Õли старикка и старуха. Мэни
старикка мэрэлээ каллаа пӱӱтӓмӓӓ. Каллой сай паллё. Ситõ коормаа. Иссуз коормаа
пӓӓлээ. Мээб коттоосõõ. Ваатаб: рэпо лэжиб тээ пӓӓл. Тӓмӓ сэйзатти опõзõõ. Нõйс
коормаа пӓӓлт. Вõтти рэппуа ӓннӓз чиин, висказ коормаа пӓӓлээ. Рэпо каўгаа эб
лэжиннӱ. Алкõ вискуа каллой. Вискõ кõйкõõ коормаа.
Туõб старикка коттоо и юттõõб старухаллõõ:
«Миӓ сайн силлõõ ӱввӓӓ каглуссõõ».
Вот, старуха мээб õввõõсõõ. Старикка
мэни таккаа.
«Нӓӱ̆тӓ миллõõ, куза он каглуз!»
Старикка ваатаб коормаасõõ. Эб õõ
калой, эб õõ рэппоа. – «Тайтаа õли рэпо элоз, куй кõйкк калад вискõ».
А рэпо коръяс калат коккоо. Исуб и сӧӧб.
Туõб суси, чӱзӱб: «Кусс сиӓ, куума сайд каллой?»
«Пӱввин!»
«Куза пӱввид?»
«Jӓрвõсс».
«Õпõт миннуа, куй пӱӱтӓӓ пиӓб».
«Мээ jӓрвõõсõõ! Сиӓлл jӓрвõз он аўкко.
Писӓ синнэ ӓнтӓ. И паята: пӱввӓ ӓнтӓ каллой, сууриа и пээниӓ».
Мэни суси пӱӱтӓмӓӓ каллой. А рэпо ёониттõõб
ӱмпӓр ситӓ аўккоа. Юттõõб: «Jӓӓтӱ, jӓӓтӱ, суõ ӓнтӓ!»
Рэпо ваатаб: суõлла ӓнтӓ jӓӓттӱ.
Рэпо ёхз чӱллӓӓсээ, рӓӓгаб: «Тулкаа вӓчи! Jӓрвõз он суси. Вõттагаа ангод чӓттээ,
кангид пихта, ёоскаа, таппагаа!» Суси ваатаб: ёхсаз вӓчи суõ пӓӓлээ. Суси
ӱппии и ӓннӓӓ катказ. Ёхс илма ӓннӓттӓ.
| 
