Пюхяпяйв, 29.01.2023

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
Диалектные материалы [5]
Водские сказки (Vadja muinasjutte) [52]
Водские сказки из книги П. Аристэ "Vadja muinasjutte", экспериментально записанные водской кириллицей
Другие водские сказки [7]
Водские предания (Vadja muistendeid) [15]
Водские предания из книги П. Аристэ "Vadja muistendeid", экспериментально записанные водской кириллицей.
Vad'd'aa rahvaa jutud ja kaazgad [24]
Реклама на сайте
К представленной на сайте рекламе сторонних страниц автор сайта отношения не имеет. Платформа сайта ставит её автоматически. Приносим свои извинения.
Деклараций
Всеобщая декларация прав человека на вепсском языке (в новой вепсской кириллице)
Новая книга
М.Ю. Кузнецов. Русские черты в вепсском синтаксисе. СПб, 2018.
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Водские материалы » Водские сказки (Vadja muinasjutte)

Из старой карги в молодую жену

Ӱхэлл куникалл õли кõм пойкаа. И кõйкии õливад элӓхтӓннӱӱд. Иэзӓ сурмаа тахтõ куниказ пойгад найттаа. И тэчи нӓйлээ кõм сирькаа. И jõка сирькаасõõ чиръётти пойгаа нимээ, куммаллõõ антõ. Пойгад куццõ тӱвээ. И пойкõйлõõ юттõли: «Миӓ нӱд тэддед кõйкк кõлмõд найтан. Миӓ нӱд кõхт куолõмаа нõйзõн».

Вэй нӓмӓ сэйццемӓттӓмӓлээ етажилõõ балхонилõõ. И юттõли нӓйлээ: «Вот, миӓ аннан тэйлээ луокад и сирькад. И нӱд тӱӧ хампугаа. Кумпаа пуолõõ сирька лэнтӓӓб, сиӓлт пуолõõ вõтатта нуорикõõ».

А сирькойлл õливад суурõд черӓд пэрӓз ниитиикаа. Вот, кухõõ сэ черӓ хӱппӓӓб ниитиикаа, сиӓлт куникаа пойка вõтаб нуорикõõ. Вот, ванõп пойка пани иэстӓӓ сирькал ласкõмаа. Хӱппии тõйзõõ куникаа маалõõ дворццаа. Сэ вõтаб куникаа тӱттӓрээ мэхэлээ. Чехсимэйзэлт сирька хӱппии купцаа котуо. Чехсимэйнэ пойка вõтти купцаа тӱттӓрээ.

Нӱд кõлмайз пойка, нуорõпи, висказ сирькаа черӓӓкаа. Сирька лэнтии сохõõсõõ ваёмаа пайккаа.

Вот, ванõп пойка ё пулмаа мӓнчи. Нуорикõлл нэнӓ вӓӓрӓ, ампаад пичӓд, илма нӓнниитӓ, и кахс сõрмõа чӓммӓлэзӓ. Купцаа тӱтӓр илоза õли, нии вайт рӓбот õли.

Но, нӱд нуорõп вэлли мэнэб сирькаа такаа эццимӓӓ нуориккõа. Мэни сохõõссаа. И сиӓл суур конна вассаа тӓллээ. И паятаб инеэхмиизээ ӓӓлэл: «А сиӓ мину жениха õлõд чи!»

«Ай, куй миӓ синуа вõйн мэхэлээ вõтта, ко сиӓ õлõд конна? Ку миӓ синуу виэн?»

«А ку д виэ, нии изэ тӓннэ куолõд сӱӧмӓттӓ. Миӓ вӓллӓӓ эн лаззõ синуа, кунни минуа сиӓ эд вõта».

