Видензьпяйв, 29.03.2024

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
"Образцы вепсской речи" [15]
Материалы из книги М. Зайцевой и М. Муллонен "Образцы вепсской речи" 1969 года, записанные кириллицей.
Вепсские народные сказки [24]
Сказки из книги "Vepsän rahvhan sarnad" 1996 года, записанные кириллицей.
Vepsänman sarnad [8]
Сказки из книги "Vepsänman sarnad" 2006 года, записанные кириллицей
Ičemoi londuz [4]
Тексты из книги "Ičemoi londuz", записанные новой вепсской кириллицей
Kodima [25]
Материалы из газеты "Kodima", записанные кириллицей
Вепсская Викия [1]
Статьи из Вепсской Викии (Вепсян Викияспяй лехтполед)
Песни группы "Noid" [4]
Тексты песен группы "Noid", записанные кириллицей.
Списки слов из словаря [3]
Списки слов из вепсского диалектного словаря 1972 г.
Другие материалы [3]
Реклама на сайте
К представленной на сайте рекламе сторонних страниц автор сайта отношения не имеет. Платформа сайта ставит её автоматически. Приносим свои извинения.
Деклараций
Всеобщая декларация прав человека на вепсском языке (в новой вепсской кириллице)
Новая книга
М.Ю. Кузнецов. Русские черты в вепсском синтаксисе. СПб, 2018.
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Вепсские материалы » Kodima

Ухойтуд кюля
Наталья Силакова
Ухойтуд кюля
       Ё куверзь-сэ пяйвяд пани лунт. Луми катой кюлян, митте сейжуй ляз мецад пенел ёгирандал. Неце ёги оли конз-сэ левед, а нюгюдь вайше кевядэл вези ляхтли рандойшпяй. Вёл ӧл ухойчи и пячинтуруйш кулуй паёйд, а хомендэсэл кайк хиллени. Пяйвяйне озутихе, а льгес пакайне тегихе ковембакс и заводи колкотада пертидэн парзидме. Сэ колкоти муга луяс, мише ванхад акайжед, ристтес юмалайжидэн кохтас, шухайжиба: "Сюндуйжем, Сётай, Сюндуйжем, Сётай!"
       Тальвел пенес кюляс элетихе вайше видэс пертиш. Тойжед пертид ома пальхад - нийш эляба кезапертинэляяд, кудамбад аёйба лиднаха вёл сюгюзел. А кен й элямаха тальвекс, айгойш хомендэсэл лямбитаба пячид да паштаба лейбяд. Кайкиш пячишпяй ляхтеб саву да муюб лейбян магукахалэ хаюлэ.
       Каксь пертид сейжуб риндал кюлян рёўнал. Ненидэн пертидэн икнад кацуба тойне тойжехе. Тойне перть ом каксьжируйне, пардэсине, а тойне - пикуйне, кути бобайне, сэн сейняд ом каттуд вагонкал. Ненидэн пертидэн эмягад себрастасойш нориш возишпяй, но кайкен айган ридлеба. Мугажо оли эглай-ки. Охкой няги, кут хомендэсэл Сашой кявели куна-сэ кюляха, а конз пёрдихе кодихе, эй туленд хянэннокс. Лонгикш сядихе мёст да мёст мяни куна-сэ. Эхтал тули мугойне, кути мурзйн рихеспяй да кюзелеб вёл, мидя Охкой эй тулэнд хянэннокс беседалэ когонайжес пяйвяс.
       - Миня олин тулну синуннокс, вайше синдай эй олэнд кодиш, сануй Охкой.
       - Кут неце эй олэнд? Кайкен пяйвян иштуйн кодиш, вайше Глашаннокс ёксензин. Ка неце оли хомендэсэл да пяйвял, сануй Сашой полестадэс.
       - А миня олин тулну-ки каксь кердад. Ну кут тулда синуннокс беседалэ, ку синдай эй олэ кодиш-ки?
