Тожнарг, 21.11.2017

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
"Образцы вепсской речи" [15]
Материалы из книги М. Зайцевой и М. Муллонен "Образцы вепсской речи" 1969 года, записанные кириллицей.
Вепсские народные сказки [24]
Сказки из книги "Vepsän rahvhan sarnad" 1996 года, записанные кириллицей.
Vepsänman sarnad [8]
Сказки из книги "Vepsänman sarnad" 2006 года, записанные кириллицей
Ičemoi londuz [4]
Тексты из книги "Ičemoi londuz", записанные новой вепсской кириллицей
Kodima [25]
Материалы из газеты "Kodima", записанные кириллицей
Вепсская Викия [1]
Статьи из Вепсской Викии (Вепсян Викияспяй лехтполед)
Песни группы "Noid" [4]
Тексты песен группы "Noid", записанные кириллицей.
Списки слов из словаря [3]
Списки слов из вепсского диалектного словаря 1972 г.
Другие материалы [3]
Скройте рекламу!
Друзья! Реклама скрывается нажатием маленькой кнопочки "Close" слева от баннера!
Деклараций
Всеобщая декларация прав человека на вепсском языке (в новой вепсской кириллице)
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Вепсские материалы » Вепсские народные сказки

Богатый и бедный братья

БОХАТ ВЕЛЛ И ГОЛЛЬ ВЕЛЛ 

Богат велл оли куўдантегий, а голль велл оли луўдидетегий. Ӱхтэн кердан голль ляксь мецха томха луўдиде оксид, мецас нягишть чоман линдун и дуўмейб: «Кут пидаб неце линд сада?»

Оть кирвхен, таци линдху и рикой линдун. Тоб кодихе, веллелэ сануб: «Миччен буде линдун рикойн». Богат велл сануб: «То тянна». Хян той. Богат сануб: «Мё милэй». Голль сануб: «Ота». – «Ӓян-ик максаб линд?» Голль сануб: «Каксь рубляд». – «Ота денгад».

Богат велл оть линдун, кяндь ойктан суўган, каццуб – ом кирдитэт: «Кен нецен линдун сёб, сэл лийнод суўрь вяги». Оть, кяндь хуран суўган, сига ом кирдитэт: «Кен нецен линдун сёб, сэл лийноб дёга ӧн пёлусэн ал вийж рубляд, куўдэйне монет».

Богат велл кяскоб ичезэ акалэ: «Жари неце линд и ала анда никелле, кроме вайсэ мили сёда».

Нецел айгал тулдхе голльан веллен лапсед и нецен линдун сёдхе и ляхттихе верейле. Тули эмаг танхалпей, каццуб – жаркияд ийля. «Мий нугутте техта?» От, кукийл пян чапой и теги тойжен жаркиян. Тули кодихе мужик, [сануб]: «Анда, ак, сёда».

Ак хянэлэ нецен жаркиян андой, хян сей, верь магатта и хомесэл нуўзь. Вягед ий лижану и куўдашть монетад ий олну пёлусиш. А голльан лапсед нуўстихе, хийл лижань вягед и молембил оли ӱксин монетин куўдэйжин пёлусиш. Нециш пяличи голл велл богаттуй.

Богаталэ веллелэ тегихе завидно. Куций веллен фатераха: «Куўле вей, велл, силэй ом пертиш ий чисты дух, ненэд лапсед ома силэй чортад, хийд сина изводи, буде дяда ичелийж элябакс».

Тули велл кодихе, сануб акалэзэ: «Куўле вей, ак, мийл пертиш ом пахад аззяд, лапсед мийд риктазэ, мий пидаб нугуне техта?» Ак хянэлэ сануб: «Пидаб мецха вёда и синна дятта». Анттихе лапсиле ӱксин хёбийн и койрын и оруждян. «Лапсед, тянамбей ляхтэм сенхе, тё ляхтэтт хёбийл, откат оруждяд и койрад».

Муга и техтхе. Мяндхе мецха кюмнен вирстан тага и сегойтэтхе лапсид, дяттихе синна, а иче ляхттихе кодихе.

Лапсид табазь пимед ӧ. Лапсед и санутазэ: «Мида нугуне тегем? Пидаб техта лямий. Теге сина, велл, лямий, а мина сан жаркиян».

Мяни вяхейжен айгад, каццуб: эдэс конди кахтэн пойганке. «Нугуне мина амбун». Куўлоб, конди пагижеб: «Ала амбу, мина андан сили пойгид, хё сили пригодише». Неце лапсь ийни амбну, а отть пойгид кондъялпей и вей веллелэ. «Ала пяста никуна, велл». А сэ муга и теги. «Мина мёст ляхтэн, эн-ик кеда са жаркияс». Мёст ляксь. Вяхан астуб, тулоб вастха дяниш. «Дянишан мина амбун». Дяниш сануб: «Ала амбу, ота милэй кахт дянишутт, хё сили пригодише». Муга и теги хян, той веллелэ и сануб: «Мёст тойн каксь зверид, мин тегем, жарим вэй дятам?» Тойне велл сануб: «Ий пида жарьда».

