Видензьпяйв, 03.02.2023

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
"Образцы вепсской речи" [15]
Материалы из книги М. Зайцевой и М. Муллонен "Образцы вепсской речи" 1969 года, записанные кириллицей.
Вепсские народные сказки [24]
Сказки из книги "Vepsän rahvhan sarnad" 1996 года, записанные кириллицей.
Vepsänman sarnad [8]
Сказки из книги "Vepsänman sarnad" 2006 года, записанные кириллицей
Ičemoi londuz [4]
Тексты из книги "Ičemoi londuz", записанные новой вепсской кириллицей
Kodima [25]
Материалы из газеты "Kodima", записанные кириллицей
Вепсская Викия [1]
Статьи из Вепсской Викии (Вепсян Викияспяй лехтполед)
Песни группы "Noid" [4]
Тексты песен группы "Noid", записанные кириллицей.
Списки слов из словаря [3]
Списки слов из вепсского диалектного словаря 1972 г.
Другие материалы [3]
Реклама на сайте
К представленной на сайте рекламе сторонних страниц автор сайта отношения не имеет. Платформа сайта ставит её автоматически. Приносим свои извинения.
Деклараций
Всеобщая декларация прав человека на вепсском языке (в новой вепсской кириллице)
Новая книга
М.Ю. Кузнецов. Русские черты в вепсском синтаксисе. СПб, 2018.
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Вепсские материалы » Kodima

Вепсян кель да культур Элиас Лённротан сядандрадос
Вепсян кель да культур Элиас Лённротан сядандрадос

Сулакус Петроскойш оли "Элиас Лённрот да суомалайж-угрилайжидэн рахвахидэн культурjӓльгестуз"-тедоконференций, митте оли омиштадуд Элиас Лённротан 210-воччекс юбилеякс.
Конференциян ӱхтникад эзитиба эразвуйччид докладойд вепсян, каръялан, суомен да венян келил. Алеся Потес да Светлана Коттина суомалайж-угрилайжен школан опеникад старинойчиба вепсян келен да культуран знамойчендас Элиас Лённротан сядандрадос. Тедиштагад тё-ки сэн полхе.

Тетаб маильман мезь
       Элиас Лённрот (1802 - 1884) сюндуй Суомес, Саммати-лиднас омблиян канзас. Водэл 1832 хян заводи опетас коргедшколас. Jӓльгес коргедшколад хян тегихе лекарикш. 1833. водэн аўготишес Элиас Лённрот оли лекарин Пяйвноўзмполижес Суомес Каяни-лиднас. Каяниш хян оли эляну 21 вот, 1853. водэхесай. Ненил возил Элиас Лённрот теги сурькулун радон фольклоран да "Калевала"-эпосан керадамижес.
       Хян наведи керата рахвахан рунойд, сикш мё тедам хяндаст кут рунойдэн керадаян. Элиас Лённрот керази каръялайжидэн да суомалайжидэн рахвахидэн рунойди теги "Калевалан". Хян теги 11 маткад Каръялан мадме (1828 - 1842). Ненэ олиба яўгматкад вай венехматкад. Элиас Лённрот отти кердалэ сельгшаўгун да оружъян. Маткатес хян сай эразвуйччид тедойд. Элиас Лённротан матккиръютэсиш ом ӓй материалод, кудамбад коскеба кодирёўнад да географижид тедойд. Элиас Лённрот киръюти ӱмбриштос, jӓрвиш, егиш, кюлиш, рахвахас, хейдэн элос да эломиштос, веройш, экономикас, лекарин абус, миччид хян няги. Jӓльгмяйжес маткас Каръялан мадме Элиас Лённрот теги филологижен радон каръялан пагинойш. Хян керази ӓян материалойд швеция-суомен ваехникан тегендан тяхт. Нийл-жо возил Элиас Лённрот оли вепсляйжидэнно. Архипа Перттунен старинойчи Элиасалэ ӓй рунойд. Вёл хян киръюти "Кантелетарен".
       Эзмяйне Калевалан пайндуз лякси водэл 1835. Сиш киръяс оли 35 рунод. Тойне Калевалан пайндуз оли водэл 1849, сис оли 50 рунод. Эрасиле рунойле ома тухад вот. Калевалад лугиба эндэ, лугедас нюгюдь, лугешкатас эдэмба-ки. Неце кирj тули мельхе кайкиле манрахвахиле.

