ВАЛДАЛИНЕ МУРЗЯЙН 

Най ӱксь. Отть адивон мехелэ и завоттихе эляда. Эзмякс (элэтихе) кайкен айган хювяйжил, кундэлтихе кайкушти тойне тошть. Но дялгес мурзейн валттый микш сэ, муга валттый, мисэ кайкутте сияйне олиж вайсэ хяндаст мёто. Кердан ляхттихе мецха хаўгод карзмаха. Мужик и сануб: «Пидаб койвид чапта микш мисэ койвишпай ляхтоб хаўг хювя и конз пячхе панед, ахдаб, рякед ӓян». А акк сануб: «Ий! Пидаб карьста хабийд, микш мисэ хабад ома санктад и если мё чапашканем нинкомид ка и когон дяредан терамба тяўтнем».

Но, мийжо сийд раўкалэ мужикалэ хянэнке техта. Думайб: «Олкха муга, чапкам хабийд».

Мест уўдэл кердал хё сядихе ляхтта хийнантеголэ. Тулдхе нийтулэ, мужик и сануб: «Ну, мурзяймине, кайкен сина тегед да олэд ичийж мёто, ка олкха неце керд миндай мёто: нийташкакам мё клеверад, лехмайжелэ олиж луяс хювя хийн». Мурзяйн и сануб: «Ка тяйс сина мида ий пида ка, дё вел мё заводнем ӱскайжил когота нецин хийнан. Кацу вай, ленда ичийж силмад ӱлемба, митте хийн риндал, осок. А нинкошть нийтнем, ка кердал сатон паннем, митте пидаб».

И нийташкатхе хе осокхийнад. Пандхе коргед, коргед сато. Мужик роўк, сийд дяй мест никекс.

А уўдэл кердал сядихе ляхтта венехел Ӓнижелэ калад пюўмаха. Иштыйхе венехезэ, мужик ненаха, мурзейн пераха и соўдашкатхе айрийл кайкхе вягехе. Тулдхе кеск Ӓнижелэ и сийжутихе. Мест мужик и сануб мурзяймелэ: «Ну, нугуни дё лийноб миндай мёто». А мурзяйн сануб вастхазэ: «Ий линне синдай мёто, а миндай мёто».

Рийдэлтихе, рийдэлтихе сийд, ий эхттут вел и куўкийжид пястта ведхе. Мурзяйн нягишть, ахнь пян чокайж ведэспай и хийтихе, тахтэль кязил табата ахнин, да иче резнихе ведхе бокалазэ миш оли. И заводи ведэспай кидан ластта да кязил болтихитазэ. «Ой, мужик, армаз сина минун мужик! Са миндайн ведэспай!» Мужик и сануб: «Ка сула пяйви, вед и неце ом синдай мёто ведэс уйтэлтазэ». – «Ой, ийля миндай мёто, ийля!» – «А сану вай, если мина синдай ленен ведэспай, – кюзуб мужик, – ка кеда мёто неце лийноб?» – «Ой, синдай мёто». – «А эдэлэзпай аззяд кеда мёто заводишканем техта?» – «Синдай мёто». – «Ну, если миндай мёто, ка любу».

Жаль тегихе мурзяйнт ичезэ мужикалэ и андый кядэн. Лендь хяндаст ведэспай. А дялгес нецида энамба ий олну хийл мугошть пяйвад, мисэ кудамб ий кундэлиж тошть. Молембад завоттихе кайкушти угодишката тойне тойжелэ.