Тожнарг, 21.11.2017

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
"Образцы вепсской речи" [15]
Материалы из книги М. Зайцевой и М. Муллонен "Образцы вепсской речи" 1969 года, записанные кириллицей.
Вепсские народные сказки [24]
Сказки из книги "Vepsän rahvhan sarnad" 1996 года, записанные кириллицей.
Vepsänman sarnad [8]
Сказки из книги "Vepsänman sarnad" 2006 года, записанные кириллицей
Ičemoi londuz [4]
Тексты из книги "Ičemoi londuz", записанные новой вепсской кириллицей
Kodima [25]
Материалы из газеты "Kodima", записанные кириллицей
Вепсская Викия [1]
Статьи из Вепсской Викии (Вепсян Викияспяй лехтполед)
Песни группы "Noid" [4]
Тексты песен группы "Noid", записанные кириллицей.
Списки слов из словаря [3]
Списки слов из вепсского диалектного словаря 1972 г.
Другие материалы [3]
Скройте рекламу!
Друзья! Реклама скрывается нажатием маленькой кнопочки "Close" слева от баннера!
Деклараций
Всеобщая декларация прав человека на вепсском языке (в новой вепсской кириллице)
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Вепсские материалы » Вепсские народные сказки

Замарашка

РЕДУВАРВЕЙ 

Элэтихе мужик да акк. Хийлазэй оли ӱксь тютяр. Мамм ляжушканз и коль. Мужик оли вёл норь, тютяр казватада, ка хян отть и най тойжен кердан. Хянэлэ пуўтый акк дяги-бабан сизар. А сизарел оли тоже нийчукейне – Варвей. Но вот. Эзмей хян ий рохтну абидийта луяс, а потом нецен тютрен заводи абидийта, эминдам сэ. Лёўмад да редурадод андый. А тойне нимида ий тегескелну. Дажо хянэлэ дёўгад, Варвейлэ сэ, пезескель неце горя нийчукейне, мужикан тютяр сэ. И кайкен лехмад тилкейдэли, дёўхон кивел и кайк сияд радый, лавад пези и стерей. А хё маманке гулейтихе, да сёдхе, да дёдхе. А хян, кацу, пахемб работницад, кодирадникад. (Эндэ миял санутихе казачихакс.)

Но, нинка, хё ий эдахан элетуд лиднаспей. А сига заводихе празник. (А миял эндэ празник олескель ка коўме пяйвяд.) А неце мамм сэ, эминдам сэ, готовиже тютренке синна дё празникалэ. А хянэлэ (мужикан тютрелэ) андаб радон мугоман лёўман. Хё дё иче кайк модницад сядихе, сядихе хивин. Дуўмейтихе, мисэ, кацу, сига Иван-царевич сполюбихе хянэхе, наведишкандоб хяндаст. Хё тяамбей дё лахтоба. Хебо валлястет дё.

Хянэлэ оттаб да сегийтаб тоўкнан (неце каграс техтазэ хоўттас) и тухкан. Ни и (сануб):

— Кац, мисэ мийхессай олижид тухкан и тоўкнан эригийтну. Мё ляхтем празникалэ, гулеймаха Иван-царевичанну.

А конз мамм сэ коль, ка саный: «Силэй конз мида ий тёўду, ка сина туле минун могилал войка и мили кайк старинийче, а мина мида войн ка…» (нецен хянэн родни мамм сэ нярайдийч).

Хян, горя, догаби: «Вайтти, ляхтэн маманну». Мяни, маман могилал войк ка, войк ка, войк ка…

— Ка мида, тютяр, войкад?

— Ка милэй тётушко-дядинушко дятть тоўкнан и тухкан сегойть и кяск хийде тулендакс эригийта, а иче ляхттихе празникалэ.

— Ала войка, тютяр. Ота вийч, мянэ межалэ да воздэйне вицейне сэ казваб, ка чапа вийчел вицейне, да туле и нинка ристхазэ пайна и сану: «Тоўкун мянэ буракохо, а тухк мянэ ледэхе». Коўме кердад теге муга и кайк иче эригандэб. А иче сина сятэ, кацу. Мина хебон оўготан, хивяд платъяд оўготан и ая синнажо празникалэ, вайсэ айгемб кахттошкимед часуд кодихе тагазэ туле, эдэл хийдазэ. Хийлэзэ симиле ала пуўту.

