| Пенен вепсян рахвахан арвойне литератур
Ёга кюмнензь возь Юминкего-фонд (Суоми) тегеб ӱхтэс Вепсян культурсебранке Вепсян культурводэн. Сэн айган пайндас вепсянкелижид киръёйд, сятас озутэлусид, конференциёйд, семинаройд, празникойд и тойжид азjтегойд. Ненэ азjтегод техтас кут Суомес, мугажо Вепсян мал-ки — Каръялас, Питерин да Вологдан агъёйдэн лиднойш да кюлиш. Муга кюльмкун 10. пяйвял Вологдас оли вепсляйжидэн киръютаидэн да рунойлиёйдэн конференций. Сэ мяни Вологдан тедокиръиштос.
Неце ом ё тойне мугойне суйм, куна керадасойш вепсляйжед киръютаяд да рунойлияд. Оли конференциял мугажо мехид, кудамбад ладиба нецен азjтегон да муйте-ки адивойд. Тял кердал конференциялэ олиба тулнудэд Николай Абрамов, Валентина Лебедева, Гульчехра Поливанова, Пётр Васильев Питерин агъяспяй, Виктор Трифоев Питеришпяй, Нина Зайцева, Наталья Силакова, Елизавета Харитонова, Лариса Чиркова, нецен лехткиръютэсэн киръютай Петроскойшпяй да Анатолий Петухов Вологдаспяй, а мугажо Юминкего-фондан пямехед Маркку и Сирпа Ниемижед. Конференциян авайжи Вологдан айган культур- да культурсаўвондтахойдэн кайченддепартаментан пямезь Всеволод Чубенко. Хян тервехтойти кайкид конференциян ӱхтникойд да старинойчи проблемойш да азjтегойш, миччед коскеба вепсляйжид, кудамбад эляба Вологдан агъяс. Маркку Ниеминен пагижи Юминкего-культурфондан радос. Хян сануй сэн полхе, мидя оли техтуд нецил Вепсян культурводэл фондан абул. Фондан пяазj ом — пайнда киръёйд вепсляйжел келел. Кут сануй Маркку, мише парахимад да знамасижембад тойжидэн киръёйдэн кескес нецил водэл ома "Käte-ške käbedaks kägoihudeks"-войкуд, "Vepsän rahvahan sarnad"-кирj да "Virantanaz"-эпос. Нина Зайцева, филологиян тедодоктор, Веняман киръютаидэн ӱхтиштусэн ӱхтник, веди конференциян. Кайкутте конференциян ӱхтник старинойчи ичезэ полхе, ичезэ сядандрадос да сатусиш. Конференциян санутихе ӓян сэн полхе, мише вепсляйжид тегесэ вяхемба и неце ом жаль, вайше хенгел оли хювя, и кебн. Войб олда сикш, мише мё керазимойш ӱхтэс, пагижим ичемой проблемойш. Вепсляйне литератур ом, сэ эляб, и ку нингойччел пенел рахвахал ом нецеверзь киръютаид да рунойлиёйд, сэ знамойчеб, мише рахвахал ом тулий айг.
Марина ГИНИЯТУЛЛИНА
| 