Тӓмӓ нõйси иткõмаа, куникаа пойка, и юттõõб: «Но исӓ минээкаа минуа блахславитти! Рохолиизõõ коннаакаа. Парõп койраа õлõйзин вõтанну. Хоть охфоталлõ чӓӱ̆ннӱ, и линтуй паллё хампунну õлõйзин. Но митӓ кассõ конна нõõб тэчемӓӓ? Изэ õяз вэттӓ мутиттамаа. И пэсэӱ̆тӓ эб саа. Нõйсõвад тõйзõд вэллэд найсиикаа сõйттõõмаа минуа. Лиэб минуу манаханн õлла кõйкк ичӓ ӱвӓӓ конаа пэрӓсс. Тулõ сиз пальтуо  рӱппӱӱ. Виэн синуа тӓӓлт вӓллӓӓ. Нӓӱ̆тӓн õмалõõ ӱвӓлээ изӓлээ нӱд».

Нӱд вэй дворццасõõ.

«Ваатт, исӓ, минуу õннõа!»

А исӓ юттõль: «Сину õнни парõп кõйккõа мааилмаз».

Нӱд исӓ тиэб баалаа. Тõйзõõ куникаа маалт кõйкк тõйзõд куникаад пэрэйнӓӓ тулласс. Вот исӓ и юттõõб: «А тэдде найзõд миллõõ подаркад тэчевӓд».

Но тõйзõд вэллэд и юттõõвад: «Мэдде найзõд тэчевӓд подаркад. А митӓ тӓмӓ, конна тиэб?"

Но мэни нуорõп вэлли котуо. И тõйзõд мэнивӓд. Нуорõп вэлли исуб котонн и тускааб. Вот конна юттõõб инеэхмиизээ ӓӓлэл: «Митӓ нии пӓӓ пайнõõд маталасси? Вай синуу варт эб õлõ пӓйвӓӓ каўнисса? Култõзõлл виэролл синуу õнни виэрэб. Юттõõ, митӓ вая. Кõйкк лиэб».

«А куй сиз? Минуу исӓ чӱзӱб подаркой, лахъёй нуориккõйлт. А митӓ сиӓ вõйд тэхӓ?»

«Култа-карэтид вõйн аяа, мэрэд и мэцӓд пайнаа. Суõд панõн улвомаа, каруд панõн танццимаа, лээваа панõн вилиссӓмӓӓ. Кõйкк мааилма нõõб куммиттõлõммаа».

«Вот, ваатамма, – миэз юттõõб, – милтизээ подаркаа изӓлээ тиэд. Вот сиз миӓ васс узгон. Ко вайт коннасс митӓйд эб лиэнэ?»

«Эх, сиӓ миэз! Макаа ӱӧтӓ. Уомнииз кõйкк нӓед».

Нӱд нӓмӓ макаамаа эйттиивӓд. Но миэз нукку макаамаа. А конна нõйс ӱлээлээ. Висказ коннаа нахгаа пӓӓлт вӓллӓӓ. И илоккааб кõйккõа мааилмаз нõйси. И тэчи мõнõлайсии рэсункойкаа изӓлээ шолккõзõõ чиўтуо лахъёйсси.

Но нӱд пойгад виэвӓд уомнииз изӓлээ подаркад, лахъяд. Ванõп пойка вэй чиўтуо. Моршитõтту кõйкии. Ихад ахтаад õммõлту. Каглус пиэни, пӓӓ эб махтунну куникаалл. Куниказ миттази и чиўтуо маалõõ висказ. Чехсимӓйзээ пойганнайзõõ подарка õли варниккõ.

«Казõõкаа вайт пӱхчиӓ ялкойт пэрӓӓ саўнаа».

А нуорõп пойка вэй чиўтуо. Тӓм эби усконну, што мокомаа чиўтуо туоб, што куниказ элӓйзӓӓ бõллу и нӓхнӱ мокомаа. Пани ӱлээ jӓркӓӓ сэнээ чиўтуо. И юттõль: «Тõйзõлл пӓйвӓлл тэхкаа миллõõ булкад кõйкки кõлмõõ. Нэд булкад лиэвӓд сэнэлээ лаввалõõ панту, куза кõйкк вõõрад нõõвад иссумаа».

