ИЖАНД ЭМАГАНКЕ ДА СУСЕД-ЛИХАНИК 

Сядихе ляхтта ӱхтэл айгал мецха, пимедаха корбхе, сэнхе ижанд эмаганке да сусед-лиханик. Пантхе кашлид селгха и ляхттихе. Хятьк пиди астта вай ий хятк, но ийля сэс санад. А вот ом аззь митте. Кут тултхе мецха и мида сэ хё ий няхкий: ӱхтэс бокас барбикод каздазэ дяредад, тойжхе полхе кацухтад ка сэс бокас педаяд энччед дёлолэ мёдха ковердэлэзэ.

Кератихе, кератихе сэнт и пидашканз кодихе ляхтта. Мяноба, мяноба, а кодид нягу ий. Сегийтихе. Мий сийд техта? Ка тегенд ом тедмине. Завоттихе кайк коўмен кескен ӱхтхе ӓнхе кидад ластта: «А-а-а! Ау-у-у!» Но никен сэ вастузянт мёдаспай ий анда, кут вайсэ ӱксь няготийн мугажо: «А-а-а! Ау-у-у!»

Няхтазэ, аззяд тегихе хондод да вёл пялэзэ нялгт тули. А кус пидаб сада сёмишть? Кюзутазэ тойне тойжел. Но сийд кердал воўсе ведь тедмата. Айнастазэ кайк коўмен тедрин пезалэ. А пезас иштий тедрь. Но ижанд: чапп! Ичезэ кобрил и табазь нецин тедрен. И хивиш мелиш сануб:

— Нугуни сёманке мё олэм. Пидаб дягашката неце линд и мисэ никеда абидохо ий дятта. Кен махтаб дягада? На, ота сина, эмаг, дяга, — сануб ижанд эмагалэ.

А хян:

— Ну мин сина, ижанд. Анда вай дягаб парамб лиханик. Хян дё тедаб кут дягада пидаб.

— Ка кутжо, кутжо. Дё вёл мина эн махтне, если кут олэн лиханик.

И отихе дягада. Эзмякс лийказь пян и андашкан ижандалэ. Сануб:

— Вот сили, ижанд, если кут сина олэд пямезь, ка и вот на сили пя. Ӱксь пя канзан эдэс ом хювя, а каксь лийноб вёл парамб.

Лийкашкань соўгайжед и сануб эмагалэ:

— Вот сили, эмаг, ненед самиад парахимад соўгайжед сяттутазэ антта вайсэ сили, мисэ сина войжид пюхяпяӓн эмагусэн сэйл войта.

Муга лиханик и дягий нецин тедрен. Ичтазэ дягоспай ий ӱмбярну: дойдий лиха кайк ичелэзэ. А сэйле пидашкань мест кявелта нялгал, куни ий пуўттут кодихе.