Ӱхс найзикко чӓӱ̆с нииттӓмӓӓ ӱхэлээ
пõллолõõ. А мээз õли лӓсив и чӱзӱб тӓлт: «Чиирээсс
сиӓ лõпõтад?»
Тӓмӓ юттõõб: «Õццаа нӓӱ̆б. Оомõнн лõпуб».
Мээз мээб вааттамаа тõйзõлл пӓйвӓӓ. Васс он алгõтту пõлто. А най
маккааб. А мээз вõтти найзõлл лõйккази ивууссõд. Пӓӓ вõйти тõрва. Найн эб
кууллу. Нõйси ӱллээз. Кэртӓб пӓӓтӓ: «Нах! Ивууссиит бõлõ! Пӓ он вõддьõтту тõрвалл!»
Тули коттоо. И сõйзоб аккуналл. Чӱзӱб
аккунасс мэхэлт: «Онк найн котонн?»
Мээз юттõõб: «Котонн!»
«Ай вой! Минуу паха ваjõлтии. Нӱд миӓ
jӓӓн ичаасси хӓйлӓмӓӓ пахх таккаа».
| 
