ХЮВЯ НИЙЧУКАЙНЕ ВАРВЕЙ

Элэтихе коўме сизаресэд. Ӱксь оли Реду-варвей. Эй кяўну хян никуна, пячил вайсэ вены. Тойжед ненэд сизаред кяўтихе болха да сеньхе. Неце Варвей пячилпей мяб мёдха хейлэзэ сеньхе. Хяндаст эй наведтуд сизаред соўсим. Ненэ сизаред сига бол поймдихе, да сеньт, да мида пуўтуб сига коготихе.

Неце Варвей дё кодихе теравайдэшти дёксь тулда эдэл хейд. Тули дэй пячиле мяни, роўк. Ненэ мёдха тулдхе сизаред, кодихе дё тулдхе сенеспей да боласпей.

– Тойтт-ик, сизаред, сенед да, болад да? – неце Варвей кюзуб пячилпей.

– Ой, ишту, Реду-варвей, пячил, эйка… – и пекстазэ хяндаст синна.

Тойжел хомесэл мёст ляхттихе ненэ сизаресэд. Хян сануб:

– Откаскеп миндэй, сизаресэд!

– Ой, нена тулэ синэй, Варвейле. Куна синдай отам? Ишту, кацу, пячил.

Ляхттихе ненэ сизаресэд и хян мёдха. Мяндхе, мяндхе ненэ сизаред ка ламбхайне венуб бродус.

– Ой, чикушкод, лекатскеп миндэй.

– Ой, вену, нена тулгха силэй, вену сийд! Собид бродустэйтмаха, синдэй леммаха эм тулгей.

Вяхяйне мяндхе, ка укейне венуб.

– Ой, чикушкод, нейчукайжед, лекатскеп миндэй.

– Ой, эм лекей дай, вену сига, собид бродустэйтмаха эм тулгей.

Нюгуди неце Реду-варвей сэ пройдуб.

– Лендаскеп миндэй, сануб (ламбхайне), – тюттю!

Хян и лендь нецен ламбхайжен бродуспей. Вяхяйжен мяни, ка укейне венуб.

– Ой, тюттю, ленда миндэй!

Хяндаст мёст лендь. Хян кодихе эдэлпей дёксь неце Реду-варвей и пячиле мёст. Сизаресэд тулдхе нюгуди сигапей, боласпей да сенеспей. Санутазэ хянэлэ:

– Реду-варвей, хомен лийноб церков, а сина пячил венуд.

Хомен ляхтоба сизаресэд церкваха, сядазэ.

– Ой, откатскеп, чикушкод, миндэй церкваха.

– Ой, куна отам Реду-варвейн церкваха, страмун нингоман!

– Ой, алгей откей, откат сана тагазэ, алгей вайсэ пекскей.

Неце Варвей мёдха ляхтоб церкваха. Мяни Варвей, кивудэхе пайней, хянэлэ сигапей укейне любы, хянэлэ андэй собад кулдмасийжед. Варвей мяни церкваха. Эйни папп паята, ни служкей эй, кайк нецхе адивохо кацтазэ. Неце нейжне Варвей пундалзихе теравейдэшти церквас эдэл рахваст и ляксь, хёболэ ратциле иштийхе и кодихе аямаха ляксь. Нед сизаред мяба дё эдэл хяндаст, эдэл хебон. Хейд ӱмбярзь, хейлэзэ андэй кунутал чвикун, пайнэй моўготиле, ӱхтэлэ и тойжелэ. Тули неце Варвей кивудэнно, кивудэхе пайны, хёбон сихе дятть, иче рийчихе дай собад сихе дятть мёст. Тули дай мёст пячиле иче мяни. Сизаред тулдхе.

– Авой, Реду-варвей, тяамбей адив оли церквас, кулдмасийжис собиш оли, папид ни кед эй слуўжтуд, кайк хянэлэ кацтихе.

– Эн-ик либо мина олну? – Варвей сэ сануб.

– Ой, нена силэй эхти, сина-к нингитте олид? – мёст хяндаст и пекстазэ пячиле.

– Хомен, – сануб, – вёл лийноб церков.

Ненэд мёст ляхттихе церкваха.

– Откаскеп, сизаред, миндэй тяамбей.

Неце Варвей мёст ляксь мёдха церкваха. Неце Варвей мёст мяни, кивудэхе пайны, хянэлэ андэй тяхтхасийжед платтяд. Варвей мёст ратциле иштыйхе, мугомиш собиш. Неце Иван-царевич отть и тервазь лаван церквас, сийд кус неце адив сейжуб. Нецил адивол колуш сихе и дяй. Неце Иван-царевич сормусэл имянныял пайны оцха нециле адиволэ. Церкваспей ляхттихе. Неце адив мёст ратцыле иштыйхе, аей, ненид сизарид мёст ӱмбярзь, ӱхтэлэ андэй чвикун, рийчалзихе и мёст пячиле мяни. Сизаред тулдхе дё церкваспей.

– Авой, Реду-варвей, тяамбей оли адив, нука кайк хянэн пялэ и кацтихе.

Неце Варвей сэ сануб:

– Эн-ик либо мина олну?

Хяндаст мёст пекста завоттихе, роўкад, пячиле.

– Ой, алгей пекскей, откат сана тагазэ.

Варвейл оцц сэ кярьдуд. Сизаред санутазэ:

– Микш ом силэй, Реду-варвей, оцц сэ кярьдуд?

– А сенес оли, – сануб, – да сататин оцан.

– Тяамбей, – сануб, – Иван-царевич кайктя эцциб, куўлэ мин, тервану оли колушин, ка кайкиле оли пробыйну дёўгийхе, ни келлэ сятту эй. Нюгут тулоб миялж ненэ колушид пробыймаха. Неце Иван-царевич сида мехелэ оттаб, келлэ колуш сяттуб.

А Варвейл сига пячил кохтун пакутаб. Тули (Иван-царевич), нениле кахтэлэ сизарелэ и пробый колушин, эй годьнузэ хейле, эйля хейде дёўгад мёто.

– Кен вёл ом тейл пячил? – неце Иван-царевич сануб.

– Ой, мейде сига ом Реду-варвей пячил, ала хотя кярде!

– Эй, – сануб, – пидаб ласкетада.

Варвейд пячилпей ласкетэтхе, хянэл оцц кярьдуд, нецен колушин пробый Варвейле дёўгха, вокурат Варвейле. Оттихе Варвейл оцц рийчтихе. Неце Иван-царевич тервехть хяндаст ристхазэ, пелгасты: пидаб мехелэ нингитте отта. Неце Варвей сануб Иван-царевичалэ: «Ишту наку». Неце Варвей мяни лагедаха пёўдхо, вихяндаха нормхе, кивудэхе пайны ристхазэ. Хёбо тули, картина до того, ка хянэн пялэ и кацта. Неце да Варвей сядихе да до того адивокс, ратциле иштыйхе хёболэ, аяб царин дворцха, царин пертхе. Сигя дё царь да Иван-царевич да вастатазэ хяндаст. Вёдхе хяндаст пертхе ка муга кязиполиш и вёдхе. Адив, ка пялэ и кацта.

Ненид сизарид куцтихе свадбаха. Свадиб вятхе дай тяамбей сига элэтазэ. Кайк, энамба нимида.