КАЖИ И ХИРЕД
Кюляс оли кажи луяс сурь, кудамб
кайкид хирид сёб ку лёўдаб. Лёўдаб, табадаб и сёб. И ненэ хиред, кудамбад вёл
хенгхе jӓйба, керазихе кайк ӱхтхе сияха и пагижиба, миак нециле кажиле пидайжи
техта. Кайкиш тобъемб хирь сануб-ки:
— Керакам мё кайкилпяй денгойд,
осткам келлойне да рипутагам сэ кажин каглха. Ку сэ тулеб келлойженке, ка мё
кулиштам и кайк пагенем.
Денгад кератихе и келлон осттихе, а
кен войжи сэн келлон кажин каглха рипутада. Ӱксин варайдаба. А хоть кайк-ки
мянижиба, ка силой-ки кажи войжи нийд кайкид сёда.
Келлод никен эй рохтинд мянда
сидомаха. Хирил кайк денгад мяниба ухтэй. Кайк jӓй муйте. Кен эдэлпяй эй
мелета, кут рад сирдяшкандэсэ, ка кайкен муга ом-ки. Ведь хириле пиди тета,
мише нийдэн кескес эй олэ сидоид. Митте тахт рад муга мянэшкандэб, ку эдэлпяй
эд мелета, кут сидя техта войжи. Наку сарналэ-ки лоп! Мелетагат!
| 