Ладихе пимед ӧ. Вердхе магатта веллед. Магатихе ӧн, тули хомез, пидаб мянда эдэлэзэ. Мяндхе хё мецад мёто кайкен пяйван. Эхтбокас тули дорог. Мяба хё дорогад мёто. Тули каксь тесарад. Норемб велл сануб: «Мина ляхтэн ойкталэ». А ванхамб велл сануб: «Мина ляхтэн хуралэ».

Нецел сиял хё и дягийхе. Тойне тойжелэ санутихе, кут пидаб уўзь керд люўта тойне тошть. Норемб велл и сануб: «Дяткам мё тянна ӱксь стокан ведэнке, кудамб мийш тулоб накху и кацуб, вези ом буде спортнузэ, сида велт ийля элябад. Анттихе кятт и иче ляхттихе. Норемб велл тули лиднха, кюзуб роўхал акал: «Ийкса мили фатералэ тулда?» Акэйне сануб: «Войб». Хян азотихе, кюзуб акэйжел: «Микш ома лиднас мустад флагад риппутэт?» Акэйне сануб: «Хомен царин тютрен вёдазэ драконан мятхалэ гадалэ сёмакс. Неце гад ом сёну лиднас кайкид нийччид». Неце ӧник сануб: «А саб-ик мили мянда синна кацмаха?». Акэйне сануб: «Войб».

Тули уўзь хомез. Неце ӧник оседлайч хёбон, оть койран, конддян и дянишан. Тули эдэл кайкид силле мятхалэ и варастаб. Пяличи пордон тодхе царин тютрен и дяттихе мятхалэ, а иче кайк свита ляксь тагазэ лиднха. Тули сэ айг, тегихе дёл, шумишкатхе пуўд. Куўлоб – тулоб гад. Хян оть и плиталэ иштийхе. Кацуб – плийтха ом кирдитэт: «Кен нецен плитан лендаб, плитан ал ом сабль и посудин вягевад вийнад, кен нецен вийнан дёб, сэ войшкандоб владеть нецил саблял и нецил саблял победиб гадан».

Хян муга и теги. Хянэл тегихе суўрь вяги. Тули гад, гадал оли какстошкиме пяд. Гад и сануб: «Мина пакичин ӱхтэн, а сийд ом каксь…» Ляксь хийлазэй бой. Силач чапий куўзь пяд и хянэл вяриштий сабль. Тойжен кердан махни, чапий нелл пяд и сабль каттень. Хян сануб койралэ: «Абутагат мили рикта гад». Койр, конди и дяниш хийтихе дружно, расттихе дялгмейжед каксь пяд. Неце силач и ихастий. «Нугуне, – хян сануб, – аззь ом техтуд, пидаб техта лямий». Техтхе лямийн, чаптихе хиллыйле нецен гадан, пандхе лямийхе, а жезлад келидеке богатырь оть ичелэзэ. И ляксь неце сиялпей и тули буткха, кус оли царин тютяр. Сэ оли полэлэзэ колну. Богатырь хяндаст нуўсть: «Ала варайда, гад ом риктуд». Сэ ий вери. «Кацу: наку ом сили кайк доказательство, кацу: «жезлад келидеке» ом какскиме нелл штукад».

Царин тютяр хяндаст тервехть, андий хянэлэ куўдэйжен кольцайжен и носовыян пайкан, а звериле сидэй шуўкижед лентэйжед каглад мёто. Неце нийжне сануб: «Нугуне муга тегем…» Сануб богатырь: «Мина тахтийн магаттаха». Койралэ сануб: «Караули, куни мина магадан». Койр караули вяхейжен, кондъялэ сануб: «Караули, мина верен магаттаха». Конди каций вяхейжен и сануб дянишалэ: «Кацу вяхейне, мина верен магаттаха». Дяниш каций вяхейжен, мугажо верь магаттаха. Нугуне кайк магатазэ, а царин тютяр ий магада.

