Видензьпяйв, 29.03.2024

ВВИКП

сайт в разработке
  Кириллица - наша азбука!  
Сайтан меню
Ягусэн категорияд
"Образцы вепсской речи" [15]
Материалы из книги М. Зайцевой и М. Муллонен "Образцы вепсской речи" 1969 года, записанные кириллицей.
Вепсские народные сказки [24]
Сказки из книги "Vepsän rahvhan sarnad" 1996 года, записанные кириллицей.
Vepsänman sarnad [8]
Сказки из книги "Vepsänman sarnad" 2006 года, записанные кириллицей
Ičemoi londuz [4]
Тексты из книги "Ičemoi londuz", записанные новой вепсской кириллицей
Kodima [25]
Материалы из газеты "Kodima", записанные кириллицей
Вепсская Викия [1]
Статьи из Вепсской Викии (Вепсян Викияспяй лехтполед)
Песни группы "Noid" [4]
Тексты песен группы "Noid", записанные кириллицей.
Списки слов из словаря [3]
Списки слов из вепсского диалектного словаря 1972 г.
Другие материалы [3]
Реклама на сайте
К представленной на сайте рекламе сторонних страниц автор сайта отношения не имеет. Платформа сайта ставит её автоматически. Приносим свои извинения.
Деклараций
Всеобщая декларация прав человека на вепсском языке (в новой вепсской кириллице)
Новая книга
М.Ю. Кузнецов. Русские черты в вепсском синтаксисе. СПб, 2018.
Статистик

Онлайн всего: 1
Гостей: 1
Пользователей: 0
Форма входа
Главная » Статьи » Вепсские материалы » Ičemoi londuz

Лямянмяричим

ЛЯМЯНМЯРИЧИМ 

Кайкутте тедаб, мише кевядэл ся ом лямь, кезал – ряк, а сюгюзел да тальвел – вилу. Конз мё санум «лямь», «ряк», «вилу», ка кайкен пагин ом ильман лямудэс. Лямут войб мярита лямянмяричимел. Лямянмяричимел мяритас ильмен, ведэн, хибйӓн лямут. Лямянмяричимед ома ирдалижед, пертин тяхт, хибйӓн лямудэн мяричусэн тяхт и тойжед.

Откат лямянмяричим и лёўткат сил пордхишт да стёколтуру. Стёколтуруху ом валетуд муюнозолуз. Пордхиштол ом ӓй ягадусид. Кайкуттушт ягадуст куцтас градусакс, а лугуд, кудамбад ом киръютадуд риндалэ, озутаба, ӓяк градусид ом. Кескес пордхиштод тё нягиштат лугун «0»: неце ом рёўн лямян да вилун кескес. Ӱлемба лугуд «0» ома лямян градусад, алэмба «0» – вилун градусад. Ӱлембайжид градусад куцтас «лямян градусикш», а алэмбайжид – «вилун градусикш». Конз мяритас лямут, муюнозолуз либуб стёколтурудме, и нозолусэн ӱлембайне агй сейжутасэ сэн ягадусэнно, кудамб озутаб градусидэн лугун.

Конз тарбиж киръютада «виж градусад лямяд», ка киръютадас «+5°», конз пидаб киръютада «каксь градусад вилуд», ка киръютадас «-2°».

Нюгюдь тё ё махтат мярита лямут лямянмяричимел. Войб олда, тейл ом ирдалине лямянмяричим – силой войт мярита ирдильман лямут. Вайше рипутагат лямянмяричим ирдалэ, пильвесижехе тахозэ. Мярикат ирдильман лямут кайкуччел пяйвял и киръютагат градусидэн лугу тейдэн лехтикохо. А конз тарбиж мярита ведэн лямут, лямянмяричинт эй са отта ведэспяй, муйте се озуташкандэб вярид лугуйд. 

КОДВ 

Пясткат лямянмяричим вилуху ведхе. Кацкат, ми тегесэ муюнозолусэлэ. Сидь пясткат сэ лямянмяричим лямхя ведхе. Ми тегесэ муюнозолусэлэ? Кодван техтэс эльгендам, мише лямяс ведэс муюнозолуз стёколтурус либуб ӱлемба, ми вилус ведэс. 

Лямянмяричимел войб мярита ильман, ведэн, хибйӓн лямут.

Лямянмяричимес лямут озутаб муюнозолуз,

кудамб ом стёколтурус. 

КЮЗУНДАД 

1. Ми лямянмяричим ом?

2. Озутагат лямянмяричимен палад.

3. Санугат, кут лямянмяричим радаб, кут сил войб мярита лямут?

4. Кохтайкат эрижид лямянмяричимид. Мин тяхт кайкутте нийшпяй ом техтуд?

5. Киръютагат лугуйл:

а) «кузь градусад лямяд»

б) «кахеса градусад вилуд»

в) «каксь градусад ӱлемба нольад»

г) «нелль градусад алэмба нольад»

д) «плюс коўме градусад»

е) «минус сейчеме градусад»

6. Санугат санойл: «+12°», «0°», «-3°», «-20°», «+5°»

7. Митте лямуз ом кайкиш корктемб ненишпяй: -3°, +5°, 0°?