Хян муга, роўк, и теги. Мяни сийчас пёўдолэ. (Пёўд оли силэй ляхели наку.) Вицан нецен чапий, коўме кердад ристхазэ теги: «Тоўкун мянэ буракохо, тухк мянэ ледэхе». (Ледэл эндэ кайк кийттихе катляс: кашш дэй кайк. Айгемба оли кайк ногирад. Ий олну эндэ плийтид).

Но, хян ихастий: «Слава боху, кайк ом неце рад рату». Мяни сийчас икналлэ. Тули, ка сига дё хебо дёксоб, вожжишпей ляхтоб дё лямий. Хян сийчас мяни корвха, тойжес корваспей ляксь, красавицакс тегихе, собад хянэл кайк хивяд, пяс шляпейне, дёўгас башмакейжед, хеболэ раццыле и дёстэ синнажо празникалэ. Дорогал нецен тётушкон-дядинушкон да сизарен нецен кюксоб, хийле вёл плетил андаб и эдэлэзэ аяб. Сига няхтихе нингине красавица хебол, тулдхе ка слугад царин да и иче даже царь, ну хянэн кядэс оттихе и повели хяндаст синна комнатийхе.

Но и народад ӓй тули кайкес, кайкес округаспей. (Но силэй вяхя вёл народад оли, но сороно когозихе ӓй. Но, силэй оли старинни мод: ий тетуд торелкийне антта, кайк миял ӱхтэс мискас сёдхе. А лихян чапелтихе, деревянни мугийне, телликш називайхе, тяга ручкейне пичукейне.) Ну ка хё мискад не сёдхе, сёдхе, сёдхе, а потом пидаб лихя круўшта ка.

Иван-царевич ижанд ка, Иван-царевичалэ анттихе круўшта, вийчен дэй: «На, круўши». А потом хё хубетазэ синна столиле. А хё дё ишттазэ ий эдахан неце хянэн тётушко-дядинушко да сизар. Конз Иван-царевич заводи лихян сэ круўшта ка: «Иван-царевич, анда мили луўхут кабита».

Иван-царевич отть да мети, мети, мети дэй дёўгха и тресни.

— Авей кибед, кибед, дёўг каттень, доўг каттень, доўг каттень.

Мамазэ:

— Ишттэ, вайтти, панем силэй коўкуспей дёўган, ала кубахта.

Лоўна лопихе. Завоттихе гулейда кайк. Но силэй кюлид мёто гулейтихе. Гулейтихе, гулейтихе, а ляхтта дё пидаб. А мамм неце дёўганке сэ, горя, нингоман кибеданке, мяни да кус сэ сига танхал люўзь батоган, весть, весть да коўкун пани дэй башмакон мёст нецин (вэй сапкан) дэй мугажно кодихе аетазэ. А нециле адиволэ мугажо пидаб ляхтта кодихе.

А неце сэ няггоб, мисэ… Ну ка хян отть да пани нецен пелен тервазь, нецен уксэн сэ. Неце пройдушканзь адив сэ ка кядэл сэ нинга тарты дэй сихена колцейне и дяй. Хян корманаха нецен колцейжен отть, а адив дёстэ. Дёстэ дэй хёболэ дэй хийдазэ ӱмбярзь дэй тули хёбон мёст тагазэ кудамбес корваспей оли ляхтну, сихе мяни, тагазэ ляксь, хёбо дё кадый, иче дё мёст иштуб икнаверес.

А хян дё аяб сина тютренке накка кидоштаб хянэлэ дё:

— Мугойне дё сина мугойне росомаха, редуварвей, а минун тютяр пяйван Иван-царевичанке гулей дэй дёўг каттень.

А хян сэ ий ни кубахта. Сануб вайсэ:

— Оўкха, оўкха, келлени пидаб гулейда, оўкха.

— Но, тегид-ик радон?

— Тегин, тегин, тётушко-дядинушко.

— Ай, хитри чорт, нецен эд сина техну, а силэй нецен мамм оли техну.

