| Верез туллей пухуб
Кюльмкун аўготижес ом пайндуд тойне вепсянкелине "Verez tullei"-альманах. Кут эзмяйжес, муга тойжес-ки "Verez tullei"-альманахас ом прозад и рунойд кут айгвоччидэн, муга лапсидэн-ки тяхт. Альманахан идей ом сиш, мише озутада вепсян рахвахан, вепсляйжидэн кюлидэн элод эразвуйччиш полишпяй. Сикш альманахас ом эразвуйччид рубрикойд, мугомид кут: Мейдэн эло, Тедомир, Литератур да тайдех, Хенгкувад. Санутэсидэн, рунойдэн да киръютэсидэн авторойдэн кескес ома кут тутабад вепсляйжиле нимед, озутэсикш: Анатолий Петухов, Василий Пулькин, Николай Абрамов, Нина Зайцева, Виктор Яшов и тойжед, а мугажо нед, кел ома вепсляйжед jӱред и кен тахтойб киръютада вепсян рахвахан тяхт, озутэсикш: Олег Мошников, Наталия Силакова, Раиса Лардот, Алексей Щенников. Нециш альманахас ом узидэн авторойдэн киръютэсид-ки. Тял водэл альманахан тяхт киръютиба мейдэн себраникад Суомеспяй. Неце ома Анита Лааксо да Маркку Ниеминен. Кайкуччес кулехтэсэн номерас пидайжи олда сэ, ми мельдютотайжи и коскижи лугиёйд. Нециш альманахас войб лёўта ӓй эразвуйччид фотокувид. Мелетан, мише нецен альманахан чомитиба хювя Алёна Егорован "Сядай мезь"-киръютэз да лижалехтэсэд, миччил ом чомид да мелентартуйжид фотокувид. Кайк нед чомитаба мейдэн альманахад и тегеба сидя муюкахакс. Тарбиж сануда, мише эй олэнд кебн техта альманахад. Мё мелетим рубрикойш ё мулой, вайше тарбиж оли лёўта синна материалойд вай пакита авторойд киръютада синна. Пиди ӓян рата авторойдэнке, техта хейдэнке питькид пагинойд, тулда кожмусэхе, кут антта киръютэсэн, мише кайта кирjкелен формад и пагинматериалад. Ка иче-ки альманахан ӓйкердайне лугемине эй олэ кебн рад. Мелетан, альманах линнеб мелентартушт кут айгвоччиле, муга лапсиле-ки, и кайкиле, кен махтаб лугеда вепсякс, кен холдуб вепсян рахвахан тулияс элос, кен опендаб вепсян кельт. Кацмата сихе, мише оли jӱгед техта альманахад, мё олэм хювиш мелиш, мише альманах ом пайндуд и надеймойш, мише сэ тулеб мельхе мейдэн лугиёйле. "Verez tullei"-альманахан войб остта "Kodima"-лехтэсэн тоймиштос, сэн арв ом 70 рубльад.
Марина ГИНИЯТУЛЛИНА
| 
