Лари дӓӓдӓ, ситӓ пэллӓттии кõйкии. Сэ ку мэни Нарваа õпõзõõ коормаакаа, айлии коормаакаа, а сиӓл вакурат тултии кõйк фабричнойт коттоо, вассаа. Нии, õпõзõõ пӓӓл, умалаз. «Вӓӓни ӓӓрээ! Коормаакаа, коормаакаа вӓӓни ӓӓрээ!». -Нӓмӓ пойгад. – «Лари дӓӓдӓ туõб, Лари дӓӓдӓ туõб!». - Сиӓл нэйтӓ õли нэллӓ õвõсса. Лари дӓӓд, ку мэни, вõтти õпõзõõ висказ ӓӓрээ. Тõйзõõ õпõзõõ тõйсõõ ӓӓрээ. – «Тулкаа пэрӓз!» - Õпõзõд визгоб ӓӓрээ, кахтõппоолõõ. Сиис пэрӓӓ нõйстии тӓӓтӓмӓ, ку Лари дӓӓдӓ туõб, нӱтт Лари дӓӓдӓ сиин. Эб тõхитту мэннӓ. Ӱфс сиис тули лаўтиилл Кодгосс ӱли. Лари дӓӓдӓ пиӓб айяа лаўтиилла вакурат сиӓлт тултии, айõттии эттээ. Лари дӓӓд юттõль: «Ая вӓллӓӓ õпõн лаўтиилт!» - «Эн вõта». Тӓмӓ ку вõтти õпõзõõ чиин. – «Мээн вискаан Лаўкаасõõ õпõн. Вискаан Лаўкаасõõ õпõзõõ и синуу.

[Вискааз Лаўкаасõõ?]

Эб визганну. Сэ нõйс чӱсӱмӓӓ: «Сиӓ элӓ виска. Мэнэн вӓллӓӓ». Айõ лаўтиилт вӓллӓӓ õпõзõõ. Нии. Сэ õли кõвасси лаўхкаа. Касэ сõтамэхиикаа таппõли. Сиис пӓӓси. Сииз вээтии Сипэрии. Тэрвээ роойии сõтамэхии рӓйми.

[Ни воймаказ õли?]

Воймаказ õли.