Сиз õли вээл кааску. Õли риказ мээз.
И трэнкиӓ пити. Но нӓвӓд поориттивад риитõливад, што мээз сэ юттõõб: «Мину найн
минуса эб лахкуа, и вэрнõй он».
А трэнки вõтти. – Тӓмӓ ӧӧлл эйтти
маккаамаа, а вõтти сõрмуссõõ вӓллӓӓ. Пани лаввалõõ. А трэнки вõтти сõрмусõõ. Вот,
сиз и юттõли пэрэммэхэлээ: «Вот, синуу найн он вэрнõй! Миллõ сõрмуссõõ антõ. Нõйси
минуукаа элӓмӓӓ».
А мээз сиз вõтти, õливад тӓӓлл вээлӓ
трэнгид, и чӓззиттии виjjӓ нурмõлõõ найн, и ампуа. И сиз тувва чиўтто. – «Куй аммуттии,
аўтаа панкаа, а чиўтто тоокаа вэррээкаа миллõõ».
А нӓвӓд жаалитуттии. Куй нõйзõмма инеэхмиссӓ
ампумаа?
А сиз нӓвӓд аммуттии палталиннуу. И
сэннээ вэррээсээ касõттии чиўтто. Тӓтӓ эб аммутту. Тӓмӓ мэни лиднаа. А
пэрэммэхэлээ тоотии вэрэказ чиўтто. А вот, сэ трэнки риитõли, пооритти: «Кõйкк
минулõõ jӓтӓ! Мэнэ õмасс коосс вӓллӓӓ! Синуу найн бõллу вэрнõй!»
Но тӓмӓ и мэни. И трэнки jӓй коттооссõõ.
И мээз сэннээ лиднаасõõ пуутту, куза найн õли. И ӱхэлээ хэрралõõ пуутуттии
слуужимаа. Вот, ӱхтӓ турвасса мӧӧ чӓӱ̆ттии. А найн сэ тууси. А мээз ваатаб: «Нику
минуу найн он. А минуу найн вэдь аммуттии».
Вот, нӓвӓд исуттии риннаа. И нõйстии
паяттамаа.
«Кусса сиӓ õõд?» – найн чӱзӱб.
Вот, юттõõб: «Нии милл õли, што
минуу найн ваjõлти минуу. Нõйси трэнгиикаа элӓмӓӓ. А миӓ сиз тõйзõлõ трэнгилõõ чӓхсизин
ампуа. А чиўтто тувва миллõ. А тõйн jӓй таллоо элӓмӓӓ, куммаакаа риитõлин».
А найн сиз и юттõли: «Вэдь миӓ синуу
найн и õõн!»
Вот, вõтõттии тõйн-тõйсса пӓрӓхмӓ. И
идгõтти кõвасси. Сиз найн нõйси паяттамаа, куй õли аззьа, мэхэлээ õмалõõ. Тӓмӓ
юттõõб: «Миӓ сõрмусõõ висказин ӧӧсси лаввалõ. А тӓмӓ тули и варгасси.
Тӓмӓ сиз jӓй элӓмӓӓ минуу коттоосõõ.
И минуу вӓллӓӓ пити тулла.
Нии õли мэйлл сõнасс тэхтӱ.
Сиз нõйстии хэрраа чӱсӱмӓӓ, куй таггааз
пууттуа. Хэрра jӓркӓӓсс антõ нэйлээ мэххээ, трэнгии. И юттõõб: «Мээ сиӓ, саата нӓвӓд.
А миӓ тулõн jӓркӓӓсс таккаа».
Вот мэни ээзӓ. А хэрра таккаа тули. И
вот, сиз нõйстии сэнэлт трэнгилтӓ чӱсӱмӓӓ: «Куй тэйлл õли аззьа?»
Найн юттõõб: «Сиӓ вэд варгасид милт сõрмуссõõ».
Куй юттõли я таккаа, хэрра jӓркӓӓсс ампу.
И тӓлл лõппу. Мээз да найн õмас кооз нõйстии элӓмӓӓ. Мэйлл õли ӧӧникка. Ӧӧникка паятти.
| 