Хомен (мёст пройди неце ӧ), хомесэл мёст дё сядазэ болниянке… Ӧн ляби неце нийжне воўвотану, воўвотану, мисэ дёўг ом нингине кибед, а хомен мёст пидаб мамазэке празникалэ аяда. Мёст сядать, да: «Воўвота ала, пидаб Иван-царевич женихокс силэй сада».

Но, сёдхе. Неце мёст горялэ ляхттэс отть да шонан да леткен сегейть. Мёст сегейть и (сануб):

— Кацу, силэй рад, мисэ шон олиж эрижи, а летэ олиж эрижи.

Горя мёст войк, войк, войк. Мий пидаб техта? «Ляхтта мёст маман могилалэ».

Мяни мамалэзэ могилал войк, войк, войк. Сануб:

— Мама, мама, кацу, тётушко-дядинушко ляксь тютренке гостихе, а милэй ом дятну шонан и леткен сегейтану ӱхтхе эригийта.

— Ала, тютяр, войка. Мянэ ота вийч, межал каксвозне чапа да туле да коўме керд сану: «Кут неце шон мянэ посудинаха, а летэ верейле, куспей оли тодуд». Дэй тоже празникалэ туле, хёбо, кац, лийнеб воўмиж.

Неце, роўк, ихястий, мяни пёўдхо, везэйжен чапий, тули, коўме керд растхазэ теги, нед санад саний, мисэ: «Шон мянэ эрижи, а лятэ мянэ эрижи».

Няггоб, кайк, слава боху, кайк пухтаз. Мяни икналлэ, мёст да хёбо туўну дё сихе, вожжишпей лямей ляхтоб. Теравейдэшти коверзихе, корвас мяни, тойжес ляксь. Мёст тегихе красавица, собиш хивиш, ни тундиштада, ни тедиштада ийса. Мёст иштийхе хёболэ, ляксь, аяб. Кюксь нецен тётушкон. Хё аетазэ телегал. Хёбо самбул астуб, а хё вед хёпётэсэл аетазэ. Махни вёл хийлезэ.

Мёст и тули во дворец. Хяндаст вастатазэ Иван-царевич, кайк слугад и кайк. Ичежо (Иван-царевич) васттаб, кядэс оттаб, мёст хё вёдазэ синна.

А хё дё сига (може хийд оли коўмесадад мест)… Мёст лоўна тегихе, мёст лоўна сэ садазэ ӱхтхине кайк, а потом дё лихян крусишканзь мёст Иван-царевич. А хянэлэ мёст ий терпте нециле Варвеялэ:

— Иван-царевич, анда луўхут кабита.

Иван-царевич мети, мети да сормхе и мети. Сорм и каттень.

— Авей, авей, сорм каттень!

Мамазэ (сануб):

— Ишту вайтти, панем плашкан. Вестан плашкан, першшаткан пад.

Но, муга бурботэсэнке ляксь. Эглэй дёўган нинка техну, тяамбей кядэн. Нийжне горя, муга наголо болни. А бабейлэ вёл пидаб гулейда.

А неце (тютриндам) пяйван гулей, гулей, гулей, эхткижел ляксишканзь, няггоб, айгад ом ӓй. А кюндусэхе сэ пандут тервад. Хян поўгоб кюндусэхе, башмакойхе ӱксь и дяб (колцейне ом эглэй дяну).

Кодихе сэ тулишкатхе, ка хё мёст аетазэ мёдха. А неце нийжне теравейдэшти тули, хёбон пясть, корвас корвха мян, да мёст иштуб, варастаб тётушкон.

А сигапей дё кидоштаб, аяб:

— Аа, сина, редумаяк, эд готьте никуна раффазэ. Минун тютяр пяйван Иван-царевичанке гулей. Сорм кядэс каттень, муга гулей.

А хян сэ вед теддаб, мисэ сормелэ луўхудэл пайнну Иван-царевич: «Ала пакиче луўхутт». Хян (сануб):

— Но, хивя ом, хивя ом, тётушко-дядинушко, келлени пидаб гулейда.

— Олэд-ик эригийтну шонан да дёўхон?

— Эригийтну олэн.

— Аа, хитри чорт, сануб, — эд сина олэ эригийтну, а эригийтаб синун мамм.