Нецел айгал селгить царь нециле мятхалэ ичезэ слуган. «Мя, рижа вёл, ий-к олэ минун тютяр эляб и то тянна мили сана». Сэ муга и теги. Тули хян мятхалэ, кацуб – царин тютяр ом эляб, хян хянэл кюзуб: «Дё оли гад?» Царин тютяр сануб: «Оли, гадан рикий неце мезь, кудамб магадаб кондиянке, койранке и дянишанке». Царин слуга сануб нийччелэ: «Сану, мисэ мина рикийн ичийж батялийж, а эд санунэ, ка мина силэй пян чапан». Царин тютяр андий согласиян. Царин слуга оть саблян кядэхе и чапий пян нецил богатырил. Слуга и царин тютяр ляхттихе лиднха царинну. Царь кюзуб: «Мида игас ий олну, мина ичелийн эн вери, мисэ неце минун силмихе дявише тютяр». Слуга сануб: «Энамба неце гад ий коске никеда, мина хяндаст рикийн». Царь сануб: «Нециш хювудэс мина андан синун тага тютрен мехелэ и полен ичийн мад». И техтхе свадьбан.

Нецел айгал либый дяниш, нуўстаб кондиян и койран: «Мийл ом бед – ижандал ом пя чапетуд». Конди и койр вердутихе дянишан пялэ: «Мё синдэй риком нециш аззяс». Дяниш сануб: «Алгый риккы, мина нецен аззян ладин, пясткат миндэй вайсэ мецха». Койр сануб дянишалэ: «Мя и пяличи часус тулэ тагазэ». Дяниш ляксь и той элябад и коллян ветт, сануб: «Пидаб нугуне войта ижандалэ кагл и пя панда тагазэ». Муга и техтхе. Вайсэ пян пандхе ий муга, а селгхапей рожин. Сийд войтхе элябад ведэл, богатырь и нуўзь. Каццуб – ийля пя муга. Койр вердий дянишан пялэ: «Эд муга техну, мина синдэй раткейдан». Дяниш сануб: «Войкам мёст коллян ведэл». Муга и техтхе. Пян хийттихе ирдалэ и пандхе уўдхезэ, войтхе элябал и коллян ведэл. Богатырь нуўзь, сануб: «Микш милий ласкитэй хяткен магата?» Койр хянэлэ сануб: «Сикш мисэ мё кайк магазим». Богатырь сануб: «Кус-жо ом царин тютяр?» Дяниш сануб: «Хян кодихе ляксь». Богатырь сануб: «Ляхкам и мё кодихе». Иштийхе хёболэ и ляхттихе кодихе.

Тулдхе мёст нециле фатералэ. Тулдхе и кюзутазэ бабэйл: «Бабушка, микш ома лиднас чомад флагад риппутэт?» Сэ сануб: «Царин тютяр ляхтоб мехелэ». Богатырь кюзуб: «Кенэн тага?» Сэ сануб: «Слуган тага, хян спас царин тютрен, а нециш пяличи царь андаб тютрен мехелэ и полен мад ичезэ». Богатырь кюзуб: «Бабушко, саб-ик мийле мянда свадьбаха?» Бабэй сануб: «Кайкиле войб». Богатырь и ляксь. Пани царин тютрен кольцан качасормелэ, сидий тряпицан, мисэ ий нягийш. А царь оли анну приказан: свадьбаха пястта вайсэ тервхид. Конз хян тули царскияха дворцха, дохтур кюзуб: «Микш ом сорьм сидотуд?» Богатырь сануб: «Дяниш пури». – «Кус ом дяниш?» Хян сануб: «Калидоралэ ом дяттуд». Дохтур слугалэ сануб: «То тянна». Слуга той. Но дохтур сануб богатыриле: «Пидаб сорьм кацта».

Нецел айгал койр, конди и дяниш мяндхе синна, кус олдхе невеста и жених. Невеста люўби конддян. Хян оть, дрочиб кядэл конддян каглад мёто и пуўтий лентэйне кядэхе. Невеста сануб: «Нецен зверин мина няхну олэн сэл мятхал, кус миндэй тахтэль гад сёда». Жених оть пахан мельхе, а дохтур хийть тряпицан сормеспей и сануб: «Кусс сина отид нецен кольцан?» Богатырь сануб: «Мили подари царин тютяр сэс аззяс, мисэ мина рикийн гадан». А дохтур доложи ичелэзэ цариле. Пидаб хийтта санад, кут ом пуўтну кольц нециле мехелэ. Царь куций нецин богатырин ичезэ комнатаха и кюзуб: «Кут силий пуўтий неце кольц?» Хян мёст сануб сэн, син саный богатыриле. Царь вёл кюзуб: «Ом вёл миччид доказательствийд?» Богатырь сануб: «Ом! Доказательств ом: кольцейне, носовы пайкэйне, какскиме нелл жезлад гадаспей, кудамен мина рикийн, и койр, конди и дяниш, хийле ома сидотуд каглалэ шуўкижед лентэйжед, сидый тийде тютяр драконан мятхал». Нецен кайкен фактан тедиштэтхе, и царь саный: «Буде желайд отта хяндаст мехелэ, ка сина лийнед минун вяву и андан полен мад». Нецен кайкен муга и техтхе. Вятхе свадьбан, дялгес свадьбад куций царь слуган, кюзуб слугал: «Кен силий кяск манитада царин. Нецес вигас пяличи кахтэс часус силэй лийноб хийттуд пя».

