Тожнарг, 24.10.2017

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
"Образцы вепсской речи" [15]
Материалы из книги М. Зайцевой и М. Муллонен "Образцы вепсской речи" 1969 года, записанные кириллицей.
Вепсские народные сказки [24]
Сказки из книги "Vepsän rahvhan sarnad" 1996 года, записанные кириллицей.
Vepsänman sarnad [8]
Сказки из книги "Vepsänman sarnad" 2006 года, записанные кириллицей
Ičemoi londuz [4]
Тексты из книги "Ičemoi londuz", записанные новой вепсской кириллицей
Kodima [25]
Материалы из газеты "Kodima", записанные кириллицей
Вепсская Викия [1]
Статьи из Вепсской Викии (Вепсян Викияспяй лехтполед)
Песни группы "Noid" [4]
Тексты песен группы "Noid", записанные кириллицей.
Списки слов из словаря [3]
Списки слов из вепсского диалектного словаря 1972 г.
Другие материалы [3]
Скройте рекламу!
Друзья! Реклама скрывается нажатием маленькой кнопочки "Close" слева от баннера!
Деклараций
Всеобщая декларация прав человека на вепсском языке (в новой вепсской кириллице)
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Вепсские материалы » Ičemoi londuz

Мейден ма

МЕЙДЕН МА

Тё элят вепсян мал. Ом-ик мейден ма сурь? Ка, сурь, эскай йӱгед ом мярита кердалаз. Ӓй ом вепсян мал и кюлид, и мецойд, и ёгид, и йӓрвид – эй вой лугеда-ки!

Нацейн, ляз тейден элонсияд ом митте-ни тахо, кудамбан куцтас «мяги». Мугой тахо ом ӱлемба тойжид. Но вепсян мал эй олэ тодэсижид корктойд мягид – мё войм нягиштада хейд вайше кувиш. Мейден «мягед» ома вайше кукхад. Куказ – неце ом мадал мяги. Ку ӱхтэс тахос сейжуб ӓй кукхид, ка сэн куцтас ӱлюсэкс. Кайкиш суремб ӱлюз мейден мал ом Вепсян ӱлюз. Нецил ӱлюсэл ома луяс тутабад, чомад кюляд: Вилхал, Курб, Ладв, Корбал, Шимйӓрв, Пяжар и тойжед. Нецил рандал ом чома; кен ом сигя олну, эй унохта никонз. Пидусть Ӓнижен рандад, сигя, кус ома кюляд Шоўтарв, Шокш, Калагь, Хеймъёги, ом суриден кукхиден чапь. Неце ом Шокшун куказсельг. Ку миччед-ни кукхад сейжуба риндати ӱхтэс ёнос, хейд куцтас куказсельгакс.

Мейден рандал войб паксус хомайта лаксойд. Лакс ом питьк сювя сювендуз саройденке, кайдан похъянке. Ку луми сулаб вай луяс вихмуб, ӓй везиояйжид ёксэб лаксойхе. Сигя ненэ ояйжед ӱхтиштуба, и лаксон похъядме ё ёксэб шольайдай ёги. Неце ёги веб лаксон паўткилпяй мад да летэт – силой лакс сювенеб и суренеб. Муга лаксод казваба и травиба ӓян хювяд мад. Сикш риституд азотаба лаксойден казвандан – казватаба пуйд лаксон верхе. Сэн тяхт, мише ласкхо ёксижи вяхембан вет, ма кюнттас вайше пойкполи нецидя лаксод. Мише вези эй вейжи мад лаксон паўткилпяй, пойкполи сидя войб техта похъязэ сейнян.

Мейл войб паксус хомайта нитуйл да мецойш сурид кивид. А коё-кус венуба пертин сурччед кивед. Эрасэд вепсян ман кивед, озутэсикш, кварциткиви, ома луяс чомад и тутабад кайкес маильмас. Кварциткюляс, ляз Шокшуд, ом ӓй мугойжид кивид. Сиян, кус войб лёўта ӓян хювид, чомид и тарбхайжид кивид, куцтас кивисиякс.

Йӓрвед ома вепсян манн кальхуз. Кайкъял, куна кацухтад, ом йӓрвид: и пенид, и сурид, и питькид, и люхюдойд, и сювид, и мадалид. Кайкиш сурембад йӓрвед ома Ваўгедйӓрв и Ӓнине. Ляз Ваўктад йӓрвед ома кюляд Пондал, Куя, Войлахт, а Шоўтарвь, Калагь, Шокш, Каскез, Кукагй, Первакат ома Ӓнижен рандал. Вологдан агъяс ом луяс чома Шимйӓрв. Сэн рандойл ом ванх тутаб Шимйӓрвенкюля.