Нӱд мэнэб сэ котуо, сэ нуорõп пойка. А найзõлл он коннаа нахка таас пӓӓл. И юттõõб найзõлõõ: «Подаркаа тэйд ӱвии. А уомõн пиӓб булккаа».

«Булкка тэхтӱ лиэб».

Вот ӱӧтӓ жениха б маганну. А силмии чиин пани. А изэ илляккуоттаа саламии вааттõ, митӓ нõõб нуориккõ        тэчемӓӓ. Вот рӓӓгахти кõрт нимэлт нуориккõ, тõйн кõрт рӓӓгахти. А тӓм митӓйд эб юоллу вассаа. Нику макааб. Ваатаб: тӓм коннаа нахгаа эйтти вӓллӓӓ». А изэ нии илоза õли, што мааилмаз мокомаа тõйсс бõллу илозаата ко тӓмӓ. Тӓм эб тэрпиннӱ тилаз õлла. И нõйси иссумаа. А нуориккõ тайчинаа сõткõ. А нуориккõ эб нӓхнӱ, этти миэз исуб, исуб и ваатаб. Вот тэчи тайчинаа валмиисси. Тэчи булкаа мõнõлайсии рэсункойкаа. И чӱхзэтти. А тӓм айн исуб. Сиз эйттии. А айн ваатаб саламии. Тӓм пани тагааз коннаа нахгаа ӱлээ. И иссу култа-тарэлкалõõ. И алкõ паятта: «Ай сиӓ минуу мэхэни! Да лиӓд сиӓ миэлэвӓпи да õннõвапи õмииз вэллиитӓ. Митӓ нӓмӓ синуа нарривад. Тӓнӓнн кõйкк ваата, митӓ лиэб. Касэ пӓйвӓ кõйкк нӓӱ̆тӓб».

Миэз айн нику б куулõ. Вот пӓйвӓ ё кõркõалла. Тӓм миэсс ӱлээз аяб: «Охто магата, майротõлла. Эбõлõ эмӓӓ тила. Тӓӓд, этти нõйзõд найзõõкаа макаамаа, мэсимиэлилл миэлӱттӓмӓӓ».

Нõйси ӱлээлээ, ваатаб коннаа пӓӓлээ и награб. И юттõõб: «Куй каўгаа сиӓ нõйзõд минуа дуракканн питӓмӓӓ? Хоть жаалиўтаа вӓхӓккõйзõõ. Вэдь миӓ õлõн инеэхмиинэ. Ӓлӓ анна торокканõйлõõ минуа сӱввӓ, и тӓйлээ такуа. Вэдь и куу награмаа нõйзõб и пӓйвӓ суоjõттаа эб тахо. Кõõз минуу õнни авõўб?»

«Тӓнӓнн, тӓнӓнн пэрӓӓ пуолт пӓйвӓӓ. Виэ изӓлээ булкка. Да тулõ jӓркиӓ тагааз котуо».

Вэй тӓмӓ изӓлээ булкаа. Исӓ õли ӱвииз миэлии. Лõйкказ булкаа пуолиттаа. И тõйзõд булкад лõйкказ пуолиттаа. Ванõпаа пойганнайзõõ булкказ õли тайчина сӱӓммэз. Бõллу чӱхзэтэттӱ. А чехсимӓйзээ пойганнайзõõ булкка õли пõлõтõтту. Нӱд исӓ юттõли: «Кахс тунниа пӓйвӓӓ õлкаа кõйкии лавваа такан найсиикаа».

А тõйзõд вэллэд юттõõвад: «Мӱӧ сэ тулõмма найсиикаа. А ла тӓмӓ õмас коннаакаа тулõб».

«Но тулка», – исӓ юттõль.

Вот мэнтии пойгад котуо сõпõўмаа.

Но нӱд тулõмма пойгад найсинаа.

