НАСТАСЬЯ КУЎДЭЙЖЕД ТУКЕЙЖЕД
Эндэл эли мужик да акк. Хийл оли ӱксь
тютяр – Настасья Куўдэйжед Тукейжед. Мужик и сануб: «Мийл пидаб ляхтта кунани бурлакихе,
денгид самха».
Неце мужик асты, асты и дёда захоти.
Ковердазэ кайвийжехе ветт дёмха, хяндаст меццине табазь бардас и сануб: «Эн
пяста, андад-ик тютрен Настасьян мехелэ?» Хян и суўли, сануб: «Андан, вайсэ
пясткат». Хяндаст и пясттихе.
Тулоб мужик кодихе, хё аканке
пагетазэ, а Настасьян дяттихе кодихе. Настасья войк, войк, войк.
Оли хийл козлейне, козлейжелэ и
сануб: «Козлушко, куна милэй пагета?» Козлейне и сануб: «Ота, личте олгтукху и
мина синдэй сигон регудэхе и пийтан синдэй». Хян мяни тукху и козлейне сиды регудэхе
и хян ляксь пагохо.
Веди, веди, ка тулоб меццине вастха.
Кюзуб: «Нягид-ик Настасьян?» – «Нягин, нягин, – сануб, – пордхил иштуб да
тийлетий шуўкейжед пайдад омблоб».
Сийд мяни, мяни, ку тулоб тойне
меццине вастха, ка мёст кюзуб: «Нягид-ик Настасьян?» – «Нягин, нягин, – сануб, –
пордхил иштуб, тийлетий шуўкейжед пайдад омблоб».
Дёксь, дёксь козлейне, сийричи дярвед
пагетихе, а меццижед ий тетуд тулда синна. Мяни ка дярвен тага пертине сийжуб,
пунозэ. Ӧкс таричезэ. Пертижес Иван-царевич эляб да Баба-Яга тютренке. «Этт-ик пясткы
ӧкс», – козлейне таричезэ. «Ӧкс пястам, вайсэ регутт дята пертэсэхе». Козлейне сануб:
«Эндё дята, кус иче, сига и регутт». И лоўчан аллэ пани.
А Иван-царевич эхткижел шарижел вятазэ,
веретэлдазэ шарине. Неце Настасья и оттаб шарижен козлейжелэ: «Кен-ни ом силэй
регудэс». Кясттихе авейта олгтук, ка сигапей Настасья и люўтихе. Иван-царевич
сануб: «Отан мина ичелин Настасьян, а Баба-Яга дяб синна». А Баба-Яган тютяр и
сануб Настасьялэ: «Ляхкам минунке кюлбмаха Ӓнижелэ».
Ӓнижелэ мяха. Баба-Яга риппустаб кивен
каглха и уппотаб Настасьян. Тулоб и сануб Иван-царевичалэ, мисэ Настасья ий
тахтну эляда и пагень. Дё пидаб козлейне рикта дэй сёда. А козлейне и сануб: «Пяста
миндэй». Иван-царевичалэ сануб: «Мянэ».
Козлейне кут мяноб дярвен рандалэ и хуйкотаб.
Настасья сануб: «Эмбы мина любуда, суўрь киви ом каглас». Тули козлейне войкусине,
ка Иван-царевич кюзуб: «Микш олэд войкусине?» Ка козэйне сануб: «Настасья ом
ведэс дэй суўрь киви ом каглас».
Иван-царевич дёксь дэй Настасьян и
веди ведэспей. Тули дэй Настасьян отть акакс, а Баба-Яган рики дэй тютрен рики.
| 