Вепсян манн ом ёгид да оид-ки. Кайкиш пидембад ёгед ома Сювярь, Оять, Ивад, Пакс, Лидь да Капшъёги. Кайкутте ёги ляхтэб пурткеспяй. Пурткишпяй ёксэбад ояйжед и ояд ӱхтиштуба – муга тегесэ ёгед. Ёгехе ланктэба тойжед ояйжед и лижаёгудэд, сэ ёксэб эдэлэзэ и ланктэб йӓрвехе вай мерхе. Сэн пурткен, кудамбаспяй ляхтэб ёги, куцтас ёгенладвакс, сэн сиян, кус неце ёги ланктэб йӓрвехе вай мерхе, куцтас ёгенсукс.

Вези путуб ёгехе и тойжиш сиишпяй. Конз вихмуб, вихмвези ёксэб ёгехе. Конз кевядэл сулаб луми, вези мёст ёксэб оихе да ёгихе. Сикш кевязьтальвел оиш да ёгиш ом энамб вет, ми тойжел айгал. Лижавези (вай кевязьвези) употаб ӱмбриштод, кайк мадалад сияд, войб употада миччен-ни кюлян-ки.

Тальвел ёгед да йӓрвед, кайк везиуйтод ома йӓс, но ом мугойжид-ки сиид, кус эй олэ йӓд. Лижакс, кевязьтальвел ом луяс хойк да рябед. Сикш, конз ляхтэт йӓлэ, луяс кайкатой. Ку ӱмбри эй олэ ванхембид, ом паремб йӓда рандалэ. Кеза-айгал валикат кюльбендан тяхт вайше тутабад сияд. Никонз алгат кюльпкойш ичетой себраникойта.

КЮЗУНДАД

1. Ми ом мятаз, лакс?

2. Ми ом ӱлюз, куказсельг?

3. Митте сурь ӱлюз ом мейден мал? Кус ом Шокшун куказсельг?

4. Кут казваб лакс? Кут войб азотада лаксойден сювендамишт?

5. Мелетагат, микш Кварциткюля сай мугойжен нимен.

6. Миччед ёгед и йӓрвед ома тейден тахойш?

7. Миччед вепсян ман йӓрвед ома сурембад тойжид?

8. Кут сюндуб ёги? Ми ом ёгенладв, ёгенсу?

 

Лижаматериал

ВЕДЭНПЁРУНД ЛОНДУСЭС

Ведэнпёрунд тегесэ лондусэс кайкуччен пяйвян, часун, минутан. Пяйвяйжен сильмяд лямбитаба мад и везиуйтод. Вези лямбитасэ и кяндасэ пурукс; везипуру либуб ильмаха маспяй, мериден, йӓрвиден, ёгиден лайдойлпяй, казвмусишпяй.

Туллейд кандаба нецидя везипуруд кайкъялэ. Пуру когодасэ пильвихе, а пильвишпяй вихмуб, вай ланктэба маха луяс хенод кристаллад кюльмнут вет – ненэ ома луми да рагиж.

Сэ вези, кудамб ом лангену маха, сидь-жо ёксэб оихе, ёгихе, а хейшпяй – йӓрвихе да мерихе. Тальвен айган луми хяткен венуб мас, а конз тулеба лямяд кевязьпяйвяд, пяйвяжен сильмяд суладаба хяндаст. Луми мёст кяндасэ нозолусэкс, ведэкс, и сидь ёксэб везиуйтойхе.

Йӓльгес вихмад ӓяк-сэ вихмвет тулеб маха, и ӓяк-сэ йӓб лухтихе да казвмусиле, а сидь, конз пяйвяйне ляхтеб мёст пильвишпяй, тегесэ пурукс. Неце пуру либуб ильмаха…

Вези, кудамб путуб маха, хяткен матктаб сигя, а сидь ляхтэб маспяй луяс вилун, пухтхан, лахедан. Эрасиш тахойш ман ал ома тодэсижед суред ёгед да йӓрвед – арвокахад ресурсад рескад пухтаст вет.

КЮЗУНДАД

1. Санугат, кут лондусэс тегесэ везипёрунд.

2. Мелетагат, миччед радод вези тегеб хонусэс.

