| Каръялан валдкундан пяйвяд школас
Кезакун 8. пяйв ом cурь Каръялан валдкундан празник. Тял водэл неце празник мянэшкандэб Пряжан агъяс. Сен тяхт ом техтут ё ӓй радод.
Суомалайж-угрилайжен школан лапсед Петроской-лиднас ё семендкун 15.-18. пяйвяхасай ведиба Каръялан пяйвид. Мейдэн валдкундан сюндундпяйв ом кезакун аўготишес, нецил агъял ӓяд лапсед ома ё кезалебул, сикш мё пятим празнуйда нецен празникан мейдэн школас айгемба. Ненил пяйвил школас ом мянну "Каръялан рёўналэ паятан..."-паёфестиваль, "Каръялан валдкундан тедай"-тедомашинконкурс, "Каръяла лапсидэн сильмиш"-лапсидэн кувидэн озутэлуз и тойжед. Кайкуччел кескустал радой мейдэн школас радиолехтэз, кус лапсед старинойчеба Каръялас, сен культурас, рахвахас, тундиштойтиба кайкид каръялайжен, вепсляйжен да суомалайжен нюгюдляйжен музиканке. Эскай кайк урокад олиба кути празник. Ликундан урокал лапсед вяндиба каръялайжихе вяндойхе, историян урокал пунотиба эндэванхад Каръялан керад, кязитён урокад паштойба калитойд. Вепсян да каръялан келен урокойл оли вастусид вепсляйжидэнке да каръялайжидэнке киръютаидэнке да рунойлиёйдэнке. Адивойхе тулиба Наталья Силакова, Тамара Щербакова да Николай Абрамов. Эзмяй мё вастсим адивойд паёл Каръялан полхе. Йӓльгес адивод старинойчиба ичезэ полхе да ичезэ радос, эзитиба ичезэ киръёйд, лугиба эрасид палойд санутэсишпяй да рунойшпяй. Лапсед тегиба адивойле ӓян кюзундойд и лугиба адивойле опетуд рунод. Неце луяс ихастойти хейд. Наталья Силакова старинойчи опеникойле ичезэ радос, но вёл хян сельгензойти, микш пидаб опета кодикельт, наведида кодикельт, пагишта кодикелел, кайта ичезэ юрид, эляда рахвахиле кожмусэс тойне тойженке. Лапсед кюндлиба хянэн санойд таркас. Николай Абрамов луги лапсиле рунойд, старинойчи ичезэ тулиёйдэн планойш, андой вастусид лапсидэн кюзундойхе. Лапсед кюзэлиба рунойлиял лапсьайгас, армхиш рунойш, политикас, армастусэс и тойжес. Николай сануй, мише эрасэд кюзундад олиба луяс йӱгедад хянэн тяхт, сикш, ку хян эй войнд антта кердалаз ӱксьзнамасишт вастуст. Каръялан келен урокал Тамара Щербакова андой лапсиле мастарь-классад каръялан келен рунойдэн киръютамижес. Кайк вастусэд олиба мяннудэд чаюн ёдэс, сикш лапсидэн да адивойдэн кескес оли кожмус, кебн да хювя ильмишт. Ненэ вастусэд тулиба мельхе ванхембиле и лапсиле. Мелетан, мише мугомид вастусид пидаб техта паксумба, мише лапсед кулижиба вепсян да каръялан кельт, пагижижиба кодикелел. Лапсил ом сурь ихастуз сиш, мише хё вастсихесойш риституйдэнке, кудамбад киръютадас хейдэн тяхт. Тойвотан, мише неце оли вайше аўготиж и мугомад вастусэд линнеба вёл. Наку мидя лапсед киръютиба йӓльгес:
Владислав Фадеев, 2. класс "Миня нягин Николай Викторович Абрамовад. Миня тедан ё каксь хянэн рунод муштокс. Тахтойн тета, митте оли хянэн лапсьайг. Николай Викторович ом хювя да ласкав. Урокал миня сёйн магедойд канфетойд. Неце урок оли чома". Натой Тимбаева и Настой Андрианова, 7. класс "Мё тундиштимойш вепсляйжен найженке, кудамб киръютаб венян келел, а йӓльгес хянэн санутэсэд кяндаб вепсякс Марина Гиниятуллина. Неце ом Наталья Силакова. Мё лугим хянэн санутэсид, но никонз хяндаст эм няхнугой. Наталья Евгеньевна чудутойти мейд ичезэ армастусэл вепсян кельхе. Тойжел пяйвял мё нягиштим Николай Викторович Абрамовад. Хян озутихе мейд ичеладуйжекс мехекс и луяс сюдяймелижекс. Нюгюдь мё тедам вастусэн мейдэн кюзундаха, микш Николай Викторовичан рунойл ом муга ӓй опалад. Мейл ом сурь ихастуз озакахидэн мехидэнке вастусишпяй. Хё йӓтиба сурен йӓльген мейдэн муштхо".
Полина Филиппова, 6. класс "Минэй тули мельхе вастуз Наталья Евгеньевна Силакованке. Хян ом лахъяказ мезь. Лапсьайгас хян наведи пиртта, кут миня-ки. Вёл хян луяс наведиб пеньт кодимад да маманкельт. Хянэл ом эрине пагин вепсян келел".
Сеймур Мустафаев, 5. класс "Миня олин вастусэл Николай Викторович Абрамованке. Минэй нягусэ, мише хян коскуб франциялижехе актёраха Жерар Депардьехе, вайше ом хойкемб. Минэй тули мельхе неце мезь".
Анита Себина, 6. класс "Минэй тулиба мельхе вастусэд Наталья Силакованке да Николай Абрамованке, кудамбад олиба вепсян келен урокойл. Миня мельдун Владимир Высоцкиян рунойхе да паёйхе. Николай Викторович кянди эрасид хянэн рунойд вепсякс. Миня войн нийд лугеда. Мелетан, мише мугомад вастусэд линнеба вёл".
Надежда ПЕТРОВА
| 
