Ванаа айкаа линнуд и звиэрид эливӓд
иэстӓӓ ӱвии. Сопизивад. Но тули звиэриилээ паха миэли, этти михээ нӓмӓ вõттавад
лэннолла дай маасса. Вот нӓмӓ нõйсивад сõйттõлõмаа. И тэчивӓд сõа. Но линнуд
суурõд звиэрид вõйттивад. А нахка-иири õли айвуо кавала. Кахтõõппуолõ тахто ӱвӓннӓ
õлла. Кунни звиэрид вõйттивад линтуйт, тӓмӓ õли звиэрии пуолõсс. А ку нõйсивад
линнуд вõйттамаа, сис тӓмӓ лэнтии линтуй пуолõõ. Линнуд сууттузивад. И тӓмӓӓ вӓллӓӓ
аjõвад. И нахка-иири вõйб только пэрӓӓ пӓйвӓӓ ласкуа лэннэллӓ, кõõз куу пайсаб.
А пӓйвӓлл эб вõй лэннэллӓ. Он чиэлэттӱ. Линнуд лӱӧвӓд. Тӓм пэлчӓӓб нэйтӓ. Ко пӓйвӓ
иссууб, сиз лэнтэлэб. А ко лахзõд нӓчевӓд, сиз рӓӓкувад: "Нахка-иири ӱӧкакку,
пэтоз-иири плӓтакакку". | 