 

МЕЙДЕН КОДИМАН ЙӒРВЕД

Мейден Венямас ом ӓй йӓрвид. Хейден кескес ома мугойжед-ки суред, кут эрасэд меред, и пенед, кути сурь лухт. Войб ёхтутада Каспиян мерен полхе – неце ом кайкиш суремб Веняман и кайкен Ман йӓрв. А тойжид йӓрвид да везиуйтойд ом миллионад! Хейд войб вастата и корктойл мягил, и чомил тазангиштойл, тропикалижиш мецойш да рахвахатомас масс, тундрас и Антарктикан йӓйш.

Мейден Мал ома мугомад сювяд йӓрвед, мише хейден сювют войб риндатада мерен сювюдэнке, а тойжиш ом ани вяхя вет. Йӓрвед ома луяс эразвуйччед: ӱксь сиядасэ мяргас алангос, ӱмбри тошт ома чомад пяйпаштокахад летэрандад. Йӓрвенведэн мую ом мугажо эразвуйтте: воўваз, музав вай эскай майдон муюн картте.

Ӓиш йӓрвиш кехуб эло, но ом везиуйтойд, кудамбиден ведэд ома кути колнудэд, эскай хейден рандойл эй олэ ни ӱхт казвмуст. Хювя мугойжен йӓрвен эзикува ом тутаб Колну мери. Вези нециш йӓрвес ом луяс солаказ, и сикш синня никут эй вой упота, а вези пидаб уюяд луяс хювин.

Ӱхтэс йӓрвес вези ом реск, тойжес солаказ вай каргед, ӱхтэс йӓрвес вези ом хул, а тойжес хян ом луяс вилу.

Кайкиш хулемб вези ом ӱхтэс йӓрвес Камчаткан немел. Ку кацум нецен йӓрвен похъязэ, ка нягиштам, мише сигя кехуба-ёротаба хулад пурткед. Вези ом мугой хул, мише синня эй вой ласкта кят. Нимитте живат вай казвмуз эй вой эляда мугойжес хулас ведэс. Но нецен йӓрвен рандойл ом ӓй эляид. Лямян ведэнно тальвен айган эляба эразвуйччед кезалиндуд.

Кайкиш вилумб йӓрв ом Таймыр, кудамб ом Веняман похъёйжполес. Неце йӓрв ом луяс питьк: 200 километран питте. Ну ом-ик мугойжес йӓрвеспяй лижад? Хянэс эй вой кюльптяс, сикш ку максималине ведэн кезатемператур ом 5—7 градусад лямяд. Таймырйӓрв хяткен магадаб лумен ал.

Мейден тахойден чома сурь йӓрв ом Ӓнине. Ӓнижел ом луяс мелентартуйне, ичевуйтте форм, кудамб коскуб миччехе-сэ живатаха сарнойшпяй. Йӓрвен рандад ома эразвуйччед, но кайкен луяс чомад. Ӓнижйӓрвен картал войм нягиштада ӓян лахтид, немид, сарид, хянэн рандойл казваба лехтэз- да кавагьмецад.

Эрасиш йӓрвенрандтахойш ома чомад леткесижед уюрандад (озутэсикш, Шоўтарвенкюлянно, Калагенно), а тойжиш нед ома сокахад, и сигя казваб рого. Калад да везилиндуд луяс наведиба мугойжид сиид: сидь войб кебнас лёўта сёмяд. Ӓнине ом луяс калаказ йӓрв, тодэсине рай каланикойле. Йӓрвен чомуз куцуб ичезэннокс туристойд, маткаид. Ӓнижен рандал ом Петроской, Каръялан Республикан пялидн, сурь экономикан да культуран кескуз.

Ӓнижехе ланктэба суред ёгед: Суна, Водла и Шуя и эрасэд пенембад ёгед и ояд, а Ӓнижеспяй ляхтэб сурь ёги Сювярь, кудамб ланктэб Ладогаха. Ӓнижйӓрвед эй вой сануда тюнякс, тяс паксус либуба луяд торокад, пухуба ковад туллейд.

КЮЗУНДАД

1. Ёхтутагат, миччид йӓрвид тейден тахойш тё тедат.

2. Митте йӓрв ом лямемб кайкид тойжид?

3. Митте йӓрв ом вилумб кайкид тойжид?

4. Санугат Ӓнижйӓрвен полхе. Ку элят Ӓниженно, санугат, митте ом йӓрвенранд тейден тахос.

Категория: Ičemoi londuz | Добавил: Максим (30.08.2014)
Просмотров: 150 | Рейтинг: 0.0/0
Всего комментариев: 0
Имя *:
Email *:
Код *:
Водская сказка
Как сирота с медведем в лесу в жмурки играла
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2017
    Конструктор сайтов - uCoz