Нийчукейне и козэйне

 Элэтихе коўмекимневозне акк и нелкимевозне мужик. Акк радий мал, семензь да кюнзь, ӓгесть, да лехмад, да хебод пиди. А мужик оли моряк. Мужик кезал ляхтоб и сюгюзел тулоб, конз дё дя кюлмаб, аелуз лопиже и тулоб кодихе. Хё кахтэн элэтихе, ка нимида ий тетуд: силэй нимида ий олну, ни почтад, нимида.

А ляхттэс мужикан параходан табазь ведэхине. Ведэхине табазь, нимил ий пяста. Сануб ведэхине хянэлэ: «Вот анда мида сина эт теда кодиш…» Хян кайкед и суўли хянэлэ: лехмид и хёбыйд и кайкен ичезэ имушшестван. Сануб ведэхине:

– Ий, мили нимида ий пида. А мида вайсэ сина эт теда, ка сэ мили пидаб.

Хян дуўмэй, дуўмэй: «Минжо мина эн теда. Кайк сияд мина тедан кодиш, мидажо мина эн теда». Но, пиди согласитса. Сануб:

– Но, окха, ота мида мина эн теда… Пяста вайсэ.

А кодихе тули, ка акк кохтунке. Вот мида ий тену мужик. Хян акалэ сануб:

– Акк, сануб. – пахан мина олэн техну. Кацу, ляхттэс параходан азоть ведэхине и суўлин мина мида мина эн теда. Мина веть тенуен, мисэ сина олэд кохтунке.

Но, теравас акк и роди нийчукейжен. Нийчукейне казваб луяс хювя. Водэн дё казвей, тойжен водэн казвашканз. А хян оли муга и сануну, мисэ нийчукейне дёксэлишканз сига дё, ка хё дё элгетихе, мисэ нугуть дё тулоба отмаха лапсь.

Но, ӱхтэл хомесэл лапсь дё кявель дэй пагиж, мамм да батть мецха и пагетихе, лапсь магатта и дяттихе. Лапсь неце хераштихе, войкаб, войкаб: мамад ийля и папад ийля.

А козэйне сэ и куўлишть.

– Мида, сануб, – сина войкад?

– А, сануб, – ийля ни мамад, ни папад.

– А, куўлэ, синдэй мамэйж да папэйж ома суўлдуд ведэхижелэ, тяамбей тулоба синдэй отмаха.

– Ка мий мили, ничукейне сануб, – пидаб техта?

– Ота сарейл хейнад тукк, регудэхе панэ да иче айгемба тэге пидятейне, сядата платъейжехе синун дэй вирита тохуз. А сина тукун кескхе мяне. А мина норейжен кядэхе отан и куна пя кандаб ляхтэн синунке. Сина икнад авейда.

Неце роўк нийчукейне, може коўмевозне нийчукейне отть нецен пидятейжен лямейнке (карасинад ий олну ка сярез оли, синна хийлед керботазэ). Нийчукейне нецен пидятейжен сядать, тохусэн вирить столалэ, столалэ мида сига лади, икнан авейж. Иче синна хийнан кескхе личихе. Козэйне норейжен кядэхе, козэйне ляксь дорогад мёто. Мяба, мяба куўлиштетхе хахатэсэнке, хохотусэнке асттазэ.

– Оо, кацкат, барданке коза мяноб.

– Мянгат, мянгат, коза сануб, сига дё невеста тийдатей варастаб, лямейжед палэтазэ, икнад авейтуд, столад латтуд.

Но, хё козад ий косттуд. А коза эдэлэзэ мяноб. Кус мёдмягеналлэ дёксоб, вастмягеналлэ шагул и пагетихе хё эдахакс.

А хё тулдхе, козал няхтазэ лямей палаб. Ходал тулдхе, треснитихе пяполихе. А неце пидятейне деревянни ка ко-кол-кол лавалэ.

– Аа, нена эхти, неце коза ом.., кюкскам коза.

А козад кюксмаха мяндхе, мяндхе, мяндхе… А коза миччехе сэ деревнейжхе тули, таричихе ӧкс, сийд дё пяйв пройди. А нед дялг кадотетхе ка ий вийтуд и люўта, сэнке и ляхттихе.

Хомесэл козэйне любый, мёст нецен эмаган, нецен нийчукейжен пийть синна и ляхттихе эдэлэзэ, санутазэ: «Ий вей тулдэйж вёл вастха». Хё асттихе, асттихе, может санугам мичченнияха лиднха дё. Лиднха тулдхе. А нийчукейне казвий дё ий пяйвид мёто, а часийд мёто. Нийчукейне тегихе, ка войб дё песта и уберида. Козэйне таричихе эмагалэ лапсенке, мисэ неце войб дё песта лапсен и стерейда.

– Вайсэ козэйне пидаб берегийта, нийчукейне сануб, – кут и миндэй.

Завоттихе сийд эляда, эмаг да ижанд хивяд. Нийчукейне сийд дё казвий луяс. А хийлазэй племянник эляб кус сэ сига. Племянникал мугийжел же возрастал роднузэ прихя. Неце приха кяўшканз сихе тётанну да дяданну и неце нийжне хийле пондравихе. Хё дё каздихе суўрикш, ведь старин сэ теравас санузэ, а айг сэ ий муга пройду. Хё и найдхе. Найдхе и хийл дё сига родихе пяличи водэс лапсь.

А мамм да батть пердихе пяличи кахтэс вей коўмес пяйвас, няхтазэ, мисэ кац, пидятейне лангену, ласт ийля, дэй козашть ийля. Санутазэ: «Наверно, и коза оттихе и лапсь оттихе».

Элэтазэ хё элэтазэ, муга дё равастутхе. Хийле дё вийшкимин возин дэй куўзкимин возин.

А нециле нийччеле сэ мелхе… Сануб: «Олиж либо аяда родиналэ, вёлак ома минэй родителяд…»

Но, мужик сануб: «Ляхкам. Лёўнед буде ка…»

Но, кель Киеваха вёб. Кюзэлтихе, кюзэлтихе, деревняха и тулдхе. Тулдхе деревняха, таричихе ӧкс дэй. Нийчук дё, тютяр сэ мехел, дэй лапсь дё хийлазэй тодуд дэй. Сануб:

– Оли нинга конс сэ, рахваз пагиштихе, мисэ олдхе суўлдуд мамм да батть лапсь ведэхижелэ.

А мамм ад батть кацтазэ тойне тойжхе и войктазэ, войктазэ, войктазэ хянэн тяхтэ. Сануб:

– Мийде лапсь ом, мийде лапсен теддаб. Кут хян мийде лапсен теддаб, мисэ мё олим, мина олин суўлну ведэхийжелэ.

Хё ий текий, а хян сэ теддаб дё: ненэ ома батть да мамм. Хийл оли койв иштутэт икнан аллэ, ну ка хян койвуд мёто тедишть нецин пертин. Хоть нийчукейне оли вёл ий суўрь, а тундишть. Койв оли дё сангиштуну суўрекс, санктакс казну. Но, потом нецен кайкен хян старинийч мамалэ да батялэ. Сануб:

– Мина вед сэ нийчукейне. Козэйне миндэй каич. Ӧн магазин, козэйне милэй кяск нинга техта. Козэйне вей миндэй эзмейжехе деревняха.

Батть да мамм войкуд. Прошшендяд хянэл пакитазэ да, тервехтазэ да. Войктихе, войктихе сийд лапсудэнке, сийд госттихе, дэй оттихе мамм да батть дэй ляхттихе. Лиднас сига тяамбей элэтазэ.