Видензьпяйв, 03.02.2023

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
"Образцы вепсской речи" [15]
Материалы из книги М. Зайцевой и М. Муллонен "Образцы вепсской речи" 1969 года, записанные кириллицей.
Вепсские народные сказки [24]
Сказки из книги "Vepsän rahvhan sarnad" 1996 года, записанные кириллицей.
Vepsänman sarnad [8]
Сказки из книги "Vepsänman sarnad" 2006 года, записанные кириллицей
Ičemoi londuz [4]
Тексты из книги "Ičemoi londuz", записанные новой вепсской кириллицей
Kodima [25]
Материалы из газеты "Kodima", записанные кириллицей
Вепсская Викия [1]
Статьи из Вепсской Викии (Вепсян Викияспяй лехтполед)
Песни группы "Noid" [4]
Тексты песен группы "Noid", записанные кириллицей.
Списки слов из словаря [3]
Списки слов из вепсского диалектного словаря 1972 г.
Другие материалы [3]
Реклама на сайте
К представленной на сайте рекламе сторонних страниц автор сайта отношения не имеет. Платформа сайта ставит её автоматически. Приносим свои извинения.
Деклараций
Всеобщая декларация прав человека на вепсском языке (в новой вепсской кириллице)
Новая книга
М.Ю. Кузнецов. Русские черты в вепсском синтаксисе. СПб, 2018.
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Вепсские материалы » Kodima

Арвостада канзад, муштта ляхелижид да хейдэн радод
Арвостада канзад, муштта ляхелижид да хейдэн радод

Кевязькун 16. пяйвял Рахвахалижес культуркескусэс мяни Юрий Башнинан муштехт. Тял водэл 1. пяйвял кевязькуд хянэлэ тяўднуйжи 85 вот.
Юрий Николаевич Башнин оли тетаб литературан тундий, опендай, рунойлий да луяс мелеказ ристит и мелентартуйне пагиник. Муштехтал хянэс лямяс ёхтутэли хянэн ляхелижид риституйд, ӱхтхижрадникойд, опеникойд.