Иссузивад лавваа тагаа. И вõõрад лавваа таканн кõйкии. Но нӱд сэ тулõб виимэйзэсс нуорõп пойка. И тули ӱфсинӓӓ.

«А миӓ тулõн пэрӓӓ. Но сиӓ ӓлӓ эйттӱӱ, ко куникаа дворцца нõõб хӓӱ̆лӓмӓӓ. Сиӓ юттõõ кõйкиилõõ вõõрайлõõ: «Алкаа эйттӱӱгаа! Кассõ тулõб минуу сууангэлиа».

Вот и тули сууангэлиа култа-карэтилла. Кахстõшшõмõтт яадиа иэзӓ и куус такана. Суурõд линнуд лэнтиивӓд кахõõ пуолõõ партид и лаўлõвад дворцаа аккунаа алла. Вот тули, куммартии. Нõйси исӓ лавваа такаа вӓллӓӓ. Тӓтӓ чӓез чиин вõтти. Тõй лавваа тагаа. И пойгаакаа риннаа исутти. Кõйкки чӱсӱӓсс: «Кусса каннии илоза тули?»

А вэдь юолтии, тӓлл найнõ конн õли.

А тõйзõд вэллэд юттõõвад: «Исӓ õсси вӓхӓнайгасс кусс-лэб».

Исӓ валõ виинаа и тэрвӱтти нӓмӓ. Висказ пуол рюмкаа аккунналаа виинаа нуорииккõ. И тули õпõнõ брууда. И бруудаз мэнивӓд удгад уюмаа, и мõнõллайзõд линнуд. Сиз нõйстии лавваа такаа вӓллӓӓ, и мэнтии танццимаа. И исӓ вõтти, антõ õўнаа нуорõпаллõ   миньдялõõ. Тӓм пуолõõ õўнаа висказ аккунасс куялõõ. И jӓркӓӓ казви õўнаппуу õўнõйкаа. Вот, тӓмӓ танциб мэхээкаа. А тõйзõд вэллэд вааттавад. И юттõõвад: «Вõõраа найзõõкаа танцид. Эд õмаскаа. Вэдь синуу найнõ он конна».

А тӓм юттõõб: «Лӓӓммӓ минуу найзõлõõ вõõрази!»

И вэй кõйкõõ сугуу, и изӓӓ. Мэнивӓд нӓмӓ вэттӓ мӱӧ. А сиӓлл аннõттии нӓйлээ путэли дуухõй. И юттõливад: «Вõйтõлкаа кõйкии казõõ дуухõйкаа. Алаццõõ вэттӓ нõõмма мэнэмӓӓ. Ӱхэз пайккаа лиэб айвуо разгаз мэннӓ. Тӱӧ õлõтта лахзõд прируодаа Иэваа и Аадамаа. Тӱӧ рӓӓгахтагаа кõйкии кõрраз. Нӓмӓ пэлчӓӓвӓд инехмиизээ ӓӓлтӓ, нику звиэрид мэццӓз пэлчӓӓвӓд инехмиизээ ӓӓлтӓ».

Ӱхэз пайккаа и разгас тули. И нӓмӓ рӓӓгахтивад кõйкии. И раскаўз хӓвизи. Сиз нӓмӓ мэнивӓд. Мэрээ пõхъяз õли брилянтõвõй дворцца, сахарнõйзõд ухзõд, брӓниккõйзõд аккунад. И нуорикõõ суку сиӓлл кõйкки сӱӧти и юоти. Кõйккõа паллё.

А миллõ эб митӓйд аннõтту. Ай ко паха миэли!

Куулин бабушкалта.

Категория: Водские сказки (Vadja muinasjutte) | Добавил: Максим (09.11.2012)
Просмотров: 644 | Комментарии: 1 | Рейтинг: 0.0/0
Всего комментариев: 0
Имя *:
Email *:
Код *:
Водская сказка
Систа и Сума
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2023
    Конструктор сайтов - uCoz