Хомен ом вёл празник. Хомен неце нийжне пидаб тулда. Хомен дё дяттаб сляпейжен. А потом хян (Иван-царевич) эцишкандэб. (Кацу, олдхе простияд хавадод: ий кюзу, куспей сина, нийжне, олэд, а терватазэ кюндусэн.)

Но, хомен мёст нинка… Ӧс ий магада Варвара сэ, тётушкон тютяр сэ. А хянэлэ мёст дё нецеверзь ругишть дёўход той, мад полосталпей той, сегийть (сануб):

— Кацу, силэй рад пяйвакс, мисэ олиж эригийттуд дёўх эрижи. (Вот оли вредни аккулу.)

Но, хё мёст санутазэ: «Мё ляхтэм празникалэ».

Празникалэ ляхттазэ. Тютрен лади, лади, лади, сядать, сядать, хивин пези, дёўгад пези, кядэд першшаткан пани, дёўган кяралзь сига, пуўдёўган, пуўвен сидэй (кути минаги) пайкал. Ну, хивя ом, пидэлкахазэ дёўккоўк. Ляхттихе, аетазэ.

Хян, горя, мёст войк, войк. «Ляхтта маманну, мида мама сануб». Тули, маман могилал войк, войк. Мамазэ сигапей:

— Мида, тютяр, войкад?

— Ка, кац, тётушко-дядинушко дятт милэй дёўхон да ман эригийтта, иче ляхттихе празникалэ.

— Мянэ межалэ, ота коўмевозне веза, теге коўме керд ристати, сану: «Дёўх мянэ буракохо, а ма мянэ полосталэ». Дэй эригандоб.

Но, нецен радон радэй нийжне. Теравейдэшти мяни, хёбо дё сига сийжуб. Мёст дё хян корвас мяни, тойжес ляксь красавица. Иштыхе хеболэ мёст дё. Дялгмейне пяйв дё неце празникад сига. Мёст дё сига вастатихе хяндаст кайк дэй слугад дэй эйвейги уффатьта. Мятя куспей неце нийжне тулоб и куна ляхтоб. Мятя кенен ом. Нинкомал хёбол тулоб да нинка сянузэ. Кайкиш паремб ом сянузэ.

Но, гулейтихе пяйван. А мёст сёмха сэ иштийхе, а неце нийжне лихян сэ Иван-царевич заводи круўшта, мёст ий пидэйж келелэ сэ пакита, ка хян:

— Иван-царевич, анда луўхутт кабита.

Иван-царевич мети, мети дэй ойгед силм хянэл паккый.

— Авей, кибед, кибед, мама, силм пяс пяккый.

— Ишту вайтти, ламбхан силман пам.

Мянда мяни дялгес лоўнад нинкине горя кибедахне: силм пяспей ляхтну.

Неце нийжне пяйван гулей Иван-царевичанке. А хян дё хомен керадаб сборан. А кайкен сануб, мисэ сборалэ тулижид. А тяамбей хян ляхтоб, ка хян ӱляхан пелен сэ войдь, а хян ий луяс ковернузэ, шляпейне сэ сихе и дяй тервха. Иче терамба хеболэ дэй оли муга. Кодихе терамба тули, хебон пясть, корвас коверзихе, ляксь мёст тойжес, мугийне жо горя редумаяк. Но, собид ий олну нимида, хян ий ни сядатану ка.

Но, ненэ аетазэ сига. А бабий сэ неце, Варваран мам сэ, мяни синна, царин дворал ламбхид оли кого, ламбхан табазь, силман кайви, тютрелэ пани, перевяскан теги. Аетазэ кодихе. Мёст дё киданке аяб:

— Сина мугейне, мугейне, иштуд кодиш редуварвей. Минун тютяр пяйван Иван-царевичанке гулей, мисэ силм пяс паккий.

— Но, хивя ом, хивя ом, тётушко-дядинушко, келлени пидаб гулейда, сануб, — пусть думаланке гулейб.

Хомен пидаб (сбор ом сига Иван-царевичал, неце оли миттени ӓйпяй-недаль) кайкид керата куўдэстошкимес водэспей кахтхекимхевийдхе водхессэй кайк кругом мий ом, кайк мисэ тулдэйж мяричемха хянэл ненэ предметад нэ: колцашт, башмакод и шляпад.

