| Озатэлэм юбилеянке!
Сулакун 29. пяйвял Людмила Львовна Мелентьевал оли 60 водэн юбилей. Неце найне ом хювин тетаб вепсляйжидэн кескес, ведь водэспяй 1978 хян ом охъяндану Шоўтjӓрвен Вепсян рахвахан хорад, митте ом вепсян культуран сурь бохатуз.
Иче Людмила Львовна ом сюндуну Архангельскан агъяс. Сигя хян опензихе музыкалижес опиштос, а jӓльгес тули опендамхас Петроскойхе консерваторияха. Муга хян jӓй-ки элямаха Каръялаха. Консерваториян опендусэн jӓльгхе хяндаст куцтихе Шоўтjӓрвехе радмаха Вепсян хоранке. Хян хёккяхти, сикш ку эй пагиженд вепсякс и вяхя мидя тези вепсян рахвахас да культурас. Но рад заводихе, и айган сирттес элядэс вепсляйжес кюляс Людмила Мелентьева тедишти ӓй тарбхайжид тедойд вепсляйжиш, хейдэн веройш да фольклорас. Хян оппи вепсляйжид паётрадициёд, ми абути хянэлэ ичелэзэ киръютада паёйд да музыкад хоран тяхт вай ваехтада ванхойд вепсляйжид паёйд муга, мише паё кулуйжихе удэкс, но сиш олижи кайтуд вепсляйне хенгь. Людмила Мелентьеван абул хоран репертуар нюгюдь ом луяс сурь и эразвуйтте. Кайкутте паё ом техтуд муга чомин и хювин, мише концертойдэн айган кундлиёйл эскай хенген саўптаб. Ичезэ программидэнке Вепсян рахвахан хор кайкуччен кердан эзитаб хювин хоть миччил концертойл, хоть пеникайжиш кюлиш, хоть Москвас, Питериш да тойжиш майш. И нюгюдь Людмила Мелентьева ё эй вой кувитэлда ичезэ элод илма хората да вепсян культурата. Вепсян рахвахан хор ом тулну хянэн элон сурекс и тярктакс палакс, миччехе хян панеб ӓй ичезэ вягид и хенгед. Людмила Мелентьевад луяс арвостадас хянэн радос, и эй вайше Шоўтjӓрвес да вепсян мал. Хян ом Веняман да Каръялан культуран Арвостадуд радник, да мугажо водэл 2009 хян ом сану "Веняман хенг"-арвнимен. "Кодима"-лехтэсэн тоймишт, Вепсян культурсебр да Шоўтjӓрвен эляяд озатэлэба Людмила Мелентьевад юбилеянке да тойвотаба хянэлэ эдахалижид сатусид хянэн радос, хенген либутандад, узид идеёйд, хювяд мельт, ванхад тервхут да корктад озад!
| 