       - Охкой, ка ведь синя кукитид икнаха, конз миня астуйн сиричи. Хёдхювид тулид, конз миня ляксин кодишпяй.
       - А ку кацуйд да ёксид куна-сэ, ка войжид колахтойтта пертин саўмха вай пертьхе чокайтас. Иче куцуйд, а вераяс ом луккол. Олэд луяс хювя себраник. Ку синей эй тарбиж, ка эн туле-ки энамба. Куцу куверзь тахтойд.
       - Ох, ка ала туле-ки, синута олэн. Митте олэд кухмак! Сану хянэлэ кайк - миня олин сигя да сигя. Мидя куцта синдай, иче тулед. Синя эд вой эляда риституйдэнке кожмусэс, вайше миня тирпан-ки синдай.
       - Мяне да канда ичейж тирпанд кодихе и ала туле минуннокс энамба. Эй вой тирпта никен миндай, а синдай кайк войба тирпта. Тьфу, нюганик!
       - Олэн-ик миня нюганик? Миня жаллейчен синдай, сикш ладин-ки тойжидэнке. Митте олэд табаказ! Эля кут тахтойд! Сашой сидой пайкан кинктемба да паўкайжи уксэл ляхттес.
       Охкой эй войнд лёўта таход ичелэзэ, хяткен кявели пертидме. Ӧкс сегойти тайгнад, теги пиргпялишт и панихе магадамха. Венуй да мелети, микш хё ридлиба мёст Сашойнке? Вайше эй войнд муштта-ки и ё уйнотэс пяти, мише эй пагижешкандэ хянэнке энамба.
       Тули хомендэз. Охкой пани лямхя пячин, самваран, лади магадузсиян. Пани пялэ синижен польшан, яўгха виллайжед мустад штанад. Сидь пани таркас тахтхад чугунрехтлялэ и пани сэн пячихе. Тойжелэ рехтлялэ пясти нудэн тахтхан, пани тахтхан пялэ марjпялижен и мугажо пани пячхе рехтлян риндалэ, миччес паштуй лейб.
       Саўпси пячлаўдан и иштуйхе столаннокс, митте сейжуй икнад вастэ, мише ёда чаюд, валатуд хоштаяс самвараспяй.
       - Ом хювя, мише тямбей эй пане лунт энамба. Сэ айг ом ё мянда техмаха тропашт, сануй Охкой ӓньхезэ и лопи валатуд чашкха духукаст чаюд, миттушт ёй канфетанке.
       Сай пячишпяй духукахан лейбпярпун да пирган, катой нийд ваўктал рёўниш сидотуд кязипайкал. Пани пялэ фуфайкан, яўгха - каньгад, пяхя - лямян пайкан и лякси пертэдэсэхе. Хейти вераяспяй туген, тоўкайжи вераян и лади авайта сэн. Кус-сэ вераян санктойдэн лаўдойдэн кескес киджайжи, вайше верай эй авайданус.
       Тьфу, синя, ха. Нацейн, кен-ни тугези ирдалпяй. Вай войб олда, Сашой нецен теги? сюльктес Охкой мяни сараялэ, авайжи сарайвераян. Лунт оли ӓй. Ӓккид хян кацухти Сашойн кейтимполен икнаха и бурахти:
       - Тётё, ка хян ом-ки тётё, уўдимид-ки эй олэ икнас.
       Охкой хашкахти и... ухкахти когоназэ пехмедаха ханглумехе. Ӓккичудэспяй сюдяйн кути азотихе. Неглойкахад лумитяхтхайжед, миччед ланксиба каран рёўнилпяй, путуйба ненаха, суху, сильмихе. Охкой кубайдашканзи и эльгедашканзи, мише ми энамба хян кубайдаб, сэн терамба луми катаб хяндаст.