Пяйв мяритихе. Кайктяпей синна тулдуд. Мугажно бабей сэ болниян веди синна. Ий дё сида кятт анну, андый нецин кядэн. Пези, пези, може, сануб, сяттуб. Ни башмак ий сятту. Дёўган мама пези тютрел, тойжен здоровиян дёўган сэ. Ий, нимий ий сятту… Келле суўрь, келлеги пень, келлеги суўрь, келлеги пень, ий сятту. Сэнке пяйв и пройдый.

Мёст тойжел пяйвял эхткижел мёст сэжо сбор. Мёст мярич, мярич. Эхткижел сэ сануб:

— Мисэ кайкутте здорови и болни кудамб войб иштта, мисэ кайк олдэйж толдуд тянна.

Кутжо ненэ колцейне, шляпейне и башмак… Кус сэ ом мугейне ристит.

Но, хомесэл сэ неце сядашканзихе. Хян и сануб:

— Тётушко-дядинушко, ота миндэй.

— Ой сина, нена эхти редуварвейле, мин сина пад пялэ?

— Ка миндэй, — сануб, — вёд да вастан аллэ каталда, миндэй крепи вастан аллэ, мина мян чугаха да вастан аллэ ката.

Но, отть, отть нецен тютриндаман сэ. Неце, роўкийне сянузэ мугийжихе редусийжихе, митте оли, мин дё сядатый. Куна жо мянэд сийчас.

Мяритихе, мяритихе, мяритихе керд, тойне, коўманзь. Коўмандэн пройдушканзь дэй кут сэ Иван-царевич вей хянэн помошникад нягиштэтхе. Сануб:

— А наку сэ кен ом?

А бабей сэ:

— Ой, неце ом минэй редуварвей, неце редусийне, муга ом кацмаха тулну.

— Ий, — сануб, — оўкха хоть митте, пидаб дё мярита.

Ка эзмей мярич дёўгха башмакон, ка и башмакийне сяттуб, ка колцейжен мярич, ка и колцейне сяттуб, ка шляпейне какрас.

— А, — сануб, — кусжо синун собад ома?

— Пяста миндэй кодихе.

Хян кодихе ляксь, тули мамазэнну. Мяни мамалэзэ войк, войк, войк. Мамазэ хёбон хянэлэ сядод. Аскей и тули хянэнну во всей красе сэ тули хянэнну.

А сэд тулдхе да: «Ня силэй нена эхти, ня силэй нена эхти, кацу мийде неце ом мида техну». Хяндаст ий хивин, пахийл санийл хянэлэ (нецензурнийл), горян нимитаб.

Но, свадиб пидаб терамба вята. Свадбан завоттихе готовить, а хян сига нийжне ий вий нимида: коўме раненияд ом нинкоштька. Пидаб невеста техта бабейле сэ. А тяамбей дё тулоба отмаха невестад, а хомесэл неце тётушко-дядинушко сануб:

— Сина нинкине, нинкине, бляд-блядине, мянэ ляби минун дёўгиш, мянэ ляби хёбон лянгиш.

Ну и оўготь паймнехе убехид (убехед нед олдхе варзад, ий вёл ратуд, ну, каксь вотт, коўме вотт).

А жениход дё тяамбей тулоба хянэхе. А хян дё собад кайк растэй, миччиш хян оли мянну Иван-царевичанну сэ ну и тютрен сядать. (А силэй ведь крепелтихе кайк рожа ка невестийл сэ).

Свадиб тяга свадбийтихе, тулдхе свадбал, невестан нецен анттихе каттуд. Хян тервехть хуўлед. Ишттихе, сёдхе да дёдхе.

А хян дё сига пяйван рандад мёто варзыд аелоб да войкаб: «Милэй пидэйж олда невестан, а кац, пясть миндэй убехид паймнехе».

Но, аяшкатхе рандад сэ верть мёто дорог сэ, хян и кидоштаб:

— Коўкдёўг ведэтазэ, плашксорм ведэтазэ, ламбхансилм ведэтазэ.

Но сига, друшкад не и куўлиштэтхе. Санутас:

— Мий неце кидоштаб сэ?

А невеста сануб:

— Неце ом мелесляхтну нийжне да неце токо убехид паймендаб.

