"Элонпу" ӓникойчеб 25 вот
Кезакун 10. пяйвял Видл-кюляс Питерин агъяс оли вепсляйне Элонпу-празник. Тял водэл нециле празникалэ ом юбилей — 25 кердад сэ оли ё мейдэн мал.
Кайкид jӱгедэмб ом киръютада празникан полхе, митте ом техтуд ё нецевердан кердойд и, кудамб коскуб тойжихе Элонпу-празникойхе. Ка, тедан, Элонпун тегиёйл-ки ом мугойне проблем — мил чудутойтта рахваст, миччид узид мелентартуйжид илотусид техта. Тял кердал Элонпун празник оли знамасине сил, мише эдэл празникад, кус паятадас да каргайтас, оли техтуд конференций, кудамб оли нимитадуд "Вепсляйжед. Историй да нюгюдьлайне эло". Конференциян ӱхтникад лугиба эразвуйччид докладойд, кудамбиш лендиба проблемойд, миччид ом луяс ӓй пенел рахвахал. Неце ома и луяс тюхъяд тед вепсляйжидэн раёнойш-областиш, и административижед рёўнад, кудамбад телустаба эразвуйччиш азъёйш, и факультативине вепсян келен опендуз Питерин агъян школиш и муга эдэмба. Хювя, мише конференциян оли кут вепсляйжид кайкиш регионойшпяй, ка муга пямехид-ки Питеришпяй и Петроскойшпяй да Вологдан агъяспяй. Вайше мугой-ки мель оли летуд нецил суймал — пидаб паксумба техта нингомид вастусид, кус войб пагишта вепсляйжидэн проблемойдэн полхе. А кескьпяйвян заводихе вепсляйне празник! Тял кердал оли тулну адивойд Вологдан областишпяй-ки. Кути риндал ом Бабаевон раён, вайше пидаб аяда ӱмбри ӓй садойд километройд. Сурь делегаций тули Каръяласпяй. Делегацияс олиба Валдкундан рахвахан министр Андрей Манин, хянен "ойгед кази" Елизавета Харитонова, Вепсян культурсебран пямезь Зинаида Строгальщикова и хянэн варапямезь Нина Зайцева, Шоўтjӓрвен хор, радио- и телемехид да тойжид адивойд. Оли Питерин областин и Подпорожъе-раёнан пямехид-ки. Кути тойжил возил-ки, нюгюдьляйжел празникал оли мастарь-классойд: кут техта вепсляйжид тятюйжид, савеспяй падойд, кут пирта да тойжид. Эразвуйччед фольклорколлективад озутиба ичезэ махтойд паёйш и каргуйш. Войли остта олут, калитойд, плотуйд, тойжид эразвуйччид пястатесид и эмагусид. Оли аукцион, кус мёдихе мелентартуйжид экспонатойд. Муга, куйватуд хаўген пян, кудамб, санутас, абутаб пахиш азъёйш, ости видэс тухас рубльас депутат Питеришпяй. Эхтал вёл оли этнодискотек, а кайк лопихе фейерверкал, кудамбан тяхт спонсорад андойба 100 тухад рубльад. Празник мяни весляс, удэл водэл линнеб тойне... Вайше паёйш, каргуйш и салютойш эй тарбиж унохтада вепсляйжидэн холид. Николай АБРАМОВ
| 
