Хэбомвор

(сарн)

Эндэ элиба мужик да ак. Элэнд хийль хэбод. Ну мужик сануб: «Деньгойд элэ осттэс, мянда куна-нибудь да миччехэни бохатаха мужикаха ӧкс да воруйда хебо». Ляксь кодишпэй, дорогадмэ астуб да думаиб: «Эн тя кэхэ мянда да кус хэбо воруйда». Думаи, думаи: «Мянэн вот нингомаха бохачохо, ӧдун и хебон воруинь». Хяндаст мужик сабусть. «Эдахасик астуд?». – «Ка астун наккана нингомаха деренаха азя̋д». – «Ка миняги синня̋ деренаха астун». Сен пагинан, тойжен пагинан отиба. «Астун, сааб, хебод воруймаха, нингомаха пэртьхэ». – «А миня, сааб, астун сихе пертьхе прихашть воруймаха». – «Кут ся прихэйжен воруидь?» - «Ка воруинь, сааб, муга: эхткойжуў иштусэ ужиналэ, прихэйне кэрдан хернуб, никен ий сано «Буйдь здоров", тойжен кердан хернуб – никен ий сано, куўмандэн кердан хернуб – ий сано, и миня ӧл отан нецен прихэйжен. Миня, тедад, олэн чорт». – «Ну, чорт ка чорт. Миня ка ӧдун, уйнотас кайк, мянэн танхалэ, хэбон валля̋стан и уйдинь хебуў».

Хювя, тулиба. Мужик мянь пертьхэ, ӧкс таричихэ, а чорт трубха личойхэзэ да и кундлэб сигя. Мужик ӧдуй, ужиналэ иштуйхэзой. Прихэйне чехни хернуда кердан, никен нимидя ий санотуд, тойжен кердан хернуй, никен нимидя ий санотуд, куўмандэн кердан хернуй, никен нимидя ий санотуд. А неце мужик и сануб: «Буйдь здоров». Неце трубаспэй кобеганьзь: «Хэбомвор, хэбомвор!»

«Ка ми хян кулуб?» - ижанд сааб. – «Ка кулуб, прихач, вот мидя, мини довэдише нюгде ё признайдас. Миня, саноб, тулинь тиялэ хебод воруймаха, а минунке тули чорт нецидя тийде прихашт воруймаха и саной вот нинга и нинга. Куўме кердад прихэйне хернуб, никен ий сано «Буйдь здоров", ка миня ӧл прихэйжен отан». Ка мужик хяллэ спасибойдь, ак спасибойдь. Хоменцуў мужикан сётиба, виноў е̋тиба, хебон валля̋стиба и хебон андойба кайкэн валля̋стусэнкэ. Мужик кодьхэ шарахти. Хебод ий воруйнд, андойба чомашти.