Кацувейги сина. Хян мёст эдахампей сэ ка ий элгекий кайкед.

— Ка тулэ ляхемба.

— Коўкдёўг ведэтазэ, плашксорм ведэтазэ, ламбхансилм ведэтазэ.

— Тулэ, тулэ ляхемба, эм куўлкей, мида, мида?

— Дергейгат вей сапуг дёўгаспей.

Сапуг дернитихе, ка-сига коўк.

— Хийткат першшатк кядэспей.

Першшаткан хийттихе ойктас кядэспяй ка сормед ийля.

— Лекат вей пайк.

Ламбхан силм.

Но, нецида сэ и оттихе. Хян кайкен старинийч, мисэ миндэй нинка и нинка тётушко-дядинушко теги, хомесэл пясть миндэй убехид паймнехе, а ичезэ тютрен ом сядатану.

Нецида оттихе, рийчитетхе, а неце нийжне сядятетхе, а нецидя силдан аллэ личтихе, миш мам оли родьну, аласти.

Но, пройдуб дё айгад ӱхтса куўд. Бабей синна ая ий, мянэ ий дёўгей, рижа ий. (Мугийне оли рахваз, тёмнияд ка.) И кут сэ куўлишть, ӱхтса куўд оли дё пройдну, мисэ роди сига пойган, нийжне сэ. Хян дё куўлишть, мисэ Иван-царевичан акк ом пойган родьну. Ка неце хянэн тютяр ом родьну, а хян ийля и няхну хяндаст ка. А неце, дуўмэйб, паймендаб убехид, а може ом дё кунани колну дэй. Ий ни теда бабей нимида вуўсё, бабейле никеда саныяд эйля.

Ляксь рижамаха. Астый, астый, астый неце бабей сэ. Силд тули. Силдэйне пройтта, но, силдэйне пичуйне, пенед ояшть мёто, може коўме пардутт. И казваб дё сига буткине. «Ой, отта вунукейжелэ буткине, вунукейжелэ ом родьнузэ».

Буткижен сэ заводи каткейта, хян сига:

— Ой, маменка, кибед ом!

Хян вёл луемба:

— Ой, маменка, кибед ом!

— Ка куспей ристит пагижеб?

Хян вёл луемба заводи каткейта.

— Авей, маменка, кибед ом!

Ка силдэйжен аллэ кацухть, ка тютяр дё кайк дё хапану.

— Ка, кацу, нинка и нинка, мама, сануб (тютяр), — конз мё аим свадбаха, ка хян кидошть, кидошть и миндэй ома люкейтут.

— Но, сороўно, — сануб, — лийнед дё царевнан. Ляхтэн нугуни, сороўно виживин хяндаст, виживин, виживин.

Но, тули мёст, тютрен килбетпертесэхе дятть, тули ихастусиш. А неце сэ роўк и пелгастий, тедишть, мисэ тётушко ом тулну ка. Иван-царевичалэ ий сану, мисэ, кацу, тули, ка мидани теггоб. Но, тули, здоровкий, воткут нимиш нимида ийля. Но, пидаб рожоницалэ килбеть лямбитада. Айгемба оли манер мугине: рожоницалэ килбет лямбитэтхе, лапсь вёдхе особо, а рожоница – особо. Ий олну ведь больницийд дэй нимида.

Килбетихе той, лапсен пезеть дэй сига андэй може мичченнияд собад хянэлэ, а неце собад отть дэй хянэлэ саный:

— Бляд, блядине, мянэ ляби дёўгиш, мянэ ляби лянгиш.

Хянхед летазэ.

— Мянэ, лендлэ ханхидэке.

Но, нецен тютрен пезеть, сядать хянэн и спалнияха вей. (Но, айгемба малитвохоссэй мужик ий кярнузэ акха. Пройдуб дё куўзь недалид, аскэй дё церкваха мянэд дэй лапсенке малитвон отад дэй аскэй вёл мужик разрешится тулда сиялэ.)

Но, куўдэс недалиш Иван-царевич нимида теда ий. Лапсь войкаб ми мочуд, ласт латьта ий вий, нижад антта ийля, кус ома нижад хянэл. Пеньт сётта ий тоўкий майдол дэй ни мил. Войкаб ӧд ляби.

