| Кайк ом хювя, ми лопише хювин
Минун лапсьайг мяни хювин, вепсляйжес чомас кюляс. Сэн ними ом Ладв-кюля, митте сейжуб Оять-ёген рандал Питерин агъяс. Нюгюдь мё жаллейчем ичемой лапсид, сётам, холитам, эм кясккой рата нимидя, абутада мейле. А минун лапсьайган оли тойжикш. Эй са сануда, мише мейдэн ванхембад эй холитадуд мейд. Хё армастиба мейд луяс, вайше хё тахтойба опета мейд радмаха. Хё эй кяскттуд техта нимидя jӱгедад, кяскиба техта вайше сидя, мидя мё, лапсед, войм техта. Хейле оли мугажо лёўмей эляда кюляс, казватада мейд, конз тарбиж оли рата, техта нормид, миччид пиди, пидяда живатойд, мише эляда хювин. Кайкид jӱгедэмб, тедан оли, кут мейле, лапсиле, муга ванхембиле-ки, кеза-айг. Неце оли мугойне айг, конз оли хейнянтего, и конз тарбиж оли панда северзь кегойд, мише нийд улотуйжи, кут мейдэн живатойдэн тяхт, муга сэн тяхт, мише антта нийд совхозаха. Ведь минун ванхембад — татой оли мецанкайчиян, а мамой школанпухтастаян — войба нитта вайше процентойдэн тагут. Озутэсикш, панед коўме кегод — каксь тарбиж антта совхозаха, а вайше ӱхтэн jӓтад ичейж живатойдэн тяхт. Сикш мейд лапсид, а хейд мейдэн канзас оли коўме, кайкед кезад отлиба хейнянтеголэ. Отлиба ванхембид лапсид, а норембад jӓлиба кодихе кодиникойкш. Миня олин норемб лапсишпяй, и сикш миня олин кодиникан. Хомендэсэл, конз ванхембад ӱхтэс велленке и сизаренке ляксиба хейнянтеголэ, минэй тарбиж оли песта астъёйд, пухтастада пертид, а вёл эй унохтада, мише jӓльгхе нелляд часуд тарбиж вастата и саўбата вазад да ламбхид боранойдэнке, кудамбид тарбиж оли эрашти ведада сарвиш кодихе. А оли минэй силой сейчеме вай кахеса вот. А оли силой вёл мугойне айг. Мейдэн кюляс оли лаўк, миччехе тойба лейбяд кайкуччел пяйвял, а ёга недалид вай эрашти каксь кердад недалиш, аели тавармашин, митте той лаўкха сёндтаваройд. Сил айгал, мейдэн кюляникойл оли мугой манер, мише сейжутадас ёнохо айгемба, ми тулеб неце машин. Эн теда микш неце оли муга. Войб олад варайжиба, мише эй войгой остта таваройд вай тойжикш, эн теда. Муга оли сил-ки пяйвял. Миня тегин кайк кодирадод, эхтин эскай кявелта кюбелхе и тулин лаўканнокс, кус ё сейжуй ӓй рахваст. Оли сига лапсид да рахвхид мехид-ки. Нацейн, сейжуйн ёнос полен часуд, ка ведь миня, олэн лапсь, сурдуйн. Риндал оли тяўзь себраникойд, мидя техта, вякам типуйжин. Заводим вята. Муга ом хювя, айг мянеб хоткас, пигай тулеб тавармашин и авайтас лаўкан. Сайн миня типун и кацун, кеда типинда, а ляхембайне ом Ирой, хян сейжуб тес пяличи. Нацейн, сабутан. Хераштуйн сишпяй, мише миндай хлопутаба модполишкойдме. Ми озайжихе? А озайжихе сэ, мише сабутадэс Иройд, эн хомайченд-ки, конз ёксин тен пяличи, мише машин аяб мягелпяй. Хювя, мише вайше оцастимой машинан бортха, а эн путунд машинанкезран аллэ. Кайк пёльгястуйба, Люся-тяди миндай кормха да вёл-ки кодихе. Часус пяличи тулиба ванхембад кодихе, а миня венун — кязипайк оцал да яўгас ом синижма. Ванхембад эй лайдуд миндай, нацейн, иче-ки пёльгястуйба. Кайк ом хювя, ми лопише хювин. Эй са вята тел, кус аяба машинад. Олгха неце лидн вай кюля, кайкуччел тел ом вару.
Александра СОКОЛОВА
| 
