тули вастха. «Эдахакс-ик, дядя, астуд?» – «Астун, – сануб, – минай ак коль, ка войккид эцмяхя». – «Ота миндэй». – «Ка кут войкад?» – «У-у, у-у, у-у!» – «Тулэ перскусихе». Укойне перскусихе хяндикахан пани.

Астуб мёст, астуб, астуб. Тули хянэлэ вастха яниш. «Дядэй, эдахакс-ик астуд?» – «Ка минай ак коль, ка мина мян войккид эцмяхя». – «Ота миндай». – «Ка кут ся войкад?» – «Лу-лу-лу!» – «Чомин войкад, тулэ перскусихе». Сен-ги оть.

Мёст астуй, астуй, ребый тули вастха. «Дядэй, эдахакс-ик астуд?» – «Войккид эцмяхя, минай ак коль». – «Ота миндэй». – «Ка кут ся войкад-сэ?» – «О-у, о-у, о-у!» – «Тулэ, чомин войкад».

Хювя. Астуй, астуй, конди вастха тули. «Дядэй, эдахакс-ик астуд?» – «Ка войккид эцмяхя». – «Ота миндэй». – «Кут ся войкашкад?» – «Мямь-мямь-мямь!» – «Тулэ перскусихе». Оть дэй кодихе вюй. «Кус синай акэйне?» – «Айтэйжес». Ненэ кайк зверид пясть синня, нецен акэйжен кайкен дребезги сюйба, нанет сюйба. Укэйне авэйдаб чилуйжен и: «Ёго войкитэй?» А неце сигапей ребый: «Воўмиж ом, авэйда. Буде тарби, ка сина-ги тулэ тянна, синдэй-ги войкамэй». Авэйж, ка акашть эйле: ӱхтэд лухудэд. Ну дэй укойне пясть зверид сигяпей, хоть и акэйжен жвакэйжиба сёда кайкен. Нудэй нагриж пертин пялэ яну отмата.