       Вёл лижакс ханген теравад рёўнад имихе хянэн комбуйхе. Вилу луми тартуй модохо, сули, и мод кюльмяшканзи. Охкойле тегихе опак: кут хян иче ляхтеб нециш караспяй? Никен эй эцишкандэ-ки хяндаст. Ку кен-ни мянэб Глашаннокс, ка хянэн пертиннокс эй туле-ки. А иче Глаша, войб олда, вайше кахтэс пяйвяс пяличи хомайчеб-ки, мише пертиш эй олэ лямойд. Ка неце вайше кахтэс пяйвяс пяличи. Суседкюляспяй тулеб эрашти люпсаjид, ка нед эй кявелкой-ки тяс. Никен эй муштишта-ки хянэн полхе, никен эй лёўда-ки хяндаст. Войб олда, лёўтас вайше кевядэл, конз луми сулаб... Охкой рипиташканзи сильмил, пень кюндаль полти модполишкон.
       - Микш миня Сашойнке эглай ридлин? Мияк хян эй тулижи хомендэсэл миндай рижамаха?
       Сашой, кут кайк-ки ванхад акайжед, хомендэсэспяй лямбити пячин, паштой лейбяд и ёй чаюд. Хян эй олэнд сурь казвол, оли лайх. Паксуд хахкад хибусэд оли керитуд люхюдашти. Пял оли кулу вилласине пайд, миччен кюнамбрусэд оли кохетуд, яўгойш - спортштанад, миччиш комбуд рипуйба. Хян иштуй столан тага и мухази, кацтэс кажижехе, кудамб вянди алайженке.
       - Кис-кис, Мормишк, туле, ё майдод. Ох, синя, ха, кайкен алайжен ребитид, ласквас силитойжи кажишт пядме.
       Сашой сай пярпун пячишпяй, катой сэн кязипайкал, керази столалпяй астъяд, пани мискаха, валой синня вет и пани мискан плиталэ. Оти кормха Мормишкан, иштуйхе икнаннокс. Кажине вяндашканзи мёст.
       - Ох, кюнзник, ох, валдалине! Кацушке синя, Охкойн пертижен-бобайжен катой лумел, ка хян сараялэ либуй.
       - "Няў, няў", кажи хюппяхти комбуйлпяй и мяни лежанканнокс. Сашой кацуй кайкен икнаха.
       - Ома-ик мелед? Мидя, лопукс мелиш лякси, ванх ристит, мидя, хюппишкандэб? Сашой колкоташканзи икунрамаха, вайше ирдал эй кулунд хянэн колкотэст.
       Холдудэс Сашой эй войнд панда пялэ фуфайкад-ки. Лопукс пани, пани пайкан пяхя, чокайжи каньгад яўгха и ми оли вягед ёкси ирдалэ. Эй войнд лёўта лабидод и кукиштудэс уюшканзи ухойтуд техутме Охкойн пертиннокс.
       - Охкой олэд-ик хенгиш? хилляшти кюзуй Сашой.
       "Ка, олэн", кулишти хян ӱбусэспяй.
       - Охкой, вараста вяхяшт, лёўдан лабидон и кайван синдай. Кус лабид-сэ ом?
       - Авайда сильмяд, ка хомайчед. Да пяста миней пордаз, сюльктес лунт, сануй Охкой.
       - Синя ала варайда, кайван синдай пигай. Охкой, синя мидя, ӱхтэй лугед ичтайж норекс, ка? А ку кюльмяйжид лумес, муга сейжуйжид-ки пацхан кеск кюляд, хо-хо-хо, Сашой кацлихе ӱмбри.
       Сидь Сашой нягишти лудан, льгес лябидон вардэн, митте нягуй лумес пертин саўмас. Сашой кацуй таркас ӱбусэн и мелети, мише эй вой кайда пигай Охкойд. Хян мяни вераяннокс. Конз Сашой кайвой лумен ляз вераяд, хян авайжи сэн и либуй сараялэ. Пикуйне пордаз рипуй кахтэл наглал сейняд пидуст. Сашой сай пордхан, мяни сараян вераяннокс и кацухти ӱляханпяй алахакс.