8. Конз ирдал ом вилумб: ку лямянмяричим озутаб:

а) 0°

б) +7°

в) -8°

 

Материал лугендан тяхт

 

КЕН ОМ КАЙКИД ВЯГЕВАМБ 

марин рахвхансарн 

Ёкси йӓниш йӓдме, да либестуй и луяс кибедас ланкси. Либуй хян и кюзуб:

– Сану-шке минэй, йӓ: нацейн синя олэд вягевамб кайкид? Кут кибедас синя пексид миндай!

– Миня олэн вягевамб кайкид, – сануй йӓ.

Йӓниш вяхяйжен мелети и сануй:

– Ка, но пяйвяйне суладаб синдэй кевядэл! Нацейн, пяйвяйне ом вягевамб кайкид.

Тули йӓниш пяйвяйженнокс и кюзуй:

– Олэд-ик синя, пяйвяйне, вягевамб кайкид?

– Ка, миня олэн вягевамб кайкид!

Йӓниш вяхяйжен мелети и сануй:

– Ка, но микш-жо синя пейтатой пильвихе? Нацейн, пильв ом вягевамб кайкид!

Тули хян пильвеннокс и кюзуй:

– Олэд-ик, синя, пильв, вягевамб кайкид?

– Миня олэн вягевамб кайкид, – сануй пильв.

Но йӓниш мелети и сануй:

– Ка, но микш синя лендад вайше синня, куна туллей пухуб? Нацейн, туллей ом вягевамб кайкид.

Кюзуб хян туллейд:

– Туллей! Ёсэ синя вягевамб кайкид олэд?

– Миня олэн вягевамб кайкид, – сануй туллей.

Йӓниш вяхяйжен мелети и сануй:

– Ка, но синя эд вой сирта сурт мягед. Мелетан, неце мяги ом вягевамб кайкид.

Хян тули сурен мягеннокс и кюзуй:

– Сурь мяги! Олэд-ик синя вягевамб кайкид?

– Миня олэн вягевамб кайкид!

Йӓниш мелети и сануй:

– Пеникайне хирют синуху тегеб ичезэ уруйжен. Нацейн, хирь ом вягевамб кайкид.

Тули хян хиреннокс и кюзуй:

– Хирют, олэд-ик синя вягевамб кайкид?

– Миня олэн вягевамб кайкид!

Йӓниш вяхяйжен мелети и сануй:

– А микш синя кажид варайдад? Нацейн, кажи ом вягевамб кайкид.

Тули йӓниш кажиннокс и кюзуб:

– Олэд-ик синя, кажи, вягевамб кайкид?

– Ка, миня олэн вягевамб кайкид!

Йӓниш мелети и сануй:

– Микш-жо синя койрад варайдад? Нацейн, койр ом вягевамб кайкид.

Тули хян койраннокс и кюзуб:

– Койр! Олэд-ик синя вягевамб кайкид?

– Миня олэн вягевамб кайкид, – нутаб койр.

Йӓниш вяхяйжен мелети и сануй:

– Но синай ом ижанд, и синя варайдад хяндаст. Нацейн, мезь ом вягевамб кайкид.

Тули хян пертьхе, а ижандад эй олэ. Вайше ижандан тютӓрь паштаб сульцнид.

Йӓниш кюзуб:

– Сану-шке, кен ом вягевамб кайкид?

– Минай эй олэ айгад бульайта, – сануй ижандан тютӓрь. – Ала телуста минэй паштта!

Оти хян рехтипаликон и таци йӓнишаха. Йӓниш эхти пагета пойш, но рехтипалик мустэнзойти хянэн корвидэн агъяд нодэл.

Сикш-сэ йӓниш ом хахк, но хянэн корвидэн агъяд ома мустад.

Категория: Ičemoi londuz | Добавил: Максим (13.06.2013)
Просмотров: 589 | Рейтинг: 0.0/0
Всего комментариев: 0
Имя *:
Email *:
Код *:
Водская сказка
Принцесса в башне
Ютуд я каазгõд
Ижоран кааска
Только у нас!
Сказка из грамматики Волмари Поркки!

Ваддя каазгõд
Только у нас!
Сказки из грамматики Августа Алквиста!

Ваддя ютуд
(Водские предания)



Вепсян сарнад
Сарнад Матвеянсельг да Тихоништ-кюлишпяй
(Сказки из деревень Матвеева Сельга и Тихоништа)


RSS

Все новые тексты!
Подпишись!
Чат
Добро пожаловать в чат!
Курсы вепсского
Курсы вепсского языка в Санкт-Петербурге!
Подробности здесь.
Автор пагижеб
Ищете водские сказки?
Ищете вепсские сказки?
Ищете ижорские сказки?
Всё есть!
Эцмине
Друзья сайта
  • Ucoz
  • Энецкий сайт
  • Вепсская Викия
  • Вепсская Википедия
  • Сайт СПб Вепсского общества
  • Немного расскажу о води...
  • Эвенгус и Эвенкитека
  • Тофастан
  • Браузер
    Для просмотра сайта рекомендуется браузер Google Chrome
    Copyright MyCorp © 2024
    Конструктор сайтов - uCoz