Кердан нинка ханхед не лэтазэ, а ӱксь ханьн сэ ласкихе. А паймен паймендаб. Сануб:

— Паймнут, кес сина олэд лэйбил?

— Ка мина олэн, — сануб, — Иван-царевичал.

— А сига войкаб-ик, — сануб, — лапсут?

— Войкаб, — сануб, — ӧд ляби войкаб лапсь.

— Олэ сина хивя, то сина хомен, пакиче сина Иван-царевичал. Сану: «Анда милэй кашлихе лапсь, кяралкат». Може согласиже. А мина хяндаст хомен иметан.

А паймен тожо оли просты, ий догадну, мисэ хян ом хянэн акк, миш тези, мисэ хянэн акк ом.

Но, сануб:

— Пробин, пробин пакита.

Хомесэл заводи сятазэ, сануб:

— Анкат лапсь сэ, тийд ӧд ляби войкаб.

Дэй батть сэ абутаб ласт кацта, ка нимил ий латьте. А лапсь нялгал войкаб.

— Анкат милэй лапсь сэ, кяралкат да кашлихе. Мина, — сануб, — келыйде кескес да пяйван пидан, ка може лапсь паремба магадашкандэб.

— Но, ка отнед, ка дё ота, ота, ота.

Но, паймен лапсэн кашлихе пани, станаха той синна. Каццуб полиш пяйвиш, ка дё лендаб ӱксь стада.

— Ханхудэд, ханхудэд, ий-к олэ младенцан мамад?

— Ийля, ийля, ий-к олэ тойжес.

Тойне стад мёст лендаб.

— Ханхудэд, ханхудэд, паймен сэ кидоштаб, — ий-к олэ младенцан мамад?

— Коўмандэс ом, коўмандэс.

Коўмандэлэ:

— Ханхудэд, ханхудэд…

А хян дё и ласкезэ. Тули, суўгад кустан аллэ таци, лапсудэн отть, ка войк, ка войк, ка иметь, ка иметь, ка лапсь кюлякс ими, ими, ка лапсь уйнозь, ка ласт тервехть, тервехтадэс кяралзь дэй кашлихе пани.

— То хомен. Лийнед-ик хиял?

— Лийнен мина, — сануб, — коўме пяйвад, хийл ом ӓй лехмид.

— То сина хомен вёл, олэ хивя, пакиче, анттазэ. Сану, мисэ магадас келыйде кескес.

А лапсь кюлейне, ка магадаб.

— Сина ала сану, мисэ олэн мамм, — келдь хян паймнен.

Хомен мёст паймнутт сэ чаюн дей, сядихе:

— Анкат лапсь сэ милэй мёст кашлихе. Мина, — сануб, — лехмиде кескес, да келыде кескес лапсь пяйван и магадаб.

Но, хян:

— Ота, ота, хивя мель бабийле, — ота, ота лапсь пяйван ий войка и ӧн магадаб.

— Но, неце тули, мёст дё тули польпяяд, ханхед не летазэ. Потом дё хё лямха маха ляхтоба, сюгюзел сэ.

Мёст хян ӓнестаб:

— Ханхудэд, ханхудэд, ий-к олэ младенцейжен мамад?

— Кацу, коўмандэс ом, коўмандэс.

Коўмандэлэ ий пида и хуйкалта. Мамм дё теддаб, ка ласкезэ. Суўгад мёст пийти кустан тага. Мёст лапсудэн отть, иметь, иметь, войк, войк, войк.

— Паймен, олэ хивя, то сина хомен, пакиче ласт. Мё хомен дялгмейжен кердан нецида сияд мёто лендам, мё дё ляхтэм лямихе майхе. Милэй дё энамба ласт няхта ийса. То хомен кашлиш, пакиче, мина вёл хомен иметан. Ала сану вайсэ Иван-царевичалэ.

А Иван-царевич хомесэл сэ сядаташканз лапсудэн сэ, сануб: «Кацу, лапсь сэ лехмиде кескес да келыде кескес ка и магадаб ӧн». Ий ведь теки, мисэ мамм ом иметану.