       - Охкой, синя тегижид иче-ки тропан эхтхасай. Кацу, миччен каран топотид ӱмбри ичтайж. Пидя пордаз-сэ.
       Кебнайне пордаз пязуй алахакс.
       Охкой пунйотэлдэс ӱбусэс, хаби кяроўзихе, табазихе кюльмнюзил кязил пордхас и либушканзи ӱляхакс, охктэс да чихктэс.
       - Мидя, ихастуйд-ик? Вой, синя, вой, сорз. Вирзиштадэс хамбхил, Охкой пудишти лумен ичесаспяй. - Мидя, кюльмид миндай кайдэс?
       - Охкой, синя ала кярегандэ минун пялэ, иче олэд вяр. Кен синей кяски хюппида ӱбусэхе, нингомаха пехмдаха лумехе? Ку эд сану спасибод-ки, миня ляхтэн кодихе, Сашой пани кядэд корманойхе и тёндуй вераяннокс.
       - Сашой, прости, таба ом мугойне минай. Иче тедан, мише эй тарбиж олижи ридэлта, вайше эн вой нимидя техта ичейнке. Охкой пясти пян, кацтэс мидя-сэ лавал да рипити паксус сильмил. Хянэн оўгад пязуйба, сельг тегихе гурбакахакс, и хян ӓккид тегихе пенекс да раўкакс.
       - Охкой, ка синя мидя? Ка, миня эн олэ кярэд. Иче пёльгястуйн энамба, ми синя. А ку эн нягиштайжи синдай, конз хюппид? Синя олэд ӱксняйж, кути миня-ки, ванх ак хашкахти риндалэ, себази ичезэ себраникад. Молембад сейжуйба ляз пеньт сараян вераяд да кацуйба тайвхазэ, миччес уjиўба ваўктад пильвудэд, кус оли вессел пяйвяйне, ваўвазрусттад пильвидэн ладвайжед.
       - Сашой, мянгам пертьхе. Минай вёл сюгюзеспяй ом пандуд ликумаха яблоксокм медэнке винакс. Вин ом хювя - ох! Келен лайндад!
       - А мияк, мянгам! сануй Сашой.
       Ванх акайне саўпси сарай-вераян и пязуй алахакс пертедэсэхе.
       - Охкой, миня эн илойтэлэ энамба, ку синей эй олгой мельхе минун илойжед.
       - Ка илойтэлэ, Сашой, миня эн кярайдашкандэ. Мё ридлем синунке кайкен, а иче эм текой-ки кувердан эляшкандэм нециш мирус, а? Синя тедад? Эд теда! Миня-ки эн теда! Ка Сашой, хоть оли-ки мейдэн эло гед, а ӱбусэхе эн тахтой колда.
       - Кен-жо ӱбусэхе синей андаб колда? Хейтя пагин-ки нецен полхе. Тошке винад да солатуд огурцойд. Нед синай ома луяс магукахад. Охкой, кулед, мидя санун-сэ: эглай Микул Глашаннокс тули. Войб олда, куцум хяндаст? Кулед вай эд куле? Сашой пюхки лунт вастал Охкойн пялпяй.
       Ишту вайти, куцуб хян кеда-сэ. Кус тямбей-сэ хян ом? Ичезэ мецпертижес вай кюляс? Охкой кацухти Сашойн пялэ.
       - Кацушке, миччед сильмяд теги! Кут ягашкам-сэ хяндаст?
       - Сашой, митте синя лембой олэд-сэ! Асту пертьхе, ягадай, награшканзи Охкой.
       Хё хашкахтиба пертьхе, кус муюй пашттуд духукахалэ лейбялэ.

Вепсякс кянди
Категория: Kodima | Добавил: Максим (08.04.2012)
Просмотров: 583 | Рейтинг: 0.0/0
Всего комментариев: 0
Имя *:
Email *:
Код *:
Водская сказка
Сказка льна
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2024
    Конструктор сайтов - uCoz