Старикад паяттивад, што Сиистаа jõчи
и Сумаа jõчи ӱхэсс пайккаа лӓхтэвӓд. Нӓвӓд каххõõ чеззээ риитэливӓд, кумпа пигõпаа
jõввуб мэрээсээ. Ӱфс юттõõб, што миӓ ээллӓ jõввуу. А тõйн юттõõб, што миӓ ээллӓ
синнуа jõввуу. Сума мэни синнэг ӱхтээ поолõõ. А Сииста тули тõйсõõ поолõõ. Тули
тӓннэг. Тахтõ ӱллээ соо мэннӓ мэрээсээ. А мэрээ силмӓд эвӓд ласкõннууд. Сиӓлл
он суури соо. Мэдде чӱллӓӓналла сиӓлл он сэйцеэ ярвõа. Айн куццуасõ мэрээ силмӓд.
Сиз чӓӓнтӱе тӓннэг. Мэни фаабриккаасõõ. Сиз сиӓлт чӓӓнтӱе Намастэрии и Васаккараа.
И мэни сиит мэрээ. А Сума сиӓлт мэни ӱмпӓриккуа. Сиӓлт мэри он каўкана. Сиз
тули личи фаабриккаа. А сиз Сииста õли ё мэннӱг. Тӓмӓ сиз чӓӓнтӱе Каттилаллõ.
Сиӓлт Рӓӓттэлӓӓ, што пигõпаа jõввуб мэрээ. А сиӓлт ярвõд эвӓд ласкõннууд. Сиз тӓмӓ
Рӓӓттэлӓсс чӓӓнтӱе Ундоваа и Васаккараасõõ. А сиитт õли Сииста мэннӱг. А сиз ё ӱхэзӓ
мэнэвӓд.
| 