Лённрот вепсян келен опендамижес
       Вепсляйжидэн оппинд заводихе мёхемба тойжид суомалайж-угрилайжид рахвахид. Эзмяйне тедомезь, кудамб старинойчи вепсян келес оли А. Й. Шёгрен. Jӓльгес А. Й. Шёгренан тундиштузматкойд суомалайжидэн тедомехидэн кескес заводихе сурь мелентартуз вепсян кельхе, кут хеймолайжехе. Возил 1842 и 1845 тетаб суомалайне тедомезь и фольклоран керадай да киръютай Элиас Лённрот кявуй кахтишти водэс вепсян малэ, нийхе кюлихе, кудмабад нюгюдь ома Пёўдон и Подпорожъен раёнойш. Аўгуст Алквист оли вепсляйжидэнно водэл 1855. Матккиръютэсэд, кудмабид керази Элиас Лённрот тулиба хёнэн тедодокторан диссертациян тювехе "Om det Nord-tschudiska språket".
       Элиас Лённрот и Аўгуст Алквист олиба эзмяйжед, кед ичезэ суомен келен радойш нимитиба мейдэн рахвахаст "вепсляйжикш", а мейдэн кельт - вепсян келекс. Вепсян келен эригойчуз абути тедомехиле суомен келен оппимижес, а мёхемба суомалайж-угрилайжен риндатузкельтедос.
       Элиас Лённротан да Аўгуст Алквистан радойдэн абул тулиба хункарин тедомехидэн (Пала Хунфальди да Ёжефа Синней) оппиндад вепсян келес. 1880 возидэн лопус мёст заводишойш суомалайжидэн тедомехидэн тедоматкад вепсляйжидэннокс. Ненэ олиба Э. Н. Сетяля да Л. Э. Кеттунен. Хейдэн оппиндад тегихе вахвакс тювекс вепсян келен опендамижес.

Вепсян мал
       Калевала-эпосан тегий Элиас Лённрот оли вепсян мал водэл 1842. Эзмяй хян тахтой тулда вайше пяйвноўзманполижидэн вепсляйжидэннокс, кудамбад элиба Каргополин да Вытегран кескес. Нецен вепсляйжен группан ними оли Исарв, и сихе мюлюй 12 кюляд: Сууртанназ, Чогатанназ, Березник, Прангать, Дубин, Кропангут, Корг, Киръян, Матинкунд, Митянкунд, Папинкунд и Ортинкунд. Но конз хян хомайчи, мише ӓjиш нениш кюлиш "лапсед-ки пагижеба кескнезой нюгюдь энамбан венян, ми вепсян келел", ка хян пяти ляхтта тойжихе сиёйхе эндустадэн, мише вепсян кель пигай колеб и вепсян рахваз сулаб венялайжидэн кескхе: "...эй олэ jӱгед ё нягиштада: вепсян кель возьсадан мяндэс эляшкандэб рахвахан муштос вайше старинойн, миччиш санудас, мише хейдэн эзитатад эндэванхойл ома пагижнудэд миччел-сэ тойжел, а эй венян келел".
       Сууртанхас мушттхе, мише хейдэн эзитатад олиба олнудэд вепсляйжед. Кюлян сурембан пертин ижанд (хянэлэ оли ё энамба 80 вот) старинойчи, мише хянэн прадед Василий Егорович Сивериков, кудамб оли сюндуну водэл 1800, вой олда Лённротан ижандан нецен Исарвен маткан айган.