Дялгелэ нецида свадьбад царин приказан выполнитхе: слугал чапетихе пян, а богатырин тага анттихе тютрен.

И неце богатырь дялгхе кайкед пированьяд ляксь мецха охотимазэ. Отть хёбон, койран, конддян, дянишан и мецас хян ӧдуй. Теги лямейн кузен аллэ и тахтлоб ӧн магата. Куўлоб кузеспей пагинан: «Милий вилу ом». Царин вяву сануб: «Ласктэ алахакс и лямбитэлдэ нецил лямейл». Кузеспей сануб: «Мина синун зверид варэйдан, синун зверид миндэй пурдазэ». – «Ала варэйда, ий косккой». Кузеспей мёст пагин ом: «Куўле, норь мезь, ота окс, кудамен мина тацин и пайна хилляшти ичийж зверид». Царин вяву муга и теги. Иче, хёбо, койр, конди и дяниш тегихе кивекс.

Тули нециле тесаралэ ванхамб велль, отть кядэхе стоканан, каццуб, вези ом спортнузэ и думэйд: «Минун велт ийля элябад. Пидаб мянда нугуд хянэн дорогад мёто». Ляксь хян сида дорогад мёто, куна мяни норемб велл и тули лиднха. Каццуб, ом кирдитэт приказад, подпись ом пандуд царил. Приказан оли кирдитэт царил: «Кадий норь вяву, кен люўдаб, силле андан хивян хёбон и нелл тухад золотад». Неце ванхамб велл луги приказан, мяни, люўзь ичелэзэ фатеран и фатеран ижандал кюзуб: «Кен мугитте ом вяву?» Фатеран ижанд сануб: «Оли тулну мезь, эн теда куспей, хёбол раццил, койранке, кондянке и дянишанке и теги вот нингоман аззян: пясть сурмаспей царин тютрен и сиш пяличи пуўтый царин вявукс». Ванхамб велл отть пяха: «Пидаб люўта велл».

Ляксь хян самха лихяд мецха. Тулии нециле сиялэ, кус ом велл. Ладихе ӧ. Теги ламейн, пани линдун кийтта. Куўлоб кузеспей пагинан: «Милий ом вилу». Алаханпей хянэлэ ом ответ: «Ласктэ, лямбитэлдэ». – «Эн рохти, синун койрид варэйдан, на, ота вицейне и пайна ичийж койрид, ика миндэй пурдазэ». Алаханпей сануб: «Ала варэйда». – «Эн рохти». – «Нока эд рохти, ка мина синдэй ласкетан», – сануб ванхамб велл. «А кут сина миндэй ласкетад?» – «Кебнэйдэшти». Отть оруждян кядэхе, пани патронан оруждяха. «Вёл санун: ласкте алахакс». Хян ий ласкнузэ. Хян отть и амбий ӱляхакс сихе мехезэ, а сэ мезь награнке сануб: «Оли синуниччид да кайк синун ал». Но алембэйне сануб: «Сану, кус ом минун велл, а эд санунэ, ка мина синдэй рикон». Кузеспей сануб: «Синун пульк миндэй ий рико». Алембэйне отть, теги ристан пулькха, амбий ӱлембейжелэ, и ӱлембэйне лангень хянэнну. А алембэйне польг хянэлэ куркулэ. Но, нециле волшебникалэ мянда оли ий куна… Нуўсть хянэн веллен, хёбон и зверид. Нуўстихе, веллед кабурзихе, тервехтэтхе и ляхттихе царинну. Тулдхе хё царинну, царин вяву и сануб: «Неце ом минун велл, мё олэм сегойтут, мийд батэй кадоть мецха. Вот хян нугуде люўзь миндэй, а мина тойн хяндаст синунну». Мий оли кирдитэт приказас, сэн царь и максый. Дялгелэ нецида теги сватулэ балун. Нецил балул ванхамб велл керть или гулей и мина, Кузов, нецил балул олин, пивад дейн кюлякс, хуўлид мёто водь, а суўху ий пуўтну, и хумалзийн, и царь миндэй потки ирдалэ.

Категория: Вепсские народные сказки | Добавил: Максим (11.09.2013)
Просмотров: 240 | Рейтинг: 0.0/0
Всего комментариев: 0
Имя *:
Email *:
Код *:
Водская сказка
Отава
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2017
    Конструктор сайтов - uCoz