Иван-царевичалэ паймен сэ сануб:

— Кацу, ханхиде кескес тулескелеб ханх ӱксь, ласкезэ и тацциб суўгад и лапсен иметаб и войкаб, войкаб, войкаб и тяамбей дялгмейжен кердан тулоб.

— Ка неце ом, — сануб, — минун акк, минун акк. Лапсен иметаб, кен жо, куспейжо тези.

Хян оруждян отть, пийтихе кустыде тага, куна ханх суўгад тацлоб, ка синна и пийтихе.

Ханхед мёст летазэ, паймен сэ и хуйкутаб:

— Ханхудэд, ханхудэд, ом-ик младенцейжен мамм?

— Ка тойжес, тойжес стадас.

Тойне стад лендаб.

— Ханхудэд, ханхудэд, ом-ик младенцейжен мамм?

— Кац, коўмандэс стадас.

Коўманзь стад лендашканз, ка хян дё ласкезэ. Суўгад фисни, а Иван-царевич сэл айгал отть, спичкан теги дэй суўгейжед ненэ пуўть.

Хян лапсен отть да иметь, иметь, да войк да. Иметь, иметь да лапсь лё кюляштый, ий име. Запахан и куўлишть.

— Авей, ий-к хотя минун суўгад палетут?

Иван-царевич тули и сануб:

— Суўгад мина полтин, а сина никуна эд мя.

— Эн мянэ мина, Иван-царевич, эн мя. Хян милэй кахтишти дё теги, коўмандэн ку кердан теггоб, ка мий… Мида сина суўгад полтид, куна мина нугуди мянэн?

— Ала варэйда.

Оли ведь комнатийд ведь ӓй ка, ийни вёну хийдеке. Лапсь синна спалнияха кус и оли, а хяндаст отделно. Ӧн сига магатихе, а хомесэл сэ сануб:

— Анопь, мина ладин хярган рикта.

— А кус рикод сэ?

— Ка пидаб пертиш рикта, кухнял. Кус жо рикон?

— Авей, мина варэйдан.

— Нука варэйдад ка кяралда пя хавадол дэй, кац, лоўчан аллэ мя. (Силэй стуўлыд ий олну, диванийд ий олну, а оли лоўчад техтуд санктиш нинкомиш пыйш, кайкед пертид мёто, сийнад мёто.)

— Мянэ лоўчан аллэ.

Лоўчан аллэ мяни. Хян кервхен отть, хамарол ку тресниб. (Хярган сэ той пертхе, хярг сэ вроде кут каргейдаб.) Сига:

— Авей, авей, авей, кибед, кибед, кибед!

— Ка неце хярг поткейж, анопь, хярг поткейж, хярг поткейж.

Хян ку мёст дёрахтийтаб антта пяха хамарол.

— Ай, кибед, кибед, кибед!

— Анопь, хярг поткейж, хярг поткейж.

Коўмандэн кердан вяжахть вайсэ, хян дё пян хянэлэ лаботь наголо. Баб и коль. Бабейн кунасэ тацтихе, вёдхе ненед хянэн слугад. Нугуде мяни спалнха, сануб:

— Нувей сина тулэ тянна.

Мужикад дё кайк тулдхе синна во главе Иван-царевичанке. Хяндаст рийчитетхе. Хяндаст хян элябан кайкен чапель нёкиле: кядэд эрижи, дёўгад эрижи, пян эрижи, туловишшан эрижи и пани сеткха, харвха сеткха и убехелэ норелэ хяндха и сидэй нецен сеткан сэ. Убелэхе плачкун андэй плетил и убен и ляксь дёстэ. Куна ланктоб пя, сига казваб каллё, куна силм – сига силмляхте, куна нена – сихе родник, куна кязи – сихе харав, куна дёўг – сихе коўк, куна перзэ – сихе турбаз. И муга кайк, кут варз дёксоб.

А хё завоттихе эляда. Эляшкатхе, эляшкатхе дэй лапсь казватэтхе и тяамбей сига элэтазэ.

Категория: Вепсские народные сказки | Добавил: Максим (03.01.2013)
Просмотров: 274 | Рейтинг: 0.0/0
Всего комментариев: 0
Имя *:
Email *:
Код *:
Водская сказка
Принцесса в башне
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2017
    Конструктор сайтов - uCoz