Элиас Лённротан маткстарин (1842. возь)
       "...Вардаласпяй тулин Пецойлан кюляха и сигяпяй Кархилаха... Кархилан папинно элин эзмяйжен недалин хянэн пенес пертиш, кус минута элиба хян иче, хянэн ак и хянэн нелльвозьне тютренпойг, абуник, митте-сэ, пень мустпяйне "прикассик" койранке и сэн каксь пеньт кужушт...
       Конз пертишпяй олиба ляхтнудэд манмяричияд, миня ваехтин хонусэн, кус нюгюдь войн ё ӱксняйн эляда лопун айган, ми оли луяс сурь и арвоказ азj, сикш ку миня войн лебайтас рахвахан юдуспяй. Jӓльгмяйне пяйв вайше пиди олда папинно и хянэн перехес, койридэнке и кажидэнке, сикш ку хонуст, кус эндэ элятихе тойжед, завоттихе мурета и удэс саўда"...

Рюрик Лонин Элиас Лённротан маткойдэн полхе
       Рюрик Петрович Лонин киръютаб ичезэ радос, мише Элиас Лённрот оли похъёйжвепсляйжидэнно Шоўтjӓрвь-кюляс. Кюляникойдэн муштлосишпяй хян адивойчетихе Кярнинен канзас, неце перть и нюгюдь ом кюляс, но мугошт сугунимед ё энамб эй олэ. Нецен тедоматкан пятегенд оли опета вепсян кельт.
       Наку мидя ом яну хянэспяй муштокс сэн полхе. Конз Элиас Лённрот тули вепсляйжидэннокс водэл 1842, хян киръюти ичезэ лехтикохо: "Конз кюляникад тедиштиба, мише миня опендан кельт да вёл пагижен сейчемел келел, хё сануйба, мише пидаб опета вёл каксь кельт и силой линнен генералан. Хё мелетиба, ку тета ӱхеса кельт, ка тегетой генералакс.
       Тойжес матккиръютэсэс хян сануб: "Сикш ку нецен маткан пятегендад олиба оппида вепсян келен грамматикад да ваехникад тегенд, кудмабихе мяни кайк минун айг, миня энамбад нимидя эн эхтинд. Но кайкен-сэ миня киръютин сарнойд, муштатэсид, озойтэсид. Войб олда миня войжин киръютада эрасид паёйд, кудамбид паятадас рахвахан кескес, но миней пиди аяда эдэл сидя, ку миня хювин эльгендашканзин да опензин хейдэн кельт. Неце кель ом мелентартуйне".
       Лённротан тедоматкан айг лопихе и хянэлэ пиди аяда тагазэ кодималэ, мише мянда ичезэ элорадолэ ляжундкодиш.

Вепсянман сарнойдэн керадай
       Лённрот теги сурькулун радон фольклоран да "Калевала"-эпосан керадусэс. Хян теги 11 маткад суомалайжен да Каръялан мадме. Ненэ олиба яўгматкад вай венехматкад. Маткатес хян сай эразвуйччид тедойд. Хян матккиръютэсиш ом ӓй материалод, кудамбад коскеба кодирёўнад да географижид тедойд. Элиас Лённрот киръюти ӱмбриштос, jӓрвиш, егиш, кюлиш, рахвахас, хейдэн элос да эломиштос, веройш, экономикас, лекарин абус.
       Элиас Лённрот водэл 1842 кявуй кахтишти вепсян малэ, нийхе кюлихе, кудамбад нюгюдь ома Пёўдон и Подпорожъен раёнойш.
       Лённротан маткойченд эй олэнд тюхj, сикш мише вепсляйжиш кюлиш хян керази сарнойд, кудмабид хянэлэ сануйба ненидэн тахойдэн эляяд.
       Нюгюдьлайжел айгал филологиян доктор Нина Зайцева ом тоймитану ненид сарнойд литературан келен мёдхе. Муга, пайндихе "Vepsänman sarnad"-кирj. Нецен киръян кувитай ом вепсляйне мезь Алексей Максимов. Суомес вепсляйжед сарнад ом кятуд суомекс, и сигя-ки ом ляхтну неце кирj.
       Лопукс войб сануда, мише Лённротан эндустуз эй олэ технус тодэкс. Вепсляйжед да вепсян кель эляба нюгюдь-ки!
Категория: Kodima | Добавил: Максим (26.08.2012)
Просмотров: 612 | Рейтинг: 1.0/1
Всего комментариев: 0
Имя *:
Email *:
Код *:
Водская сказка
Скупой не мёртв
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2023
    Конструктор сайтов - uCoz