| Мецанижанд
Мецанижанд - урад-туллей - Паймнен хашкуйд лёўта вой. Ӱхтнягой хян вастха тули, Минун корвха санойд той.
Тундиштад ся мецан тага, Призораспяй линнеб - нойд, Пашой, эляшкандэб Вягес, Эмагайжикш техтас войд!
Ильместуйнь - ка эзитанхал, Сюгюзьмурдод - пайкал ал... Ланктэс кюзуйн татал ванхал: Микш мя нюгюдь элян мал?
Кердан мецха лехмут кадой... Хондомб пахут туллиж эй. Хенгхе кацухть Сана мадол, Келенмахтон варус вей.
Неце Сана синус радаб, Мехел линнеб - тулеб айг, Силой келетомузь кадоб. Сюндутадэс кирктас кайк.
Пухуй корвас вилу ахав, Вайше луми лямбить мейд... Куна тацта вяген пахан? Кусак лёўта ненид тейд?..
Ваўктан Весин санойд рижан, Олгха самбну минус кель Ёўцнен паёйкш кянда, Ижанд, Нене санад - сельктэмб мель.
| 
