| Пагинклубалэ - ӱксь возь!
Сулакун 6. пяйвял "Вепсляйжед беседад"-пагинклуб празнуйчи ичезэ сюндундпяйвян. Ё когонайжен водэн сэ ом радну Каръялан рахвахалижес культуркескусэс. Сиш айгас пагинклуб ӱхтэнзойти ӓй эри-игяйжид вепсляйжид, кудамбад керадасойш ӱхтэс кердан недалиш да пагижеба эразвуйччиш азъёйш ичезэ келел.
Празникехталэ культуркескусэн сурехе залха керазихе ӓй пагинклубан ӱхтникойд, себраникойд да муйте риституйд, кенелэ ом мельхе да мелентартушт вепсян культур. Вастусэн аўготишес пагинклубан охъяндай Лариса Смолина старинойчи адивойле клубан радос да озути фотопрезентациян. Хян старинойчи, мише пагинклубан пятегенд ом вепсян келен кайченд да кехитойтанд, вепсян культураха мелентартусэн ленданд. Ка муйте-ки неце ом хювя айган мянетанд, ведь вастусэд кайкен мянэба луяс лямяс, кебнас да хювяс мелес. Паксус пагинклубас техтас митте-сэ валитуд теман эхт. Муга ом олну Алевтина Андрееван да Анна Лисицинан муштехт, войнан муштлотэсидэн эхтойд, пагинад ичезэ канзойш да юриш, пагинойд вепсляйжиш празникойш. Мугахо эй ӱхт кердад оли вастусид вепсляйжидэн рунойлиёйдэнке, тедомехидэнке да тойжидэнке мелентартуйжидэнке риституйдэнке. Паксус пагинклубан вастусил кацтас эразвуйччид пеникайжид фильмойд вепсляйжиш, кундэлтас вепсянкелижид радиопагинойд, вятас вяндойхе вепсян келел. Эй ӱхт кердад специалижед адивод тегиба пагинклубан ӱхтникойдэн тяхт эразвуйччид мастарь-классойд. Ӱхтэл нийшпяй пагинклубан ӱхтникад опензихе техмаха вепсляйжен кайчий-тятюйжен, тойжел - кудомаха ичезэ кязил вён. Лариса Смолина хомайчи, мише Пагинклубан кайкид суремб сатузь ом сэ, мише вастусихе войб тулда и ӱхтнеда эй вайше ненид веспляйжид, кудамбад эляба Петроскойш, но тахтникойд, кед эляба эдахан, эскай тойжиш майш. Сидя абутаба техта нюгюдьайгалижед технологияд. Пагинклубас радаб интэрнэт, и кайкутте тахтник войб ӱхтнеда пагинаха "Skype"-программан кальт. А кайкуччел пюхяпяйвял кахеса часуд эхтад кайк тахтникад, ишттес ичезэ кодиш, васттасойш "Google+"-программас да мугажо пагижеба вепсякс. Ичезэ презентациян лопус Лариса Смолина куцуй кайкид тахтникойд ӱхтнеда пагинклубха. Сигя кайкен варастадас да хювин вастатас кайкид адивойд. Презентациян  льгхе заводихе концерт. Адивойдэн тяхт эзитиба вепсляйжед "Рандайне"-, "Риндати"-, "Линдуйжед"- и "Нойд"-паёколлективад. Эзитиба мугажо пагинклубан активижед ӱхтникад да себраникад. Оли озутадуд "Озатой калатез"-сарн, кудамбанке пагинклубан ӱхтникад аёйба мулой Калагехе кескрегионалижелэ сарнойдэн фестивалиле. Олег Мошников луги ичезэ рунойд. Галина Локкина паяти чоман паён. Фаина Козлова луги рунон Ӓнижен полхе. Анна Анхимова старинойчи ичезэ "Тэрвхен тулда вепсян малэ"-проектас да озути адивойле ичезэ интэрактивижид вяндойд. Каръялайне Маргарита Кемпайнен, "Ома муа"-лугендлехтэсэн радник, кудамб оли кердан пагинклубас адивойш, озути ичезэ чомид каръялайжид тятюйжид, кудамбад ом собитадуд каръялайжихе собихе. Хян сануй, мише тулэб тахтонке удэс пагинклубаха адивойхе, хянэл ом вёл ӓй мелентартушт, мидя старинойта да озутада. Эхтад мугажо озутадихе вепсянкелижид видео-озатэлусид, кудамбид ойгензиба пагинклубалэ сэн виртуалижед себраникад - Лаура Сирагуза и Марина Зарубалова, кудамбад ӱхтнеба пагинклубан вастусихе интэрнэтан кальт, да Рихо Грюнтал, кудамб возь тагазэ андой-ки Лариса Смолиналэ идеян организуйда мугойжен клубан. Озатэлуз-санойд пагинклубалэ пагижиба мугажо Нина Зайцева да Елизавета Харитонова. Хё китиба пагинклубан радод да сануйба, мише пагинклуб - неце ом луяс тарбхайне азj вепсляйжиле, ведь нюгюдь мейле паксус эй тяўду вепсянкелижид пагинойд мейдэн элос. Эхт мяни луяс хювин да кодикахашти. Пагинклубан полхе оли санутуд ӓй лямид санойд да тойвотусид. Кодима-лехтэсэн тоймишт озатэлэб "Вепсляйжед беседад"-пагинклубан сюндундпяйвянке да тойвотаб ӓй узид идеёйд, эдахалижид сатусид да мише пагинклубан ӱхтникойдэн мяр кайкен вайше лижадайжихе.
Ал на Егорова
| 
