Нейжне и кудмайне (нганасанойдэн сарн)
Ани аму похъёйжес ӱхтэс сияс эли чома нейжне. Хян пиди педройд. Кердан хян кявели педройдэнке тундрас, ӧ оли силой луяс пимед. Ӓккид ӱксь педр кацухти тайвхазэ да кидасташканзи: - Нейжне, пейтте пигемба! Кудмайне тахтойб отта синдай тайвхазэ! Педр эхти вайше пейтта нейччен сурхе ӱбусэхе да катта лумелд, кут кудмайне тули регузил. Кудмайне эци нейдишт, но хяндаст эй олэнд никус. Хян иштуйхе регузиле да лякси тайвхазэ. Нейжне либуй ӱбусэспяй, пухтасти ичтазэ лумеспяй да тули чумха. Мяни вяхяйжен айгад, педр ёкси чумха да кидасташканзи: - Кудмайне мёст аяб регузил, тахтойб отта синдай тайвхазэ! Педр ишки яўгал мад да кянди нейччен лямойкш. Лямой паштой хоштас, илокахашти. Ӱхтнягой кудмайне тули чумха. Хян шаброти кайк чогад, но эй лёўданд никус нейдишт. Мёст кягези хян ляхтта кодихе пальхил кязил. Сидь нейжне эй войнд тирпта и награшканзи: "Миня олэн тяс!" Кудмайне тахтой табата нейччен да эй войнд — оли луяс хул хянэлэ. А нейжне мёст кяндихе лямёйшпяй нейччекс, сорди да сидой кудмайжен. Войки кудмайне да пакичи: "Пяста миндай, хювя нейжне! Миня эн туле энамба малэ. Эляшкандэн тайвхал, а ӧйдме озуташкандэн риституйле тен". Нейжне жаллейчи кудмашт, пясти хяндаст. Сиш айгаспяй Кудмайне тулеб вайше ӧйдме тайвхазэ. Паштаб риституйле, мише хё эй сегойжигой мецха.
Вепсякс кяндиба: Антон ЧЕРКАСОВ, Мария КОШЕЛЕВА
|