       Вастусэн аўготишес Юрий Башнинан тютӓр - тетаб вепсляйне тедомезь Ирина Винокурова старинойчи тулиёйле ичезэ татан элон да радон полхе, озути фотокувид канзан архиваспяй.
       Юрий Башнин иче эй олэнд вепсляйне, хян оли сюндуну Костроман агъяха. Норудэс хянэл оли ани эразвуйччид мелетусид кенэкс техтас: хян тахтой олда и саўвоян, и киръютаян, и спортмехен. Конз заводихе войн, хян оли 14-возьне прихайне и эй путунд фронталэ, сикш пяти ляхтта абуникакс войнан объектойдэн саўвондрадойле.
       Сидь хян заводи опетас Казанскияс авиациян институтас. Но пигяй эльгензи, мише валитуд техникан профессий эй олэ олну хянэлэ мельхе. Юрий Башнинад мельдютойти энамба литератур да рунотуз. Сикш хян тули опендамхас Ёшкар-Ола-лиднан Марийскияха педагогижехе институтха, и сигя опензихе аспирантурас-ки.
       Водэспяй 1954 Юрий Башнин кайкен айган эли Каръялас. Нециш айгас Каръяла тегихе хянэн тяхт тойжекс кодимакс, хян луяс армасти сидя. Хян радой Каръялан педагогижес институтас литературан опендаян, киръюти ичезэ диссертацияд да эразвуйччид тедокиръютэсид. Сэн ӱхтэс хян киръюти паксус рунойд и радой заводиёйдэнке киръютаjидэнке. Хянэн "Каждому что-то отмерено"-рунокогомуз оли пайндуд 2005. водэл.
       Петроскойш Юрий Башнин най. Хян оти мехелэ вепсляшт нейдишт Галина Богдановад. Галина Богданова оли эзмяйне вепсляйне нейжне, кудамб тегихе тедон кандидатакс. Богдановойдэн канз тули элямаха Петроскойхе Шимървеспяй. Галинан татой Николай Иванович Богданов мугажо оли тедомезь и опендай, хян ӓян оппи вепсян кельт да культурад. Хян радой 1930. возил вепсян кирjкелен, опендузпрограммойдэн да опендузкиръёйдэн тегемижес, ваўмичи вепсян келен опендаjид.
       Муга Юрий Башнин путуй Богдановойдэн вепсляйжехе канзаха, кус оли вепсляйне ильмишт, пагинойд вепсян келен проблемойш. Неце оли Юрий Башнинан тундиштойтуз вепсян культураха да кельхе, ведь эдэл хян эскай эй теданд-ки, мише ом мугойне рахваз - вепсляйжед. Хян мельдюй пигай вепсян кельхе да заводи опета сидя.
       Хян тегихе вепсян культуран себраникакс, киръюти тедокиръютэсид вепсляйжиш, ӱхтни вепсляйжихе айгтегойхе. Юрий Башниналэ оли мелентартушт кайк, ми коски вепсляйжид. Хянэн венянкелине "Михаил Мартьянов"-рунокиръютэз старинойчеб вепсляйжиш.
       Юрий Башнинан и Галина Богданован лапсэд мугажо сидойба ичезэ элон вепсян культураха. Михаил Башнин (1960 - 2006) ом вепсляйне рунойлий, а Ирина Винокурова ом тедомезь-этнограф, вепсян рахвахан культуран да историян хювя тундий.
       Муштехтал Юрий Башнинан ляхелижед риституд, ӱхтхижрадникад да опеникад старинойчиба хянэн полхе. Кайк хё муштаба хяндаст, кут луяс хювяд ичезэ радон тедаяд, литературан сурт наведияд, лахъякаст опендаяд да рунойлияд, и хювяд риституд.
       Пагинойдэн лижакс эхтал риституйдэн эдэс эзитиба марийский фольклорсебр да вепсляйне "Рандайне"-фольклоргрупп, неце оли знамасишт, ведь Юрий Башнинан эло сирдихе Марийский институтаспяй вепсляйжидэннокс. Мугажо эхтал Юрий Мугачеб луги палан "Михаил Мартьянов"-рунокиръютэсэспяй.
       Вастусэл старинойтихе тойжес-ки Юрий Башнинан рунокиръютэсэс, миччен ними ом "Москва". Сэ ом Сталинан вастэ и кувителеб кайкед тот, ми тегесэ ӱмбри. Рунойлий киръюти сида 1947-49 возил, конз оли луяс варукахашти киръютада мугойжид тегойд. Сикш сэ эй олэнд пайндуд, оли кайтуд Юрий Башнинан архивас. Но войб олда конз-сэ неце сурь рунокиръютэз линнеб пайндуд.
       Вастуз мяни луяс лямяс и яткси питькаха, сикш ку тулиёйл оли ӓй мида муштиштада да старинойта Юрий Башнинас. Адивод хомайчиба, мише ом хювя, ку вастусэлэ тули норид мехид, пидаб старинойта нориштолэ лахъякахиш хювиш риституйш. Мугахо санутихе лямид санойд Ирина Винокуровалэ, кудамб возь тагазэ организуй ичезэ веллен Михаил Башнинан муштехтан, а нюгюд - ичезэ татан муштехтан. Неце ом чома озутэз, кут пидаб арвостада ичезэ канзад, муштта ляхелижид да хейдэн радод.
       Мугажо вастусэл сюндуй идей ваўмита мушткиръян, миччехе войжи керата мушткиръютэсид Юрий Башнинан полхе, кайкид муштлотэсид, миччед оли старинойтуд муштехтал.

Ална Егорова,
фотод киръютаян
Категория: Kodima | Добавил: Максим (08.04.2012)
Просмотров: 485 | Рейтинг: 0.0/0
Всего комментариев: 0
Имя *:
Email *:
Код *:
Водская сказка
Женщина, покинутая в первую брачную ночь
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2023
    Конструктор сайтов - uCoz