Кут ук генералан служи

(сарн) 

Эндэ элиба уг да ак, никус лиднас эй олэскэт, нимидя̋ ий текой. Рахваз туўдас лиднаспэй ка санотас: «Ой ом Питериш-сэ ка чома». Хийлязэй элод — ӱксь лехм. Ук акалэ саноб: «Вот мидя̋, ак, ню̋где олэмэй ванхад, пигэй тари куўда, мён лехмян да аян Питерихэ». — «Ка минь синя̋ ук лехмян мёд да аяд Питерихэ. Ӱксь лехм да и сен мёд и денгад хаетад да энамбад мийль нимидя̋ ий линнеги». Ук ий кундлонд, лехман мюй, денгад пани шоўгуйжехэ и тёндуй Питерихэ.

Аей Питерихэ. Тули ка сигя вагзалуў каксь мужикад лойхэзэ и хяндаст табазиба, сааба: «Мий синдэй, деда, аму ё варастимэй тянна». А ук и думайб: «Ми хян мугойне. Миттек миня̋ мугойне мезь олэн?» Вюйбя хяндяст, брииба, керичиба, ладиба, собитиба генеральскиихэ собихэ, погонад хяллэ паниба. «Ню̋где, сааба, мийдекэ мянэмэй лоўкха. Сийжутадэ и усыдь вяхэйжуў ладьле, мий саномэй: «Неце?». Ну ка синя сано: «Аха». Муга рада да энамб синэйш нимидя̋ ий тариж».

Тулиба лоўкха, укон машинуў тойба. Ук сийжуб лоўкас, усад пюхклеб. Кахтэн кескен мяниба, лавощикалэ санотас: «Кяски хян мийле валита мидя̋ тариж ка». Мяниба выручкан тага, кудамэхэ коскэтас кядоў: «Неце?». – «Аха». – «Неце?». – «Аха». Ка ненэ кандишиба, кандишиба, саноба: «Генералуў тютар мэхэлэ мяноб простан соўдатан тага, ка тари приданияд». Отиба, отиба, машинойхэ кахтхэ, куўмхэ сигя грузиба да и аёйба.

Неце ук сийжуб, генерал. Лавощикад пакичешкатьхэ денгойдь: «Анда генерал денгад». Хян: «Аха». – «Ка, генерал, денгад тариж». – «Аха». Веня̋кс ук махта ий, пакитя̋с веня̋кс. Уху да аха. Потом нягиштиба, што ий генерал, а нено олиба ворад. Укод пэрскэхэ поткэйжиба, лоўкаспэй тащиба.

Ук тёндуй. Кое-кудги сайхэ мёстона вагзалалэ, погонад хяди. Рахваз поездаха иштушканьзихэ да угги иштуйхэ. Сёда тахтой, денгидь элэ, лехмян денгадги хяноў отиба. Иштуйхэ поездаха, вяхэйжен аёй, поезд сийжутихэз. Ук кацухть – нено каксь мужикад вагонаха тулиба. Неце ук тундишть, сааб: «Мёст миндэй вёдас службалэ миччелэ-ни генералакс Питерихэ. Ёсэ пёрдутадас?». – «Ка синя̋, дед, тягя?». – «Тягя». – «Синя̋, дед, мийле службан служидь, ну ка мий синдэй тулимэй рощщитаймхазэ». Ук иштуб, ий теда, мидя и санода, веня̋кс махта ий. Уколэ тойба сёда, остиба буўкойдь да мидя̋ путуй. Андойба ичезэ лехмян денгад, вуўги денгойдь.

Ук туль кодьхэ. Дерю̋ўнаспэй укод кюзумаха мяндас, миттек Питериш-сэ. «Мянинь ка сурэн службан служинь, сурэн наградан получинь». – «Мичченик ся службан?». – «Генералан, да и ву генеральскииш собиш кодьхэ тулинь». Озути погонад ук и кайк сияд. «Андойба, саб, мини денган сурэн, ню̋где игякс бохаттуйнь».