Минуу дээдаа таатта оли нии, нии и суур
воймаказ инимӓйн, што хӓнэл кӓэл эб рохтинд кулакалл кэттӓӓ лӱӱввӓ. А канкайзэд
пайяд олчии. Нӓэд, нинта ихаа тэмпази. Ихалл рапази инимӓйзээ маахаа.
[Ихалла?]
Ихалла. Ваа канкайзээ пайяа ихалла. Минуу
дээдаа таатта оли нии воймаказ мээз. Нии суури оли. Ихалл ӱхс кэрт анто. И лэй инимӓйзээ.
Охт оли ситӓ. Сано: «Ситӓ он нӱтт охто». Нии! Вот! Сэ Хаавиккоо, ку тэхчии приходскойд
кирикосс, хӓн оцци тӱвэлт ӱхсиннӓӓ. Нэллӓ мээс ладвалт оцци. Нии. Оли воймаказ мээз.
Нӓэ, миллизии эннээ оли воймаккай. Нии ӱхсиннӓӓ хӓн оцци, а хӓн кооли. Сэйцекӱмнээ,
я рохкаап сэйцекӱмнээ оли. Я суури, варм оли. Минуу таатт, кэра олции, оли хаарциат,
тайтаа, нии лайяд. Кай кӱлӓс куцуцции лайя…
|