УККОЙ Я ТУХМУККАЙН 

Эли колт сиаарт. Ӱкс хэйст оли тухмуккайн, киўккаан пэрӓӓл эли я ламппаахан папулоя сӧй. Хӧӧ дууматтии лӓхтиӓ кирккоо хоомуксэлт. Кахээз яооз нойстии хӧӧ ӱллӓӓ, пэссиистии майjёол я лӓхэттии кирккоо. Тээн пӓӓл оли рэту я сиин оли уккой.

Уккой санноо:

- Ностакаа миннуа, тӱтӧйт, рэўст пойз…

Хӧӧ васатаа:

- Эммӓ мӧӧ нойзэ синнуа ностамаа рэўст пойз!

Я пойссуттии.

Мут сэ тухмуккайн нойси кэра ӱллӓӓ, пэссииз, вааттииз, лӓкси кэра киркоо. Шӓӓл олики тааз уккой, тээн пӓӓл рэууз.

- Носса, тӱттӧй, миннуа пойз…

Хӓӓ отти дай ности… Я сэ уккой антой хӓнэллэ кӓттээ кивэн я кэпин.

- Ота, тӓхӓ киввээ коккаа!

Хӓӓ киввээ коккайз колт кэртаа – я илмэттии хӓнт варт сиинт култайн хэппойн я култайст вааттиит…