Эливӓд кахс вэллиӓ. Ӱфс õли риказ, тõйн
õли кӧӱ̆хӓ. Риказ юттõõб кӧӱ̆хӓлээ вэллэлээ: «Сиӓ õõд лайска тӧӧлээ. Сэннэпэрӓссӓ
силл он паллё лахсаа. А милл он вӓхӓ».
«Милл он, – юттõõб кӧӱ̆хӓ, – паллё
лахсай. Сӧӧвӓд парапõсс ку силл риккаалл».
А риказ юттõõб: «Давай ваjõлтамма лахсõд
ӱхэсс ӧӧсси. Миӓ синуу лахсаа сӧӧтӓн, – риказ юттõõб. – Сиӓ тоо ход мэттӓ,
синуу лахсõд сӧӧмӓӓ эвӓд нõйз».
Кӧӱ̆хӓ тули õммиа лахсаа вааттамаа,
куй эллӓӓз. Тули исӓ лахсиеэ. Тõй ланттуа. Нӓӱ̆тти ланттуа. Лахсõд ёхсивад. Ӱпӓттии
каглаа. – «Анн миллõõ, исӓ, ланттуа».
Кӧӱ̆хӓ юттõõб риккаалõõ вэллэлээ: «Юттõлид,
лахсõд эвӓд нõйз сӧӧмӓӓ мэттӓ. А ланттуа сӧӧтии. Сиӓ чииссэлид ӱввии сӧӧтӓд
лахсаа. А вот, анна сиӓ õмилõйз лахсилайлõõ мэттӓ, – юттõõб кӧӱ̆хӓ, – сӧӧмӓӓ эвӓд
нõйз».
Кӧӱ̆хӓ кõйкилл сӧӧтти, микӓ õли лаввалл,
мээйлӓ, и лантулл, и кõйкõлл. Тули риказ вэлли, тõй паа мэттӓ. Рӓӓгуб õммиа лахсаа:
«Тулкаа сӧӧмӓӓ мэттӓ!»
Лахсõд вассаавад: «Мӧӧ сэйммӓ илма
синуу мээттӓ мэттӓ».
Кӧӱ̆хӓ вэлли вõйтти риккаа вэллээ. Ваjõлтаттии
лахсõд таггааз. Нõйстии õммиикаа лахсиеэкаа элӓмӓӓ.
| 
