| Элягаха, "Кодима"-лехтэз, вёл питькха!
Сулакун 19. пяйвял Рахвахалижес культуридэн кескусэс мяни вастуз, митте оли омиштадуд 20-воччелэ "Кодима"-лехтэсэн юбилеялэ. Тоймиштон радникойд тулиба озатэлмаха Рахвахалижен политикан министерстван, Каръялан валдкундан культурминистерстван, опендузминистерстван да ёўквестиштон эзитаяд.
Пюхял эхтал эзиниба "Рандайне"- да "Ёўснен йӓрвед"-фольклорколлективад, а мугажо Сергей Константинов. Опеникад суомалайж-угрилайжес школаспяй ӱхтэс ичезэ опендаянке Надежда Петрованке озатэлиба юбиляройд и лахъёйчиба хейле ичезэ "Кодима"-лехтэсэн вариантан. Эхтал олиба нед-ки риституд, кудамбад 20 вот тагазэ заводиба йӱгедан радон вепсян лехтэсэн тегемижес. Нийдэн кескес ома филологиян тедодоктор, вепсян келен тедомезь Нина Зайцева и Веняман лехтмехидэн организациян ӱхтник Юрий Неёлов. "Кодима"-лехтэсэн пятоймитай Марина Гиниятуллина хомайчи: "Тямбей "Кодима"-лехтэз ом кирйкелен озутэз. Мё, лехтэсэн радникад, тегем-ки нецидя кирйкельт. Элохо ляхтэба опендузкиръяд, миччидэн тегемижехе мё мугажо ӱхтнем. Мё наприм ӱхтэнзойтта кайкид ичемой лугиёйд, кудамбад эляба Каръялас, Вологдан да Питерин агъёйш. Ичемой лехтэсэс мё старинойчем мелентартуйжиш риституйш, вепсян культурас, суомалайж-угрилайжидэн рахвахидэн ӱхтхижтёс, кюлидэн проблемойш да нюгюдьляйжес элос". Тули чома да хювя эхт. Элягаха, "Кодима"-лехтэз, вёл питькха, а лехтэсэн радникойле тойвотам узид лугиёйд, сатусид да тервхут!
Алексей РОМАНОВ
Хювяд, армхан "Кодима"-лехтэсэн радникад!
Миня тахтойн поздравида тейд юбилеянке ичесэнпяй и кайкидэн Ладв-кюлян эляишпяй! Игяс эн усконд, мише мейдэн армхан вепсян келел тё нинга лендатэй! Мейле ӓял мельхе ом се азй! Тахтойн тойвотада кайкиле "Кодиман" радникойле тервхут, корктад озад, питькяд игяд, киръютада чомид рунойд, хювин пагинойд, сарнойд, паёйд... Хювяд тейле юбилеяд!
Мария Абрамова, Ладв | 
