ВАНЬКА И КОЗА

Эли ук да ак, укол да акал лапсид ий олну никеда, элэтихе роўхазэссэй кахтэн. Вот, думайтихе ук да ак: техкам савесийне прихяйне-Ванька. Оттихе савест кайдихе, топстихе и тегиба савесийжен Ванькан. Куйватихе и пандхе чогаха столан тага. Неце савесийне Ванька пагижешканзь: «Дедушко, – сануб савесийне Ванька, – мина синдэйж сен». Оть дэй нецен укон сей.

Тойжел пяйвал сануб: «Бабушко, мина синдэйж сен», – сануб. Оть дэй нецен акан и мянь верейле.

Астуб мурзей ведэлэ кахтэн вядранке. «Мурзей, – сануб савесийне Ванька, – мина синдэйж сен, дедушкон сийн, бабушкон сийн и синдайж сен». Оть дэй сей акан вядрийдеке, дэй когоназэ. Астуб эдэлэзэ дорогад мёто.

Астуб коза вастха. «Коза, – сануб, – мина синдэйж сен». – «Сийжутаде крежан аллэ, – сануб коза, – мина силэйж прямо суху хиппястан». Оть, неце савесийне Ванька сийжутихе крежан аллэ, а коза крежалпей дёксоб. Оть коза, дёксь, дёксь, да ку буткейдаб пецийхе. Сигапей ляксиба укойне, акайне и мурзей вядройдеке, и неце Ванька мурень супалойле.

Укойне и акайне тулдхе кодихе и пагиштас: «Энамб эм техкой савесишть Ванькад, ика себ».

Неце ак роди коўме тютярт ӱхтэс кохтус. Каздхе нед тютред. Осттихе ук да ак козэйжен. Неце (ук) ойгендаб ванхамбад тютярт паймендамха козад. «Эхткойчел мина козал кюзун, сётид-ик да дётид-ик сина козан».

Неце тютяр ляксь паймнехе, сёть, дёть нецен козан и аяб кодихе. Ижанд кюзуб козал: «Сийд-ик, дейд-ик, козэйне?» – «Эн, – сануб, – сену и эн дёну». Оть ижанд тютрен кодишпей кюксь: «Мянэ куна пя кандаб, эдвейну козад сётта и дётта».

Хомен ноўзоб и ойгендаб тойжен тютрен паймнехе. «Мянэ, – сануб, – сёта и дёта козад, ика синдэйж-ги кюксен». Сэ оть козан, сёть, дёть и аяб кодихе. Ижанд мест тулоб вастха и кюзэлоб: «Сейд-ик, козэйне, дейд-ик, козэйне?» Коза сануб: «Эн дёну, эн сёну». Оть мест тютрен аи кодишпей: «Мянэ куна пя кандаб».

Коўмандэл пяйвал ойгендаб коўмандэн тютрен паймнехе. Сэ мест мяни, сёть, дёть, сёть, дёть, пецейхе дё ий мянэ козалэ, муга сёть козан, и аяб кодихе. Тули ижанданну, и кюзэлоб ижанд: «Сейд-ик, козэйне, дейд-ик, козэйне?» – «Эн сёну, эн дёну», – сануб козэйне. Оть нецен тютрен мест аи кодишпей.

Нелляндэл пяйвал ойгендаб акан: «Сёта и дёта козэйне, ика мугойне и силэйж честь лийноб». Мяни ак, сёть, дёть, сёть, дёть, пимедахассэй пиди и аяб кодихе. Ук вастха тули. «Сейд-ик, козэйне, дейд-ик, козэйне?» – кюзэлоб хянэл. Коза сануб: «Эн сёну, эн дёну». Оть акан и аи.

«Ляхтта либо ичелийн паймета». Вийдэндэл пяйвал ляксь иче паймнехе, сёть, дёть, сёть, дёть, пимедахассэй сёть, тули кодихе и кюзуб: «Сейд-ик, козэйне, дейд-ик, козэйне?» – «Эн сёну, эн дёну», – сануб козэйне. Вот оть да кирфхел бокха и андэй, муга полен бокад и чапой. «Синус пяличи, – сануб, – аин лапсид и акан», – ижанд сануб козалэ. «Мянэ нюгуде сина куна пя кандаб». Ляксь коза пюўдолэ, люўзь землянкан, конддян пезан. Эли нециш пезас конди, хяндиказ и ребэй. Вот коза чаптуд бок, иштийхе пячиле. Тулоб ребэй и кюзуб: «Кен сига пячил ом?» – «Мина, – сануб, – олэн коза, поль бокад чаптуд, коўмес грошас осттуд, топсин синдэйж дёўгил и хоўгейдан сарвил». Неце ребэй и пагень.

Тулоб хяндиказ. «Кен сига пячил ом?» – «Мина, – сануб, – козинька-коза олэн, поль бокад чаптуд, коўмес грошас осттуд, топсин синдэйж дёўгил, хоўгейдан сарвил». Конди мугажо пелгастий и пагод пертишпей, ичезэ пертин дять козалэ. Заводи неце коза эляда пертижес, а неце мужик оть тютрид и акан тагазэ и эляшканзь кодиш.

Аяб кердан ижанд мецха сийричи нециш кодийжес и кюзуб: «Кен сига пячил?» – «Мина, – сануб, – олэн козинька-коза, поль бокад чаптуд, коўмес грошас осттуд, топсин синдэйж дёўгил, хоўгейдан сарвил». Неце ижанд сануб: «Давай, тулэ, хоўгейдадли сарвил?» Веди козан пячилпей дёўгийш и регелэ пани и той кодихе и сануб козэйжелэ: «Вёлак сануд: эд сёттуд, эд дёттуд, ка пян чапан, эн дята элябакс».

Вот заводи мест тютред паймета, ӱксь паймендаб пяйван, тойне – тойжен, коўманзь – коўмандэн. Хян аканке кодиш радаб и тютред козэйжен пайметазэ, хян андаб хийле майдон, лехмашть ий олну, а оли хебо. Вот элэтазэ водэн, тойжен. Козэйне хийль ляжеганзь и коль.